ନୂଆଦିଲ୍ଲୀ ୦୬/୦୭: ୧.୪ ବିଲିଅନ ଭାରତୀୟଙ୍କ ସହ ମିଶି ମୁଁ ଦଲାଇଲାମାଙ୍କୁ ୯୦ ତମ ଜନ୍ମଦିନର ଶୁଭେଚ୍ଛା ଜଣାଉଛି । ତାଙ୍କର ବାର୍ତ୍ତା ସବୁ ଧର୍ମ ପାଇଁ ଶାନ୍ତି ପ୍ରତିଷ୍ଠା କରିବାକୁ ପ୍ରେରଣା ଦେବ । ମୁଁ ତାଙ୍କର ଦୀର୍ଘାୟୁ ଓ ଉତ୍ତମ ସ୍ବାସ୍ଥ୍ୟ କାମନା କରୁଛି । ସୋସିଆଲ ମିଡିଆ ‘X’ରେ ଏପରି ଲେଖି ଦଲାଇଲାମାଙ୍କୁ ଜନ୍ମବାର୍ଷିକୀର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି । ରବିବାର ଧର୍ମଗୁରୁ ଦଲାଇଲାମା ୯୦ ବର୍ଷରେ ପାଦ ଥାପିଛନ୍ତି ଦଲାଇଲାମା । ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
I join 1.4 billion Indians in extending our warmest wishes to His Holiness the Dalai Lama on his 90th birthday. He has been an enduring symbol of love, compassion, patience and moral discipline. His message has inspired respect and admiration across all faiths. We pray for his…
— Narendra Modi (@narendramodi) July 6, 2025
ଜନ୍ମଦିନ ଅବସରରେ ହିମାଚଳପ୍ରଦେଶର ଧର୍ମଶାଳାରେ ବ୍ୟାପକ ଆୟୋଜନ କରାଯାଇଛି । ସେହି ମଠରେ ଥିବା ହଜାର ହଜାର ତିବ୍ଦତୀୟ ଏକାଠି ହୋଇ ଦଲାଇଲାମାଙ୍କୁ ଶୁଭେଚ୍ଛା ଜଣାଇଛନ୍ତି । ଆମେରିକାରୁ ମଧ୍ୟ ଦଲାଇଲାମାଙ୍କୁ ଆସିଛି ବର୍ଥ ଡେ ୱିଶ୍ । ଆମେରିକା ବୈଦେଶିକ ମନ୍ତ୍ରୀ ମାର୍କୋ ରୁବିୟୋ ପ୍ରେସ ରିଲିଜ ଜାରି କରି ଦଲାଇଲାମାଙ୍କୁ ପଠାଇଛନ୍ତି ଶୁଭେଚ୍ଛା ବାର୍ତ୍ତା । ଏଥିସହ ସେ ପରବର୍ତ୍ତୀ ଦଲାଇଲାମା ଚୟନ ନେଇ ମତ ଦେଇଛନ୍ତି । ତାଙ୍କ ମତ ଅନୁଯାୟୀ ତିବ୍ଦତୀୟ ଲୋକଙ୍କୁ ନେତା ବାଛିବାର ଅଧିକାର ରହିଛି । ଏଥିରେ କାହାର ହସ୍ତକ୍ଷେପ ଉଚିତ ନୁହେଁ । ସେପଟେ କିଏ ହେବେ ନୂଆ ଦଲାଇଲାମା ତାକୁ ନେଇ ବଢିଛି ଚର୍ଚ୍ଚା ।
