ମୁମ୍ବାଇ: ଭାରତ ଓ ଇଂଲଣ୍ଡ ମଧ୍ୟରେ ଖେଳା ଯାଉଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ର ପଞ୍ଚମ ତଥା ଶେଷ ମ୍ୟାଚ୍ ମୁମ୍ବାଇର ଓ୍ଵାଙ୍ଖେଡ଼େ ଷ୍ଟାଡିୟମରେ ଖେଳାଯିବ। ମ୍ୟାଚ୍ରେ ଟସ୍ ଜିତି ଇଂଲଣ୍ଡ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଭାରତୀୟ ଦଳରେ ଗୋଟିଏ ପରିବର୍ତ୍ତନ ହୋଇଛି। ମହମ୍ମଦ ଶାମିଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଛି।
ଭାରତୀୟ ଦଳରେ ମହମ୍ମଦ ଶାମିଙ୍କ ଭାବେ ଗୋଟିଏ ପରିବର୍ତ୍ତନ ହୋଇଛି। ଅନ୍ୟପଟେ ଇଂଲଣ୍ଡ ଦଳରେ ଗୋଟିଏ ପରିବର୍ତ୍ତନ ଘଟିଛି। ଟସ୍ ଜିତିବା ପରେ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ କହିଛନ୍ତି, ଆମେ ପ୍ରଥମେ ବ୍ୟାଟିଂ କରିବାକୁ ଚାହୁଁଥିଲୁ। ଓ୍ଵିକେଟ୍ ବହୁତ ଭଲ ରହିଛି। ମୁଁ ଆଶା କରୁଛି ପଡ଼ିଆରେ ଅଧିକ କାକର ପଡିବ ନାହିଁ। ଆଜିର ମ୍ୟାଚ୍ରେ ଖେଳାଳି ନିଜର ଦାୟିତ୍ଵ ନିଅନ୍ତୁ ଏବଂ ମ୍ୟାଚ୍ ଫିନିସ କରନ୍ତୁ। କିନ୍ତୁ ବେଳେ ବେଳେ ବିଫଳ ହୋଇଥାଉ, କାରଣ ହାଇ ରିସ୍କ ସହ ଖେଳିବାକୁ ପଡ଼େ।
ଟସ୍ ଜିତିବା ପରେ ଇଂଲଣ୍ଡ ଅଧିନାୟକ ଜୋସ ବଟଲର କହିଛନ୍ତି, ଆମେ କିଛି ଭାଗରେ ଭଲ କ୍ରିକେଟ୍ ଖେଳିଛୁ। ମାତ୍ର ଆମକୁ ଏଥିରେ ଆହୁରି ଭଲ କରିବାକୁ ପଡ଼ିବ। ଖେଳରେ ନିଜର ପଲ୍ଲା ମଜବୁତ କରିବାକୁ ପଡ଼ିବ। ଦଳରେ ସକରାତ୍ମକ ମାହୋଲ ରହିଛି। ପିଚ୍ ଭଲ ରହିଛି ଏବଂ ମାର୍କ ଉଡଙ୍କ ଦଳରେ ପ୍ରତ୍ୟାବର୍ତ୍ତନ ଘଟିଛି।
ଭାରତୀୟ ଦଳ
ସଞ୍ଜୁ ସାମସନ(ଓ୍ଵିକେଟ୍ କିପର), ଅଭିଷେକ ଶର୍ମା, ତିଳକ ବର୍ମା, ସୂର୍ଯ୍ୟକୁମାର ଯାଦବ(ଅଧିନାୟକ), ରିଙ୍କୁ ସିଂ, ଶିବମ ଦୁବେ, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ୍, ରବି ବିଷ୍ଣୋଇ, ମହମ୍ମଦ ଶାମି, ବରୁଣ ଚକ୍ରବର୍ତ୍ତୀ।
ଇଂଲଣ୍ଡ ଦଳ
ଫିଲିପ ସଲ୍ଟ(ଓ୍ଵିକେଟ୍ କିପର), ବେନ ଡକେଟ୍, ଜୋସ ବଟଲର(ଅଧିନାୟକ), ହ୍ୟାରି ବ୍ରୁକ, ଲିୟାମ ଲିଭିଙ୍ଗଷ୍ଟୋନ, ଜ୍ୟାକବ ବେଥେଲ, ବ୍ରାୟଡନ କର୍ସ, ଜେମି ଓଭରଟନ, ଜୋଫ୍ରା ଆର୍ଚର, ଆଦିଲ ରଶିଦ, ମାର୍କ ଉଡ।
