ନୂଆଦିଲ୍ଲୀ: ଦିଲ୍ଲୀ ଗସ୍ତରେ ଥିବା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସକ୍ଷାତ କରିଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କ ସହ ଆଲୋଚନାରେ ବିକଶିତ ଭାରତ ଗଠନରେ ଓଡ଼ିଶାର ପ୍ରତିବଦ୍ଧତାକୁ ଦୋହରାଇଥିଲେ । ଏକ୍ସ ପୋଷ୍ଟରେ ଉପମୁଖମନ୍ତ୍ରୀ ଲେଖିଛନ୍ତି, 'ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାର ଆଜି ସୌଭାଗ୍ୟ ମିଳିଲା । ଓଡ଼ିଶାର ଅନନ୍ୟ ଆତ୍ମା ଏବଂ ଅବଦାନକୁ ହୃଦୟରେ ରଖି ବିକଶିତ ଭାରତ ଗଠନ ପାଇଁ ଗଭୀର କୃତଜ୍ଞତା, ପ୍ରତିଫଳନ ଏବଂ ମିଳିତ ପ୍ରତିବଦ୍ଧତାର ଏକ ମୁହୂର୍ତ୍ତ ଥିଲା । ଏକ ସଶକ୍ତ, ସମାବେଶୀ ଏବଂ ସାଂସ୍କୃତିକ ଭାବରେ ସମୃଦ୍ଧ ଭାରତ ଆଡକୁ ଆମର ସାମୂହିକ ଯାତ୍ରାକୁ ମହାପ୍ରଭୁ ଜଗନ୍ନାଥ ମାର୍ଗଦର୍ଶନ କରିବା ଜାରି ରଖନ୍ତୁ ।'

Had the honour of meeting Hon’ble Prime Minister Shri Narendra Modi ji in New Delhi. A moment of profound gratitude, reflection, and shared commitment to building a Viksit Bharat with Odisha’s unique spirit and contributions at its heart.

Presented sacred Mahaprasad from Shri… pic.twitter.com/QPU5MofH7G

— Kanak Vardhan Singh Deo (Modiji Ka Parivar) (@KVSinghDeo1) August 6, 2025

ତେବେ ପ୍ରଧାନମନ୍ତ୍ରୀ ମୋଦୀଙ୍କ ସହ ଉପମୁଖ୍ୟମନ୍ତ୍ରୀଙ୍କ ଏହି ସାକ୍ଷତାକୁ ନେଇ ରାଜ୍ୟରେ ବେଶ ଆଲୋଚନା ଚାଲିଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବିଜେପି ରାଜ୍ୟ ସଭାପତି ମନମୋହନ ସାମଲ ବି ବର୍ତ୍ତମାନ ଦିଲ୍ଲୀ ଗସ୍ତରେ ଅଛନ୍ତି । ସଂସଦର ମୌସୁମୀ ଅଧିବେଶନ ଚାଲିଥିବା କାରଣରୁ ରାଜ୍ୟର ସମସ୍ତ ସାଂସଦମାନେ ଦିଲ୍ଲୀରେ ଅଛନ୍ତି । ରାଜ୍ୟର ଅନେକ ମନ୍ତ୍ରୀ ବି ରାଷ୍ଟ୍ରୀୟ ରାଜଧାନୀରେ ଅଛନ୍ତି । ଯାହା ରାଜ୍ୟରେ କିଛି ଗୋଟେ ବଡ଼ ରାଜନୈତିକ ପରିବର୍ତ୍ତନ ଆଡ଼କୁ ସଂକେତ ଦେଉଥିବା ରାଜନୀତି ବିଷାରଦମାନେ ମତ ଦେଉଛନ୍ତି । ଅନ୍ୟପଟେ ଏହି ରାଜ୍ୟ ବିଜେପିର ତୁଙ୍ଗ ନେତାଙ୍କ ଦିଲ୍ଲୀ ଗସ୍ତ ଖୁବଶୀଘ୍ର ମନ୍ତ୍ରିମଣ୍ଡଳ ସଂପ୍ରସାରଣ ଓ ବିଭାଗ ଅଦଳବଦଳ ଚର୍ଚ୍ଚାକୁ ବଳ ଦେଇଛି ।