Bondi Beach: ଅଷ୍ଟ୍ରେଲିଆରେ ଇହୁଦୀଙ୍କ ଉପରେ ଆତଙ୍କବାଦୀ ଆକ୍ରମଣ, ଦୃଢ଼ ନିନ୍ଦା କଲେ ଭାରତ-ଆମେରିକା ସମେତ ଅନେକ ଦେଶ

ନୂଆଦିଲ୍ଲୀ: ଅଷ୍ଟ୍ରେଲିଆର ବଣ୍ଡି ବିଚରେ ରବିବାର (ଡିସେମ୍ବର ୧୪, ୨୦୨୫) ହୋଇଥିବା ଆତଙ୍କବାଦୀ ଆକ୍ରମଣକୁ ଆମେରିକା ଦୃଢ଼ ନିନ୍ଦା କରିଛି । ବୈଦେଶିକ ମନ୍ତ୍ରୀ ମାର୍କୋ ରୁବିଓ ଇହୁଦୀ ପର୍ବ ହାନୁକାର ପ୍ରଥମ ଦିନରେ ଆକ୍ରମଣକୁ ନିନ୍ଦା କରିଛନ୍ତି। ସେ ପୀଡିତ, ସେମାନଙ୍କ ପରିବାର, ଇହୁଦୀ ସମ୍ପ୍ରଦାୟ ଏବଂ ଅଷ୍ଟ୍ରେଲୀୟ ଲୋକଙ୍କ ସହିତ ଏକତା ପ୍ରକାଶ କରିଛନ୍ତି। ରୁବିଓ ଏକ୍ସରେ ଏକ ପୋଷ୍ଟ ସେୟାର କରି କହିଛନ୍ତି, ‘ଅଷ୍ଟ୍ରେଲିଆରେ ହୋଇଥିବା ଆତଙ୍କବାଦୀ ଆକ୍ରମଣକୁ ଆମେରିକା ନିନ୍ଦା କରୁଛି । ଏହି ଦୁନିଆରେ ଇହୁଦୀ ବିରୋଧୀ ଭାବନା ପାଇଁ କୌଣସି ସ୍ଥାନ ନାହିଁ। ଏହି ଭୟଙ୍କର ଆକ୍ରମଣ ଦ୍ୱାରା ପ୍ରଭାବିତ ହୋଇଥିବା ୟିହୁଦୀ ସମ୍ପ୍ରଦାୟ ଏବଂ ଅଷ୍ଟ୍ରେଲିଆର ଲୋକଙ୍କ ସହିତ ଆମର ସଦଭାବନା ରହିଛି।’

The United States strongly condemns the terrorist attack in Australia targeting a Jewish celebration.

Antisemitism has no place in this world. Our prayers are with the victims of this horrific attack, the Jewish community, and the people of Australia.

— Secretary Marco Rubio (@SecRubio) December 14, 2025

ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଅଷ୍ଟ୍ରେଲିଆରେ ହୋଇଥିବା ଆତଙ୍କବାଦୀ ଆକ୍ରମଣକୁ ଦୃଢ଼ ନିନ୍ଦା କରିଛନ୍ତି। ସେ ଏକ X-ପୋଷ୍ଟରେ କହିଛନ୍ତି, ‘ସିଡନୀରେ ହନୁକା ପାଳନ କରିବା ପାଇଁ ଏକାଠି ହୋଇଥିବା ପରିବାରଗୁଡ଼ିକୁ ଟାର୍ଗେଟ କରି ଏକ ଇହୁଦୀ ବିରୋଧୀ ଆତଙ୍କବାଦୀ ଆକ୍ରମଣ କରାଯାଇଥିଲା। ଏହି ଆକ୍ରମଣରେ ପ୍ରଭାବିତ ସମସ୍ତ ପୀଡିତ, ଆହତ ଏବଂ ସେମାନଙ୍କ ପରିବାର ପ୍ରତି ଫ୍ରାନ୍ସ ସମବେଦନା ପ୍ରକାଶ କରୁଛି।’

In Sydney, an antisemitic terrorist attack struck families gathered to celebrate Hanukkah.

