ବିଦେଶରେ ଭାରତର ଗଣତନ୍ତ୍ର ଉପରେ ରାହୁଲଙ୍କ ବୟାନକୁ ନେଇ ବିବାଦ, ବିଜେପି କହିଲା-ଲିଡର୍ ଅଫ୍ ପ୍ରୋପାଗଣ୍ଡା

ନୂଆଦିଲ୍ଲୀ: ଲୋକସଭାରେ ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ ଦକ୍ଷିଣ ଆମେରିକା ଗସ୍ତରେ ଅଛନ୍ତି । ଏଠାରେ କଲମ୍ୱିଆ ସ୍ଥିତ ଇଆଇଏ ବିଶ୍ୱବିଦ୍ୟାଳୟରେ ଛାତ୍ରଙ୍କ ସହ ଆଲୋଚନା କରିଥିଲେ । ରାହୁଲ ଗାନ୍ଧୀ ନିଜ ବୟାନରେ ଦେଶର କେନ୍ଦ୍ର ସରକାର ଗଣତନ୍ତ୍ର ଉପରେ ଆକ୍ରମଣ କରୁଥିବା ଅଭିଯୋଗ କରିଥିଲେ । ବିଦେଶରେ ରାହୁଲ ଗାନ୍ଧୀଙ୍କ ଦ୍ୱାରା ଦିଆଯାଇଥିବା ବୟାନ ଉପରେ ଦେଶରେ ରାଜନୀତି ଜୋର ହୋଇଛି । ଶାସକ ବିଜେପି ରାହୁଲ ଗାନ୍ଧୀଙ୍କୁ ‘ଲିଡର୍ ଅଫ୍ ପ୍ରୋପାଗଣ୍ଡା’ ବୋଲି କହିଛି ।   

କଲମ୍ୱିଆ ବିଶ୍ୱବିଦ୍ୟାଳୟରେ ଛାତ୍ରଙ୍କ ସହ ଆଲୋଚନା କରି ରାହୁଲ କହିଥିଲେ, ଗଣତନ୍ତ୍ର ଉପରେ ହେଉଥିବା ଆକ୍ରମଣ ହେଉଛି ସବୁଠୁ ବଡ଼ ବିପଦ, କାରଣ ଭାରତରେ ଅନେକ ଧର୍ମ, ଅନେକ ପରମ୍ପରା ରହିଛି । ଭାରତ ପ୍ରକୃତରେ ଏହାର ସମସ୍ତ ଲୋକଙ୍କ ମଧ୍ୟରେ ଆଲୋଚନାର ଏକ ଗୁରୁତ୍ୱପୂର୍ଣ୍ଣ କେନ୍ଦ୍ର ଅଟେ । ଏହି ସ୍ଥାନକୁ ବ୍ୟବସ୍ଥିତ ରଖିବା ପାଇଁ ଗଣତାନ୍ତ୍ରିକ ବ୍ୟବସ୍ଥା ଅତ୍ୟନ୍ତ ଜରୁରୀ ଅଟେ, କିନ୍ତୁ ବର୍ତ୍ତମାନ ସେଠାରେ ଗଣତନ୍ତ୍ର ଉପରେ ଲଗାତାର ଆକ୍ରମଣ ଯୋଗୁ ବଡ଼ ବିପଦ ସୃଷ୍ଟି ହେଉଛି ।  

ଏହା ବ୍ୟତୀତ ରାହୁଲ ଗାନ୍ଧୀଙ୍କୁ ଭାରତର ବୈଶ୍ୱିକ ଭୂମିକା ଉପରେ ପ୍ରଶ୍ନ କରାଯାଇଥିଲା । ଏହାର ଜବାବରେ ରାହୁଲ କହିଥିଲେ, ଭାରତର ୧.୪ ବିଲିୟନ ଜନସଂଖ୍ୟାରେ ଅପାର ସମ୍ଭାବନା ରହିଛି । କିନ୍ତୁ ଭାରତର ଢାଞ୍ଚା ଚୀନଠାରୁ ପୂରା ଭିନ୍ନ ରହିଛି । ଚୀନ ଏକ କେନ୍ଦ୍ରୀକୃତି ଏବଂ ସମାନ ବ୍ୟବସ୍ଥା, ଅନ୍ୟପଟେ ଭାରତରେ ଅନେକ ଭାଷା, ସଂସ୍କୃତି, ପରମ୍ପରା ଓ ଧର୍ମ ଅଛି । ଭାରତର ବ୍ୟବସ୍ଥା ଅନେକ ଜଟିଳ ଅଟେ ।

