ଭାରତ ନିମନ୍ତେ ଖୁସିଖବର, CII ସର୍ଭେ ହଟାଇଲା ରୋଜଗାର ଓ ବେତନ ବୃଦ୍ଧି ଉପରୁ ପରଦା

Published By : Prameya-News7 Bureau | January 21, 2025 IST

ନୂଆଦିଲ୍ଲୀ ୨୧।୧: ଭାରତର ଆର୍ଥିକ ମୋର୍ଚ୍ଚାରେ ଏକ ଖୁସି ଖବର ଆସୁଛି। କନଫେଡେରେସନ ଅଫ ଇଣ୍ଡିଆନ ଇଣ୍ଡଷ୍ଟ୍ରିଜ (ସିଆଇଆଇ)ଙ୍କ ଏକ ସର୍ଭେରୁ ଏହି କଥା ଜଣାପଡିଛି ଯେ ୨୦୨୫-୨୬ ନା କେବଳ ଚାକିରୀ କ୍ଷେତ୍ରରେ ନୂଆ ସୁଯୋଗ ସୃଷ୍ଟି କରିବ ବରଂ କର୍ମଚାରୀଙ୍କ ବେତନ ହାରରେ ମଧ୍ୟ ବୃଦ୍ଧି ହେବ। ଏହି ସର୍ଭେ ଭାରତୀୟ ଇଣ୍ଡଷ୍ଟ୍ରି ପ୍ରତି ଲୋକଙ୍କ ବିଶ୍ୱାସକୁ ବଢାଇଛି ଓ ଦେଶର ଅର୍ଥ ବ୍ୟବସ୍ଥା ଏକ ମଜଭୁତ ଦିଗରେ ବଢୁଥିବାର ଦର୍ଶାଉଛି। 

ସିଆଇଆଇ ସର୍ଭେରେ ଅଂଶ ଗ୍ରହଣ କରିଥିବା ୯୭ ପ୍ରତିଶତ କମ୍ପାନୀମାନେ କହିଛନ୍ତି ଯେ ସେମାନେ ଆଗାମୀ ୨ ବର୍ଷରେ ସେମାନଙ୍କ କର୍ମଚାରୀ ସଂଖ୍ୟା ବଢାଇବା ପାଇଁ ଯୋଜନା କରୁଛନ୍ତି। ଏହି ତଥ୍ୟ ଭାରତୀୟ ବଜାରରେ ରୋଜଗାର ଅବସରର ବଢୁଥିବା ଚାହିଦାକୁ ଦର୍ଶାଉଛି। ସର୍ଭେରେ ସାମିଲ କମ୍ପାନୀମାନେ ଏହା ମଧ୍ୟ ସୂଚିତ କରିଛନ୍ତି ଯେ ବେତନ ବୃଦ୍ଧିର ହାରାହାରି ଅନୁମାନ ୯.୪ ପ୍ରତିଶତ ପର୍ଯ୍ୟନ୍ତ ପହଞ୍ଚି ପାରେ, ଯାହା ଗତବର୍ଷ ତୁଳନାରେ ଅଧିକ। 

ସର୍ଭେ ଅନୁସାରେ ଅଲଗା ଅଲଗା ସେକ୍ଟରରେ ବେତନ ବୃଦ୍ଧି ହାର ଅଲଗା ଅଲଗା ହୋଇପାରେ। ଯେପରିକି ଅଟୋମେଟିଭ ସେକ୍ଟରରେ ବେତନ ବୃଦ୍ଧି ୮.୮ ପ୍ରତିଶତରୁ ୧୦ ପ୍ରତିଶତ ବଢିବାର ଅନୁମାନ କରାଯାଉଛି। ଏହା ଛଡା ମେନୁଫେକ୍ଚରିଂ ଓ ଇଞ୍ଜିନିୟରିଂ କ୍ଷେତ୍ରରେ କାମ କରୁଥିବା କର୍ମଚାରୀଙ୍କ ବେତନରେ ୮ରୁ ୯.୭ ପ୍ରତିଶତ ବୃଦ୍ଧିର ଅନୁମାନ କରାଯାଉଛି। ଟେକ୍ନୋଲଜି ଓ ଲାଇଫ ସାଇନ୍ସ ସେକ୍ଟରରେ ମଧ୍ୟ ସକରାତ୍ମକ ପରିବର୍ତ୍ତନ ଦେଖିବାକୁ ମିଳୁଛି, ଯେଉଁକ୍ଷେତ୍ରରେ କର୍ମଚାରୀଙ୍କ ବେତନ ବୃଦ୍ଧିର ସମ୍ଭାବନା ରହିଛି। 

ସିଆଇଆଇ ସାଧାରଣ ସମ୍ପାଦକ ଚନ୍ଦ୍ରଜିତ ବାନାର୍ଜୀ କହିଛନ୍ତି ଯେ ଏହି ସର୍ଭେ ଏ କଥାର ସଂକେତ ଯେ ଭାରତୀୟ କମ୍ପାନୀମାନେ ଭବିଷ୍ୟତ ପ୍ରତି ଆଶାବାନ ଅଛନ୍ତି। ଭାରତର ଅର୍ଥ ବ୍ୟବସ୍ଥା ଦ୍ରୁତ ବିକାଶ ହାସଲ କରୁଛି ଓ କମ୍ପାନୀମାନେ ନିଜ କର୍ମଚାରୀଙ୍କ ପ୍ରଡକ୍ଚଭିଟି ବଢାଇ ରଖିବା ପାଇଁ ଭଲ ବେତନ ଯୋଜନା ଆପଣାଇବାକୁ ଜୋର ଦେଉଛନ୍ତି। ସର୍ଭେରେ ଏହା ମଧ୍ୟ କୁହାଯାଇଛି ଯେ କମ୍ପାନୀମାନଙ୍କରେ କର୍ମଚାରୀଙ୍କ ଛଟେଇ ହାର ୧୧.୯ ପ୍ରତିଶତରେ ସ୍ଥିର ରହିପାରେ। 

ସେହିପରି ସିଆଇଆଇ ଜିଡିପିକୁ ନେଇ ଭାରତର ଜିଡିପି ବୃଦ୍ଧିହାରକୁ ୭ ପ୍ରତିଶତରେ ପହଞ୍ଚାଇବାର ଅନୁମାନ କରାଯାଉଛି, ୟାହା ଘରୋଇ ନିବେଶ ଓ ରୋଜଗାର ବୃଦ୍ଧି ସହିତ ସମ୍ପୃକ୍ତ।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.