ଭୁବନେଶ୍ୱର ୧୪।୦୪ : ନବୀନ ନିବାସରେ କଟକ କସରତ । ୧୫ କର୍ପୋରେଟରଙ୍କ ସହ ପହଞ୍ଚିଥିଲେ ଆଶୀର୍ବାଦ ବେହେରା ଓ ସଞ୍ଜୟ ବେହେରା । କଟକ ବାରବାଟି ଆସନର ଦାବି ଦାର ଥିଲେ ସଞ୍ଜୟ।
ତେବେ ବୈଠକ ସରିବା ପରେ କର୍ପୋରେଟର ବିକାଶ ବେହେରାଙ୍କ କହିଛନ୍ତି ଯେ, ଆମେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଲୁ । କାରଣ ସେମାନେ ପ୍ରକାଶ ବେହେରା ଓ ସଂତୃପ୍ତ ମିଶ୍ରଙ୍କ ପରି ଉଚିତ ପ୍ରାର୍ଥୀ ଦେଇଛନ୍ତି। ପ୍ରକାଶ ଖୋଦ କଟକିଆ, ତାଙ୍କ ଘର ମାଛୁଆ ବଜାର । ତେଣୁ ତାଙ୍କୁ କେମିତି ବିପୁଳ ଭୋଟରେ ଜିତାଇବୁ, ସେ ନେଇ ଆଲୋଚନା ହୋଇଛି । କଟକ ଜିଲ୍ଲା ବିଜେଡି ସଭାପତି, ମେୟରଙ୍କ ସହ ମିଶି ସଂଗଠନ ଆହୁରି ମଜବୁତ କରିବୁ । କାହା ସହ କିଛି ମତାନ୍ତର ନାହିଁ । ସଂଗଠନ ସୁଦୃଢ ଅଛି । ନିର୍ବାଚନ ନିଶ୍ଚିତ ଭାବେ ବିଜେଡି ହିଁ ଜିତିବ ।