ରାହୁଲ ଗାନ୍ଧୀଙ୍କ ଗଣତନ୍ତ୍ର ଉପରେ ଆକ୍ରମଣ ବୟାନ ଉପରେ ବିଜେପି ପାଲଟା ଜବାବ ଦେଇଛି । ବିଜେପି ରାଷ୍ଟ୍ରୀୟ ମୁଖପାତ୍ର ଶହଜାଦ ପୁନାୱାଲା ଏକ୍ସରେ ଲେଖିଛନ୍ତି, ପୁଣି ଥରେ ରାହୁଲ ଗାନ୍ଧୀ ବିରୋଧୀ ନେତା ଅର୍ଥାତ୍ ଲିଡର୍ ଅଫ୍ ପ୍ରୋପାଗଣ୍ଡା ପରି ବ୍ୟବହାର କରୁଛନ୍ତି । ଶହଜାଦ କହିଛନ୍ତି ଯେ ରାହୁଲ ଗାନ୍ଧୀ ବିଦେଶ ଯାଇ ଗଣତନ୍ତ୍ର ଉପରେ ଆକ୍ରମଣ କରୁଛନ୍ତି । ବାସ୍ତବରେ ସେ ଭାରତୀୟ ରାଜ୍ୟ ସହ ଲଢିବାକୁ ଚାହାନ୍ତି, କେବେ ଆମ ମାମଲାରେ ଆମେରିକା ଓ ବ୍ରିଟେନ ଠାରୁ ହସ୍ତକ୍ଷେପ ଦାବି କରନ୍ତି ଓ ଏବେ ସେନା ଠାରୁ ନ୍ୟାୟପାଳିକା, ସମ୍ୱିଧାନ ଓ ସନାତନ ଯାଏ...ସବୁ ଉପରେ ଆକ୍ରମଣ କରୁଛନ୍ତି ।

Once again Rahul Gandhi behaves like LoP - Leader of Propaganda

Goes abroad and attacks Indian Democracy! After all he wants to fight Indian state!

Sometimes Demands US UK should intervene into our affairs and now this

From Sena to Judiciary to Sanvidhan to Sanatan ! pic.twitter.com/4mOWacVLGy

— Shehzad Jai Hind (Modi Ka Parivar) (@Shehzad_Ind) October 2, 2025

ବିଜେପି ସାଂସଦ ରବି ଶଙ୍କର ପ୍ରସାଦ ମଧ୍ୟ ଏହି ପ୍ରସଙ୍ଗରେ କଡ଼ା ପ୍ରତିକ୍ରିୟା ପ୍ରକାଶ କରିଛନ୍ତି । ସେ ଅଭିଯୋଗ କରିଛନ୍ତି ଯେ ରାହୁଲ ଗାନ୍ଧୀ, ପ୍ରଧାନମନ୍ତ୍ରୀ ମୋଦୀ ଏବଂ ଦେଶର ପ୍ରଗତିକୁ ସମାଲୋଚନା କରନ୍ତି ଏବଂ ଚୀନକୁ ପ୍ରଶଂସା କରନ୍ତି । ବିଦେଶରେ ଦେଶର ପ୍ରତିଛବିକୁ କ୍ଷତି ପହଞ୍ଚାଉଥିବା ନେତାଙ୍କୁ ଜନସାଧାରଣ ଭୋଟ ଦେବେ ନାହିଁ ।