ନୂଆଦିଲ୍ଲୀ ୩୦।୦୮; ୟୁଏଇ ପ୍ରଧାନମନ୍ତ୍ରୀ ଏବଂ ଦୁବାଇ ଶାସକ ଶେଖ ମହମ୍ମଦ ବିନ୍ ରାସିଦ୍ ଅଲ୍ ମକତୁମ୍ ଙ୍କ ଝିଅ ଶେଖ ମହରା ପୁଣି ଥରେ ଚର୍ଚ୍ଚାରେ ଅଛନ୍ତି। ଶେଖ ମହରା ପ୍ରସିଦ୍ଧ ମରୋକ୍କନ-ଆମେରିକୀୟ ରାପର୍ ଫ୍ରେଞ୍ଚ୍ ମୋଣ୍ଟାନାଙ୍କ ସହିତ ନିର୍ବନ୍ଧ କରିଥିବା ସୂଚନା ମିଳିଛି। ମୋଣ୍ଟାନାର ଜଣେ ପ୍ରତିନିଧି କହିଛନ୍ତି ଯେ ଏହି କପଲ ଚଳିତ ବର୍ଷ ଜୁନ୍ ମାସରେ ପ୍ୟାରିସ୍ ଫ୍ୟାଶନ୍ ୱିକ୍ରେ ସେମାନଙ୍କର ସମ୍ପର୍କକୁ ଅଫିସିଆଲ କରିଥିଲେ।
ଗତ ବର୍ଷ ରାପର୍ ଙ୍କ ସହ ହୋଇଥିଲା ସାକ୍ଷାତ
୩୧ ବର୍ଷୀୟା ମହରା ଏବଂ ୪୦ ବର୍ଷୀୟ ରାପର୍ ୨୦୨୪ ଶେଷରେ ଦେଖା ହୋଇଥିଲେ। ଯେତେବେଳେ ରାଜକୁମାରୀ ମୋଣ୍ଟାନାକୁ ଦୁବାଇ ଭ୍ରମଣରେ କରାଇଥିଲେ। ସେ ଏହାର ଫଟୋ ସେୟାର କରିଥିଲେ। ସେବେଠାରୁ ସେମାନଙ୍କୁ ପ୍ରାୟତଃ ଦୁବାଇ ଏବଂ ମରକ୍କୋରେ ଏକାଠି ନଜର ଆସିଥିଲେ। ସେମାନେ ମହଙ୍ଗା ରେଷ୍ଟୁରାଣ୍ଟରେ ଖାଆନ୍ତି, ମସଜିଦ ପରିଦର୍ଶନ କରନ୍ତି ଏବଂ ପ୍ୟାରିସର ପଣ୍ଟ ଡେସ୍ ଆର୍ଟସ୍ ବ୍ରିଜ୍ ଉପରେ ବୁଲାବୁଲି କରନ୍ତି।
ଇନଷ୍ଟାଗ୍ରାମରେ ସ୍ୱାମୀଙ୍କୁ ଦେଇଥିଲେ ଛାଡପତ୍ର
ଶେଖ ମହରା ଗତ ବର୍ଷ ଇନଷ୍ଟାଗ୍ରାମ ପୋଷ୍ଟରେ ତାଙ୍କ ସ୍ୱାମୀ ମହମ୍ମଦ ବିନ୍ ରସିଦ୍ ବିନ୍ ମାନା ଅଲ୍ ମକତୁମ୍ ଙ୍କୁ ଛାଡପତ୍ର ଦେଇଥିଲେ। ଉଭୟ ମେ ୨୦୨୩ରେ ବିବାହ କରିଥିଲେ ଏବଂ ସେମାନଙ୍କର ଏକ ଝିଅ ମଧ୍ୟ ଅଛି। ଶେଖ ମହରା ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ତାଙ୍କର ଛାଡପତ୍ର ଘୋଷଣା କରିଥିଲେ । ଯାହା ବହୁତ ଚର୍ଚ୍ଚାକୁ ଆସିଥିଲା । ସେ ତାଙ୍କ ପୂର୍ବତନ ସ୍ୱାମୀଙ୍କ ଉପରେ ବିଶ୍ୱାସଘାତକତାର ଅଭିଯୋଗ ଆଣିଥିଲେ।
ଡିଭୋର୍ସ ନାମକ ପରଫ୍ୟୁମ୍ ବ୍ରାଣ୍ଡ ଲଞ୍ଚ କରିଥିଲେ
ଛାଡପତ୍ର ପରେ, ସେ ତାଙ୍କ ବ୍ରାଣ୍ଡ ମହରା M1 ଅଧୀନରେ 'ଡିଭୋର୍ସ' ନାମକ ଏକ ପରଫ୍ୟୁମ୍ ଲାଇନ୍ ମଧ୍ୟ ଲଞ୍ଚ କରିଥିଲେ। ଦୁବାଇ ରାଜକୁମାରୀ ଇନଷ୍ଟାଗ୍ରାମ ପୋଷ୍ଟରେ ଲେଖିଥିଲେ, 'ପ୍ରିୟ ସ୍ୱାମୀ, ଯେହେତୁ ତୁମେ ତୁମର ଅନ୍ୟ ସାଥୀମାନଙ୍କ ସହିତ ବ୍ୟସ୍ତ, ତେଣୁ ମୁଁ ମୋର ଛାଡପତ୍ର ଘୋଷଣା କରୁଛି। ମୁଁ ତୁମକୁ ଛାଡପତ୍ର ଦେଉଛି, ମୁଁ ତୁମକୁ ଛାଡପତ୍ର ଦେଉଛି ଏବଂ ମୁଁ ତୁମକୁ ଛାଡପତ୍ର ଦେଉଛି। ନିଜର ଯତ୍ନ ନେବ। ତୁମର ପୂର୍ବତନ ସ୍ତ୍ରୀ।'
