ବିରଳ ସାପ ବେକରେ ପକାଇ ବୁଲିଲେ ଯୁବକ, ଚୋଟ ଖାଇ ମେଡିକାଲରେ ଭର୍ତ୍ତି

ଭଦ୍ରକ ୭।୧: ବିରଳ ସାପ ଦେଖିଲେ । ଉତ୍ସାହିତ ହୋଇ ବେକରେ ପକାଇ ବୁଲିଲେ । ସାପ କାମୁଡ଼ାରେ ଗୁରୁତର ହେଲେ । ଏବେ ମେଡିକାଲରେ ଚିକିତ୍ସିତ । ଭଦ୍ରକ ଜିଲ୍ଲା ବନ୍ତ ଅଧିନ ଚୟାଲଶିଂ ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି ।

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ବନ୍ତ ଅଧିନ ଚୟାଲଶିଂ ଅଞ୍ଚଳର ସୁବଳ ସାହୁ ନାମକ ଜଣେ ଯୁବକ ଘରେ ଖାଉଥିବା ବେଳେ ଏକ ଧଳା ରଙ୍ଗର ସାପ ଦେଖିଥିଲେ । ଉତ୍ସାହିତ ହୋଇ ସାପକୁ ଉଠାଇବା ବେଳେ ସାପ କାମୁଡି ନଥିଲା । ତେଣୁ ସେ ଧରିବା ବେଳେ ସାପଟି ତଳକୁ ଖସି ପଡ଼ିଥିଲା । ପୁଣି ସୁବଳ ସାପକୁ ଉଠାଇ ବେକରେ ପକାଇ ବୁଲିବା ବେଳେ ସାପ ହାତକୁ କାମୁଡ଼ି ଦେଇଥିଲା । ସମ୍ପର୍କୀୟ ମାନେ ତାଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସାପଟିକୁ ଚିହ୍ନଟ କରିବା ପାଇଁ ଡାକ୍ତରଖାନା ସାଙ୍ଗରେ ମଧ୍ୟ ନେଇଥିଲେ । ହେଲେ ଡାକ୍ତର ମାନେ ମଧ୍ୟ ସାପକୁ ଚିହ୍ନି ପାରିନଥିଲେ । ଚିକିତ୍ସା କରୁଥିବା ଡାକ୍ତରଙ୍କ ଠାରୁ ସୂଚନା ପାଇ ସ୍ନେକ୍ ହେଲ୍ପ ଲାଇନର ସାଧାରଣ ସମ୍ପାଦକ ସେଇ ସାପକୁ ଆଲବିନୋ ରଣା ସାପ ବୋଲି ଚିହ୍ନଟ କରିଥିଲେ । ଯୁବ ଜଣଙ୍କ ମେଡିକାଲରେ ଭର୍ତ୍ତି ହୋଇଥିବ ବେଳେ ସାପକୁ ସ୍ନେକ୍ ହେଲ୍ପ ଲାଇନ୍ ଉଦ୍ଧାର କରିଥିବା ସୂଚନା ମିଳିଛି ।