France extends its thoughts to the victims, the injured and their loved ones. We share the pain of the Australian people and will continue to fight relentlessly against antisemitic hatred,…

— Emmanuel Macron (@EmmanuelMacron) December 14, 2025

ଏହି କଷ୍ଟକର ସମୟରେ ଇଟାଲୀ ମଧ୍ୟ ଅଷ୍ଟ୍ରେଲିଆ ସହିତ ଏକତା ପ୍ରକାଶ କରିଛି। ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ କହିଛନ୍ତି, ‘ସିଡନୀରୁ ଆସିଥିବା ଦୁଃଖଦ ଏବଂ ଆଶ୍ଚର୍ଯ୍ୟଜନକ ଖବର ପାଇଁ ମୁଁ ଗଭୀର ଭାବରେ ମର୍ମାହତ । ଇଟାଲୀ ପୁଣିଥରେ ସମସ୍ତ ପ୍ରକାରର ହିଂସା ଏବଂ ଇହୁଦୀ ବିରୋଧୀ ମନୋଭାବକୁ ଦୃଢ଼ ନିନ୍ଦା କରିବା ସହିତ, ସମସ୍ତ ପ୍ରଭାବିତଙ୍କ ପ୍ରତି ସମବେଦନା ଜଣାଉଛି ।’

Seguo con profondo dolore le drammatiche notizie che arrivano da Sydney. Nel condannare ancora una volta con fermezza ogni forma di violenza e di antisemitismo, l’Italia esprime il proprio cordoglio per le vittime e si stringe ai loro cari, ai feriti, alle comunità ebraiche e…

— Giorgia Meloni (@GiorgiaMeloni) December 14, 2025

ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାର୍ମର ମଧ୍ୟ ଆତଙ୍କବାଦୀ ଆକ୍ରମଣରେ ଦୁଃଖ ପ୍ରକାଶ କରିଛନ୍ତି। ସେ କହିଛନ୍ତି, ‘ଅଷ୍ଟ୍ରେଲିଆରୁ ଆସୁଥିବା ରିପୋର୍ଟଗୁଡ଼ିକ ଗଭୀର ଭାବରେ ବିଚଳିତ କରୁଛି। ବଣ୍ଡି ବିଚରେ ହୋଇଥିବା ଜଘନ୍ୟ ଆକ୍ରମଣରେ ପ୍ରଭାବିତ ହୋଇଥିବା ସମସ୍ତ ଲୋକଙ୍କ ପ୍ରତି ବ୍ରିଟେନ ସମବେଦନା ଜଣାଉଛି। ମୁଁ ପରିସ୍ଥିତି ଉପରେ ନଜର ରଖିଛି।’

ସୂଚନାଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅଷ୍ଟ୍ରେଲିଆର ବଣ୍ଡି ବିଚ୍ରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣର କଡ଼ା ନିନ୍ଦା କରିଛନ୍ତି । ଏହି ଆକ୍ରମଣରେ ଇହୁଦୀ ପର୍ବ ହନୁକାର ପ୍ରଥମ ଦିନ ପାଳନ କରୁଥିବା ଲୋକଙ୍କୁ ଟାର୍ଗେଟ କରାଯାଇଥିଲା। ଏକ ସୋସିଆଲ ମିଡିଆ ପୋଷ୍ଟରେ ପ୍ରଧାନମନ୍ତ୍ରୀ ସେମାନଙ୍କ ପ୍ରିୟଜନଙ୍କୁ ହରାଇଥିବା ପରିବାର ପ୍ରତି ସମବେଦନା ଜଣାଇଛନ୍ତି। ସେ କହିଛନ୍ତି ଯେ, ଏହି ଦୁଃଖର ମୁହୂର୍ତ୍ତରେ ଭାରତ ଅଷ୍ଟ୍ରେଲିଆର ଲୋକଙ୍କ ସହିତ ଅଛି। ଭାରତ ଆତଙ୍କବାଦ ପ୍ରତି ଶୂନ୍ୟ ସହିଷ୍ଣୁତା ରଖେ ଏବଂ ଆତଙ୍କବାଦ ବିରୋଧରେ ଯେକୌଣସି ଲଢ଼େଇକୁ ସମର୍ଥନ କରିଆସିଛି ।