ବେଇମାନ, ଭୋଟ୍ ଚୋରି କଥା କହି ନିର୍ବାଚନ ବୈତରଣୀ ପାର ହେବାକୁ ଚେଷ୍ଟା କରୁଛନ୍ତି ବିରୋଧୀ

ନୂଆପଡ଼ା ୯।୧୧: ନୂଆପଡ଼ା ଉପ ନିର୍ବାଚନ ପ୍ରଚାରର ଶେଷ ଦିନ । ସୁସ୍ଥ ବାତାବରଣ, ସାଧାରଣ ଭୋଟରଙ୍କ ଉତ୍ସାହ, ଶାନ୍ତିପୂର୍ଣ୍ଣ ଭାବରେ ପ୍ରଚାର ଶେଷ ହୋଇଛି ନିର୍ବାଚନ ହେବ । ଏହା ବିଚାରଧାରାର ଲଢେଇ ବୋଲି ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି । ସ୍ୱାଧୀନତା ୭୮ ବର୍ଷ ପରେ ବିଜେପିକୁ ସୁଯୋଗ ମିଳିଛି ସରକାର କରିବା ପାଇଁ । ଆମେ ଯେଉଁ ପ୍ରତିଶ୍ରୁତି ଦେଇଛୁ ତାକୁ ପୂରଣ କରିଛୁ ଏବଂ ଅନ୍ୟ ସବୁକୁ ପୂରଣ କରିବା ପାଇଁ ଚେଷ୍ଟା କରିଛୁ । ସୁଭଦ୍ରା ଯୋଜନା, ଇନପୁଟ ସବସିଡି ୮୦୦ ଟଙ୍କା, ଭତ୍ତା, ଜଳସେଚନ । ୧୪୨୮ କୋଟି ଟଙ୍କା ଘୋଷଣା କରିଛୁ ନୂଆପଡ଼ାର ବିକାଶ କରିଛୁ । ପର୍ଯ୍ୟଟନ, ଜଳସେଚନ, ମେଡିକାଲ କଲେଜ ଖୋଲିବାକୁ ନିଷ୍ପତ୍ତି ନିଆଯାଇଛି । ଫିସେରୀ କଲେଜ କରିବା ପାଇଁ ନିଷ୍ପତ୍ତି ନେଇଛୁ, ମାଛ ଚାଷର ହବ୍ ହେବ । ମେଡିସିନାଲ ପ୍ଲାଣ୍ଟ କରିବା ପାଇଁ ସୁନାବେଡାରେ କରାଯିବ । ଖରିଆର ରୋଡ଼ ଚାରିଥାକିଆ କରାଯିବ । ନୂଆପଡ଼ାରୁ ଘଟିପଡ଼ା କରାଯିବ । ସ୍ପୋର୍ଟ୍ସ କମ୍ପ୍ଲେକ୍ସ କରାଯିବ । ମୋହନ ଚରଣ ମାଝୀଙ୍କ ନେତୃତ୍ୱରେ ଆମେ ପ୍ରତିଶ୍ରୁତିବଦ୍ଧ ନୁହେଁ ପ୍ରତିବଦ୍ଧ । ଯାହା ଆମେ କହିଛୁ ତାକୁ ପୂରଣ କରିବାକୁ ଚେଷ୍ଟା କରିଛୁ ।

ନୂଆପଡାରେ ଆମେ ସକାରାତ୍ମକ ଆଦର୍ଶ ଗତ ଲଢେଇ ଲଢ଼ୁଛୁ । ଆମେ ଯାହା କହିଛୁ ତାହା କରିବୁ । ବିଜେଡ଼ି ସରକାର ଅବା କଂଗ୍ରେସ ଅନ୍ୟ ଦଳ କ’ଣ କରିଛନ୍ତି ସେ କଥା କହିବେ । କିଛି ଇସ୍ୟୁ ଡ଼ାଇଭର୍ଟ କରିବା ପାଇଁ ବେଇମାନ, ଭୋଟ୍ ଚୋରି କଥା କହିଛନ୍ତି । ଆମେ ତାକୁ ନିନ୍ଦା କରୁଛୁ । କାହା ସେଣ୍ଟିମେଣ୍ଟ ସହିତ ଖେଳିବା ଉଚିତ ନୁହେଁ । ଆମେ ପଜିଟିଭ ୱେରେ ନିର୍ବାଚନ ଲଢୁଛୁ । ଶସ୍ତା ରାଜନୀତି କରି ନିର୍ବାଚନ ବୈତରଣୀ ପାର ହେବାକୁ ଚେଷ୍ଟା କରୁଛନ୍ତି । ନିର୍ବାଚନ ପୂର୍ବରୁ କହିଛି, ନବୀନ ବାବୁ ଆସନ୍ତୁ ବାରମ୍ବାର କହିଛି ଏବଂ କ’ଣ କରିଛନ୍ତି ସେ କଥା କହିବା ପାଇଁ ପୂର୍ବରୁ କହିଛି । ୨୪ ବର୍ଷ ଧରି କ’ଣ କରିଛନ୍ତି ସେ କଥା କୁହନ୍ତୁ । ନୂଆପଡା ଏକ ନମ୍ବର ଜିଲ୍ଲା ହେବ ଏ କଥା ମୁଖ୍ୟମନ୍ତ୍ରୀ ଏବଂ ଆମ ଦଳ କହିଛି ।