ସତ ହେଲା ଗୁଜବ; ଭାଙ୍ଗିଗଲା ପଲାଶ-ସ୍ମୃତିଙ୍କ ବିବାହ, ସୋସିଆଲ ମିଡିଆରେ ସେୟାର କଲେ ଇମୋସନାଲ ପୋଷ୍ଟ

ଭାରତୀୟ ମହିଳା କ୍ରିକେଟର ସ୍ମୃତି ମନ୍ଧାନା । ଅନେକ ଦିନ ଧରି ପଲାଶଙ୍କ ସହ ବିବାହକୁ ନେଇ ସସପେନ୍ସ ଘୂରି ବୁଲୁଛି। ଏବେ ସ୍ମୃତି ଏବଂ ପଲାଶ ଉଭୟ ଏହାକୁ ବିବାହ କରିବେନି ବୋଲି କନଫର୍ମ କରିଛନ୍ତି। ସ୍ମୃତି ଏବଂ ପଲାଶ ଏକ ପୋଷ୍ଟ ସେୟାର କରି ନିଶ୍ଚିତ କରିଛନ୍ତି ଯେ ସେମାନେ ବିବାହ କରିବେ ନାହିଁ। ଉଭୟେ ସେମାନଙ୍କ ଜୀବନରେ ଆଗକୁ ବଢ଼ିବାକୁ ଚାହାଁନ୍ତି। ସେମାନଙ୍କ ବିବାହ ଭାଙ୍ଗିବା ଖବର ପ୍ରଶଂସକଙ୍କୁ ପାଇଁ ଏକ ବଡ଼ ଝଟକା ଲାଗିଛି ।

ପଲାଶ ଏବଂ ସ୍ମୃତି ବହୁତ ଦିନ ଧରି ସେମାନଙ୍କ ବିବାହ ଉପରେ ନୀରବ ରହିଥିଲେ। କିନ୍ତୁ ପଲାଶ ଏବେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରିଛନ୍ତି, ଯାହା ସ୍ପଷ୍ଟ କରିଛି ଯେ ସେ ସ୍ମୃତିଙ୍କୁ ବିବାହ କରୁନାହାଁନ୍ତି। ସେ କହିଛନ୍ତି ଯେ ଗତ କିଛି ସମୟ ତାଙ୍କ ପାଇଁ ବହୁତ କଷ୍ଟକର ଥିଲା। ବର୍ତ୍ତମାନ ସେ ତାଙ୍କର ପୂର୍ବ ସମ୍ପର୍କରୁ ଆଗକୁ ବଢ଼ିବାକୁ ଚାହାଁନ୍ତି। ପଲାଶ ତାଙ୍କ ପୋଷ୍ଟରେ ଆହୁରି ଲେଖିଛନ୍ତି, "ମୁଁ ଜୀବନରେ ଆଗକୁ ବଢ଼ିବାକୁ ନିଷ୍ପତ୍ତି ନେଇଛି। ମୁଁ ମୋର ବ୍ୟକ୍ତିଗତ ସମ୍ପର୍କରୁ ଓହରି ଯାଉଛି।" ଏହା ମୋ ଜୀବନର ସବୁଠାରୁ କଷ୍ଟକର ସମୟ, ଏବଂ ମୁଁ ମୋର ବିଶ୍ୱାସରେ ସ୍ଥିର ରହି ଏହାକୁ ସୁନ୍ଦର ଭାବରେ ପରିଚାଳନା କରିବି। "ମୁଁ ଆନ୍ତରିକ ଭାବରେ ଆଶା କରୁଛି ଯେ ଆମେ ଏକ ସମାଜରେ କାହା ଉପରେ କିଛି ନ ଜାଣି କହିବା ଠିକ ନୁହେଁ । ଯାହା ଆମକୁ ବହୁତ ଆଘାତ ଦେଇପାରେ।"

ଆକ୍ସନ ନେବେ ପଲାଶ

ପଳାଶ ଆହୁରି କହିଛନ୍ତି ଯେ ତାଙ୍କ ବିଷୟରେ ମିଥ୍ୟା ସୂଚନା ପ୍ରସାରଣ କରୁଥିବା ଲୋକଙ୍କ ବିରୁଦ୍ଧରେ ସେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ।, "ଯେତେବେଳେ ଆମେ ଏହି ବିଷୟଗୁଡ଼ିକ ଉପରେ ବିଚାର କରୁଛୁ, ବିଶ୍ୱର ଅନେକ ଲୋକ ଗମ୍ଭୀର ପରିଣାମର ସମ୍ମୁଖୀନ ହେଉଛନ୍ତି। ମୋ ଟିମ୍ ମିଥ୍ୟା ଏବଂ ମାନହାନିଜନକ ସୂଚନା ପ୍ରସାରଣ କରୁଥିବା ଲୋକଙ୍କ ବିରୁଦ୍ଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବ। ଏହି କଷ୍ଟକର ସମୟରେ ଯେଉଁମାନେ ମୋତେ ସମର୍ଥନ କରିଛନ୍ତି ସେମାନଙ୍କୁ ମୁଁ ଆନ୍ତରିକ ଭାବରେ ଧନ୍ୟବାଦ ଜଣାଉଛି।"

କଣ ଲେଖିଛନ୍ତି ମନ୍ଧାନା?

ମନ୍ଧାନା ତାଙ୍କ ପୋଷ୍ଟରେ ଲେଖିଛନ୍ତି, "ଗତ କିଛି ସପ୍ତାହ ଧରି ମୋ ଜୀବନ ବିଷୟରେ ଅନେକ କଳ୍ପନାଜଳ୍ପନା ଚାଲିଛି ଏବଂ ମୁଁ ଭାବୁଛି ଯେ ଏହି ସମୟରେ ମୁଁ କହିବା ଉଚିତ୍ । ମୁଁ ଜଣେ ଅତ୍ୟନ୍ତ ବ୍ୟକ୍ତିଗତ ଲୋକ ଏବଂ ମୁଁ ଏହିପରି ରହିବାକୁ ଚାହେଁ, କିନ୍ତୁ ମୁଁ ସ୍ପଷ୍ଟ କରିବାକୁ ଚାହୁଁଛି ଯେ ବିବାହ ବାତିଲ କରାଯାଇଛି। ମୁଁ ଏହି ବିଷୟକୁ ଏଠାରେ ହିଁ ରଖିବାକୁ ଚାହୁଁଛି । ଆପଣଙ୍କୁ ଅନୁରୋଧ କରୁଛି ଯେ ଏହି ସମୟରେ ଉଭୟ ପରିବାରର ଗୋପନୀୟତାକୁ ସମ୍ମାନ ଦିଅନ୍ତୁ ଏବଂ ଆମକୁ ଆଗକୁ ବଢ଼ିବାକୁ ଦିଅନ୍ତୁ। ଆଶା କରୁଛି ଯେ ମୁଁ ଯେତେଦିନ ପର୍ଯ୍ୟନ୍ତ ଭାରତ ପାଇଁ ଖେଳିବି ଏବଂ ଟ୍ରଫି ଜିତିବି, ଏବଂ ଏହା ସର୍ବଦା ମୋର ସେଥିପ୍ରତି ଧ୍ୟାନ ରହିବ। ଆପଣଙ୍କ ସମର୍ଥନ ପାଇଁ ସମସ୍ତଙ୍କୁ ଧନ୍ୟବାଦ। ଆଗକୁ ବଢ଼ିବାର ସମୟ ଆସିଛି।"