ବାଂଲାଦେଶରେ ଫସି ରହିଥିବା ଭାରତୀୟ ଡାକ୍ତରୀ ଛାତ୍ରଙ୍କ ସୁରକ୍ଷା ନେଇ ଚିନ୍ତା ପ୍ରକାଶ କଲା AIMSA, ପ୍ରଧାନମନ୍ତ୍ରୀଙ୍କୁ ଲେଖିଲା ଚିଠି

ନୂଆଦିଲ୍ଲୀ: ବାଂଲାଦେଶରେ ଥମୁନି ହିଂସା। ସେଠାରେ ଭାରତୀୟ ଡାକ୍ତରୀ ଛାତ୍ର ଫସି ରହିଛନ୍ତି। ଡାକ୍ତରୀ ଛାତ୍ରଙ୍କ ସୁରକ୍ଷା ନେଇ ଚିନ୍ତା ପ୍ରକାଶ କରିଛି ଅଲ୍ ଇଣ୍ଡିଆ ମେଡିକାଲ୍ ଷ୍ଟୁଡେଣ୍ଟସ୍ ଆସୋସିଏସନ୍ ( AIMSA) । ସେମାନଙ୍କୁ ସୁରକ୍ଷିତ ଆଣିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚିଠି ଲେଖିଛନ୍ତି ଆସୋସିଏସନ୍। ସଂଗଠନ ଏହି ମାମଲାରେ କେନ୍ଦ୍ର ସରକାରଙ୍କ ତୁରନ୍ତ ହସ୍ତକ୍ଷେପ ଦାବି କରିଛି।

ଚିଠିରେ ସଂଘ କହିଛି ଯେ ବାଂଲାଦେଶରେ ଭାରତୀୟ ଡାକ୍ତରୀ ଛାତ୍ରମାନେ କଠିନ ପରିସ୍ଥିତିରେ ଫସି ରହିଛନ୍ତି। ସେମାନଙ୍କ ସୁରକ୍ଷା କୁ ନେଇ ଗମ୍ଭୀର ଚିନ୍ତା ପ୍ରକାଶ ପାଇଛି। ଛାତ୍ରମାନଙ୍କୁ ସୁରକ୍ଷିତ ରଖିବା ପାଇଁ ଆବଶ୍ୟକ ପଦକ୍ଷେପ ନେବାକୁ ଏବଂ ଆବଶ୍ୟକ ହେଲେ ସେମାନଙ୍କୁ ଭାରତ ଫେରାଇ ଆଣିବା ପାଇଁ ସଂଗଠନ ପ୍ରଧାନମନ୍ତ୍ରୀଙ୍କୁ ନିବେଦନ କରିଛି।

ପ୍ରଧାନମନ୍ତ୍ରୀ ମୋଦୀଙ୍କୁ ଲେଖିଥିବା ଚିଠିରେ, AIMSA ଏହା ମଧ୍ୟ କହିଛି ଯେ ଭାରତରେ ଏହି ଛାତ୍ରଙ୍କ ପରିବାର ଅତ୍ୟନ୍ତ ଚିନ୍ତିତ ଏବଂ ସରକାରଙ୍କଠାରୁ ତୁରନ୍ତ ସହାୟତା ଆଶା କରୁଛି। ଏହା ବ୍ୟତୀତ, ସଂଗଠନ ବିଶ୍ୱାସ ପ୍ରକାଶ କରିଛି ଯେ ସରକାର ଛାତ୍ରମାନଙ୍କ ସୁରକ୍ଷାକୁ ପ୍ରାଥମିକତା ଦେବେ ଏବଂ ଶୀଘ୍ର ଏକ ସମାଧାନ ବାହାର କରିବେ।

All India Medical Students Association (AIMSA) writes to Prime Minister Narendra Modi.

"We respectfully seek your immediate and urgent intervention concerning the safety and well-being of Indian medical students currently stranded in Bangladesh," reads the letter pic.twitter.com/dP5p3eHZj6

— ANI (@ANI) December 22, 2025

ବାଂଲାଦେଶ ପୁଣି ଥରେ ହିଂସାର ନିଆଁରେ ଜଳୁଛି। ଏହାର ପ୍ରମୁଖ କାରଣ ଛାତ୍ର ନେତା ସରିଫ ଓସମାନ ହାଦିଙ୍କ ହତ୍ୟା। ହାଦିଙ୍କ ହତ୍ୟା ପରେ ସମଗ୍ର ବାଂଲାଦେଶରେ ହିଂସା ସୃଷ୍ଟି ହୋଇଥିଲା। କାରଣ ହାଦି ଗତ ବର୍ଷ ଶେଖ ହସିନା ସରକାରଙ୍କୁ ଇସ୍ତଫା ଦେବାକୁ ବାଧ୍ୟ କରିଥିବା ସରକାର ବିରୋଧୀ ପ୍ରତିବାଦରେ ଜଣେ ପ୍ରମୁଖ ବ୍ୟକ୍ତି ଥିଲେ। କିନ୍ତୁ ଏହି ହିଂସା ଏକ ବଡ଼ ରୂପ ନେଇଥିଲା ହିନ୍ଦୁ ଯୁବକ ଦୀପୁ ଚନ୍ଦ୍ର ଦାସଙ୍କୁ ନିର୍ମମ ଭାବରେ ହତ୍ୟା କରାଯାଇଥିଲା। ବାଂଲାଦେଶରେ ରହୁଥିବା ସମସ୍ତ ସଂଖ୍ୟାଲଘୁଙ୍କ ସୁରକ୍ଷା ଉପରେ ପୁଣି ଥରେ ପ୍ରଶ୍ନ ଉଠିବା ଆରମ୍ଭ ହୋଇଥିଲା।