india us trade deal: ଆମେରିକା ଠାରୁ ୫୦୦ ବିଲିଅନର କେଉଁ ସବୁ ସାମଗ୍ରୀ ଆମଦାନୀ କରିବା ଭାରତ?

ନୂଆଦିଲ୍ଲୀ: ପାଞ୍ଚ ବର୍ଷ ମଧ୍ୟରେ ଆମେରିକାରୁ୫୦୦ବିଲିୟନ ଡଲାରର ସାମଗ୍ରୀ ଆମଦାନୀ କରିବାକୁ ଭାରତର ପ୍ରତିଶ୍ରୁତି, କେବଳ ଭାରତୀୟ କମ୍ପାନୀଗୁଡ଼ିକର ଅର୍ଡର ଦେବାର କ୍ଷମତା ଉପରେ ନୁହେଁ, ବରଂ ଆମେରିକୀୟ ଯୋଗାଣକାରୀମାନେ କେତେ ଶୀଘ୍ର ଚାହିଦା ପୂରଣ କରିପାରିବେ ତାହା ଉପରେ ମଧ୍ୟ ନିର୍ଭର କରୁଛି।

ଗତ ବର୍ଷ,ଭାରତ ଆମେରିକାରୁ ୪୫.୫ ବିଲିୟନ ଡଲାର ମୂଲ୍ୟର ସାମଗ୍ରୀ ଆମଦାନୀ କରିଥିଲା।ଚଳିତ ଆର୍ଥିକ ବର୍ଷର ପ୍ରଥମ ୯ ମାସରେ,ଏହା ପ୍ରାୟ ୪୦ ବିଲିୟନ ଡଲାର ପରିବହନ କରିଥିଲା।ଯାହା ମଧ୍ୟରୁ ଏକ ପଞ୍ଚମାଂଶ କିମ୍ବା ପ୍ରାୟ ୧୧ ବିଲିୟନ ଡଲାରରୁ ଅଧିକ ଆମେରିକୀୟ ଅଶୋଧିତ ତୈଳ ଏବଂ ପେଟ୍ରୋଲିୟମ ଉତ୍ପାଦ ଥିଲା।ପୂର୍ବ ଆର୍ଥିକ ବର୍ଷର ସମାନ ସମୟ ତୁଳନାରେ ତୈଳ ପରିବହନ ୩୫% ଅଧିକ ଥିଲା। କୋଇଲା ଏବଂ କୋକ୍ ଦ୍ୱାରା ଆହୁରି ୨.୭ ବିଲିୟନ ଡଲାରର ଆମଦାନୀ କରାଯାଇଥିଲା।

ସରକାରୀ ଅଧିକାରୀମାନେ କହିଛନ୍ତି ଯେ ଏହି ଉତ୍ପାଦ କ୍ଷେତ୍ରଗୁଡ଼ିକର ଆମଦାନୀ ତୁରନ୍ତ ବୃଦ୍ଧି ପାଇବ। କାରଣ ଭାରତ ଆମେରିକାଓ ଋଷ ସମେତ ସମେତ ଅନ୍ୟ ଦେଶଗୁଡ଼ିକରୁ ବି ତୈଳ ଆମଦାନୀ କରିବାର ସମ୍ଭାବନା ରହିଛି। ଏହା ବ୍ୟତୀତ,ଭାରତୀୟ ତୈଳ କମ୍ପାନୀଗୁଡ଼ିକ ଅଧିକ ଏଲଏନଜି ଆମଦାନୀ ପାଇଁ ଏକ ଚୁକ୍ତି ମଧ୍ୟ ସ୍ୱାକ୍ଷର କରିସାରିଛନ୍ତି।

ପଢନ୍ତୁ- India-US trade deal: ବାଣିଜ୍ୟ ଚୁକ୍ତିରେ ଆମେରିକା ପାଇଁ ସୀମା ରେଖା ଟାଣିଲା ଭାରତ, ପ୍ରକୃତରେ କାହାକୁ ହେବ ଫାଇଦା ?

ସେହିପରି, ରନ୍ଧନ କୋଇଲା ପାଇଁ ଭାରତ ଆମେରିକା ବ୍ୟତୀତ ଇଣ୍ଡୋନେସିଆକୁ ମଧ୍ୟ ଏକ ବିକଳ୍ପ ଭାବରେ ବାଞ୍ଚିପାରେ। କାରଣ ଇଣ୍ଡୋନେସିଆ କୋଇଲା ଆମେରିକା କୋଇଲା ଠାରୁ ଅଧିକ ଶସ୍ତା ଓ ଉନ୍ନତ ମାନର ବୋଲି ଜଣେ ବରିଷ୍ଠ ଅଧିକାରୀ ଟାଇମ୍ସ ଅଫ୍ ଇଣ୍ଡିଆକୁ ପ୍ରତିକ୍ରିୟା ଦେଇ କହିଛନ୍ତି। ସେ କହିଛନ୍ତି "ପ୍ରଥମ ବର୍ଷରେ ଆମଦାନୀ ୧୦୦ ବିଲିୟନ ଡଲାରକୁ ବୃଦ୍ଧି ନ ହୋଇପାରେ, କିନ୍ତୁ ଏହା ସେହି ଦିଗରେ ଗତି କରିବ।"

ତେବେ ଆମେରିକା ଠାରୁ ଆମଦାନୀ ନେଇଇ ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋୟଲ କହିଛନ୍ତି ଯେ କେଉଁ ଉତ୍ପାଦନଗୁଡ଼ିକରେ ଆମଦାନୀ ବୃଦ୍ଧି ପାଇବ ତାହା ଭାରତୀୟ ଆମଦାନୀକାରୀ ଏବଂ ଆମେରିକୀୟ ବିକ୍ରେତାମାନେ ସ୍ଥିର କରିବା ଉଚିତ। ଏହା ଆମେରିକା ରପ୍ତାନୀକାରୀଙ୍କ ପାଇଁ ଏକ ଅଫର, ଯାହାକୁ ଭାରତୀୟ କ୍ରେତା ମନା କରିପାରିବେ ନାହିଁ। ଚିପ୍ସ, ସେମିକଣ୍ଡକ୍ଟର ଏବଂ ଉଡ଼ାଜାହାଜ ଏବଂ ଉପାଦାନ ଭଳି ଉଚ୍ଚ-ପ୍ରଯୁକ୍ତିବିଦ୍ୟା ଉତ୍ପାଦ ଏହି ୫୦୦ ବିଲିଅନ ଆମଦାନୀ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ ବୋଲି ମନ୍ତ୍ରୀ ସୂଚନା ଦେଇଛନ୍ତି।

ଅନ୍ୟପଟେ ଭାରତୀୟ କ୍ରେତାଙ୍କ ପାଇଁ, ଅର୍ଡର ବ୍ୟାକଲଗ୍ ହେତୁ ବୋଇଂ ଭଳି ଯୋଗାଣକାରୀଙ୍କ ସାମଗ୍ରୀ ରପ୍ତାନି କରିବାର କ୍ଷମତା ଦୃଷ୍ଟିରୁ ଏକ ଚ୍ୟାଲେଞ୍ଜ ସୃଷ୍ଟି ହେବ। ସେହିପରି, ସାରା ବିଶ୍ୱରେ ଚିପ୍ସର ବିପୁଳ ଚାହିଦା ରହିଛି, ଏଣୁ ଭାରତୀୟ କ୍ରେତାମାନେ ମଧ୍ୟ ସେମାନଙ୍କ ପାଇଁ ଲାଇନ ଲଗାଇବେ ବାଞ୍ଚନୀୟ ।