ଭୁବନେଶ୍ୱର: ଟ୍ରେନ୍ ଟଏଲେଟ୍ରୁ ମିଳିଲା ମୃତଦେହ । ଭୁବନେଶ୍ୱର ରେଳ ଷ୍ଟେସନ୍ ଦେଖିବାକୁ ମିଳିଛି ଏମିତି ଏକ ଅଭାନୀୟ ଘଟଣା। ସନ୍ଦେହ ଜନକ ଅବସ୍ଥାରେ ପୁରୁଷୋତ୍ତମ ଏକ୍ସପ୍ରେସ ଶୌଚାଳୟରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି।
ଶୌଚାଳୟ ସଫେଇ ବେଳେ ଯୁବକଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ ସଫେଇ କର୍ମଚାରୀ। ଏ ଘଟଣା ସଂପର୍କରେ ଜିଆର୍ପି ଅଧିକାରୀଙ୍କୁ ସୂଚନା ଦେଇଥିଲେ। ତୁରନ୍ତ ଘଟଣାସ୍ଥଳରେ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ଜିଆର୍ପି ପୁଲିସ। ଏପର୍ଯ୍ୟନ୍ତ କିନ୍ତୁ ଯୁବକଙ୍କ ପରିଚୟ ମିଳି ପାରିନାହିଁ। ତେବେ କେମିତି ମୃତ୍ୟୁ ହେଲା, ଟଏଲଟରେକେମିତି ମୃତଦେହ ପଡ଼ିଲା ଏହାର କାରଣ ଖୋଜୁଛି ଜିଆର୍ପି ପୁଲିସ।