ଭାରତରେ ୧.୫ ଲକ୍ଷ କୋଟି ଟଙ୍କା ନିବେଶ, ପ୍ରଧାନମନ୍ତ୍ରୀଙ୍କ ସହ ବୈଠକ ପରେ ସତ୍ୟ ନାଡେଲଙ୍କ ଘୋଷଣା

ନୂଆଦିଲ୍ଲୀ: ମାଇକ୍ରୋସଫ୍ଟ ସିଇଓ ସତ୍ୟ ନାଡେଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ବୈଠକ ପରେ ଭାରତ ପାଇଁ ବଡ଼ ଘୋଷଣା କରିଛନ୍ତି । ସତ୍ୟ ନାଡେଲା କହିଛନ୍ତି ଯେ ମାଇକ୍ରୋସଫ୍ଟ ଭାରତରେ ୧.୫ ଲକ୍ଷ କୋଟି ଟଙ୍କା ନିବେଶ କରିବ । ଏହା ଏସିଆରେ କମ୍ପାନିର ଆଜି ଯାଏ ସବୁଠୁ ବଡ଼ ନିବେଶ ହେବ । ସତ୍ୟ ନାଡେଲାଙ୍କ ଏହି ଘୋଷଣା ଭାରତର ଏଆଇ ସ୍ୱପ୍ନକୁ ନୂଆ ଗତି ଦେବ ।

ମାଇକ୍ରୋସଫ୍ଟ ଏକ ବୟାନରେ କହିଛି, "ଆଜି ଆମେ ଏସିଆରେ ଆମ ସର୍ବବୃହତ ନିବେଶ ନେଇ ଘୋଷଣା କରୁଛୁ । ୨୦୨୬-୨୦୨୯ ମଧ୍ୟରେ ଚାରି ବର୍ଷରେ ୧୭.୫ ବିଲିୟନ ଡଲାର ନିବେଶ କରାଯିବ । ଦେଶର କ୍ଲାଉଡ୍ ଓ ଆର୍ଟଫିସିଆଲ୍ ଇଣ୍ଟେଲିଜେନ୍ସି ଭିତ୍ତିଭୂମି ଏବଂ ବର୍ତ୍ତମାନର ପରିଚାଳନାକୁ ଅଧିକ ମଜଭୁତ କରାଯିବ ।"

Thank you, PM @narendramodi ji, for an inspiring conversation on India’s AI opportunity. To support the country’s ambitions, Microsoft is committing US$17.5B—our largest investment ever in Asia—to help build the infrastructure, skills, and sovereign capabilities needed for… pic.twitter.com/NdFEpWzoyZ

— Satya Nadella (@satyanadella) December 9, 2025

ମାଇକ୍ରୋସଫ୍ଟ ସିଇଓ ସତ୍ୟ ନାଡେଲାଙ୍କ ପ୍ରଧାନମନ୍ତ୍ରୀଙ୍କ ସହ ବୈଠକ ପରେ କମ୍ପାନି ପକ୍ଷରୁ ଏହି ଘୋଷଣା କରାଯାଇଛି । ଏହି ବୈଠକରେ ଦୁହେଁ ଦେଶର ଏଆଇ ରୋଡମ୍ୟାପ୍ ଓ ବିକାଶ ପରି ମୁଖ୍ୟ ଏଜେଣ୍ଡା ଉପରେ ଆଲୋଚନା କରିଥିଲେ । ମାଇକ୍ରୋସଫ୍ଟ କହିଛି ଯେ କମ୍ପାନି ନିବେଶର ଭାରତର ତିନି ପ୍ରମୁଖ ସ୍ତମ୍ଭ- ସ୍କେଲ୍, ସ୍କିଲ୍ ଓ ସୋଭେରନିଟି (ବୃଦ୍ଧି, ଦକ୍ଷତା, ସାର୍ବଭୌମତ୍ୱ) ଫୋକସ୍ ରହିଛି ।

ବର୍ଷ ଆରମ୍ଭରେ ଭାରତ ଗସ୍ତ ସମୟରେ ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା କହିଥିଲେ ଯେ କମ୍ପାନି ଆଗାମୀ ଦୁଇ ବର୍ଷ ମଧ୍ୟରେ ଭାରତରେ କ୍ଲାଉଡ୍ ଏବଂ ଏଆଇ ଭିତ୍ତିଭୂମି ଏବଂ ଦକ୍ଷତା କ୍ଷେତ୍ରରେ ୩ ବିଲିୟନ ଡଲାର ନିବେଶ କରିବାକୁ ଯୋଜନା ରଖିଛି । ଏଥରେ ନୂତନ ଡାଟାସେଣ୍ଟର ପ୍ରତିଷ୍ଠା ନେଇ ମଧ୍ୟ ଘୋଷଣା କରିଥିଲେ । ଉଲ୍ଲେଖଯୋଗ୍ୟ ଯେ ଏହା ପୂର୍ବରୁ ଗୁଗଲ ମଧ୍ୟରେ ଭାରତରେ ୧୫ ବିଲିୟନ ଡଲାର ନିବେଶ କରିବ ବୋଲି ଘୋଷଣା କରିସାରିଛି । ଆଗାମୀ ପାଞ୍ଚ ବର୍ଷରେ କମ୍ପାନି ଏହି ନିବେଶ କରିବ । ଏହା ମଧ୍ୟ ଗୁଗଲର ଏସିଆରେ ସର୍ବବହୃତ ନିବେଶ ।