ସରକାରୀ କ୍ୱାର୍ଟର୍ସରେ ପାପ କାମ, କେହି ନଥିବା ବେଳେ ଯୁବତୀଙ୍କୁ ଦୁଷ୍କର୍ମ, IRS ଅଫିସରଙ୍କ ନାଁରେ ସଙ୍ଗୀନ ଅଭିଯୋଗ

ଭୁବନେଶ୍ୱର ୨୨।୦୨: ସହିଦ୍‌ନଗର ଥାନା ଅଞ୍ଚଳରେ ଏକ ସରକାରୀ କ୍ୱାର୍ଟର୍ସରେ ଜଣେ ଯୁବତୀଙ୍କୁ ଦୁଷ୍କର୍ମ କରାଯାଇଛି । ଯୁବତୀଙ୍କ ଅଶ୍ଳୀଳ ଭିଡିଓ ରେକର୍ଡିଂ ବି କରାଯାଇଛି । ଏଭଳି ଜଘନ୍ୟ କାମ ଜଣେ ଆଇଆର୍‌ଏସ୍‌ ଅଫିସ୍‌ର କରିଥିବା ଅଭିଯୋଗ ହୋଇଛି । ଏନେଇ ଥାନାରେ ଏତଲା ପରେ ରାଜଧାନୀରେ ଚହଳ ପଡିଛି । ପୋଲିସ୍‌ ମାମଲା (୧୦୪/୨୬) ରୁଜୁ କରି ଘଟଣାର ତଦନ୍ତ ଆରମ୍ଭ କରିବା ସହ ଯୁବତୀଙ୍କ ବୟାନ ରେକର୍ଡ କରିଛି ।

ଏ ଖବର ବି ପଢନ୍ତୁ:- ନକ୍ସଲ ଦମନ ଅପରେସନ ବେଳେ IED ବ୍ଲାଷ୍ଟ, କୋବ୍ରା ବାଟାଲିୟନର ଦୁଇ ଯବାନ ଗୁରୁତର

ଆଇଆରଏସ୍‌ ଅଫିସ୍‌ର ଜଣଙ୍କ ସତସଙ୍ଗ ବିହାର ଅଞ୍ଚଳରେ ଥିବା ସରକାରୀ କ୍ୱାର୍ଟର୍ସରେ ପରିବାର ସହ ରହନ୍ତି । କିଛିଦିନ ତଳେ ଆଇଆର୍‌ଏସ୍‌ ଅଫିସରଙ୍କ ଭଉଣୀ ତାଙ୍କ ଘରକୁ ଆସିଥିଲେ । ତାଙ୍କ ସହ ଆସିଥିଲେ କୁଜଙ୍ଗ ଅଞ୍ଚଳର ମିଲି (ଛଦ୍ମନାମ) ନାମ୍ନୀ ଜଣେ ଯୁବତୀ । ୧୫ ତାରିଖ ଦିନ ଆଇଆରଏସ୍‌ଙ୍କ ଭଉଣୀ ଓ ପତ୍ନୀ କୌଣସି କାମରେ ବାହାରକୁ ଯାଇଥିଲେ । ଏହି ସମୟରେ ମିଲି ଘରେ ଥିଲେ । ଟିଭି ଦେଖୁଥିଲେ। ଅଫିସର୍‌ ଜଣଙ୍କ ତାଙ୍କୁ ଲାପଟପରେ ଏକ ସିନେମା ଦେଖିବାକୁ ବେଡରୁମକୁ ଡାକି ଅଶ୍ଳୀଳ ଭିଡିଓ ଦେଖାଇଥିଲେ। ତା’ପରେ ଯୁବତୀଙ୍କୁ ବଳାତ୍କାର କରିଥିଲେ। ମିଲି ପ୍ରତିବାଦ କରିବା ସହ ଥାନାକୁ ଯିବାକୁ ଧମକ ଦେଇଥିଲେ। ହେଲେ ଅଫିସର୍‌ ଜଣଙ୍କ ଫୋନ୍‌ରେ ମିଲିଙ୍କ ଡ୍ରେସ ବଦଳାଉ ଥିବାବେଳର ଉଲଗ୍ନ ଫଟୋ ରେକର୍ଡିଂ ରଖିଥିବା କହି ବ୍ଲାକମେଲ କରିଥିଲେ। ଥାନାରେ ଏତଲା ଦେଲେ କିମ୍ବା ଘଟଣା ସଂପର୍କରେ କାହାକୁ କିଛି କହିଲେ ଉକ୍ତ ଫଟୋକୁ ଭାଇରାଲ କରିଦେବାକୁ ଧମକ ଦେଇଥିଲେ। ଏଥିରେ ମିଲି ଡରି ଯାଇଥିଲେ। ତେବେ ମଉକା ଦେଖି ସେହିଦିନ ଉକ୍ତ କ୍ୱାର୍ଟର୍ସ ଛାଡି ମିଲି ଖସି ପଳାଇଥିଲେ । ୪ ଘଣ୍ଟା ପରେ ତାଙ୍କ ପତ୍ନୀ ଓ ଭଉଣୀ ପହଞ୍ଚିଥିଲେ ଘରେ। ମିଲିଙ୍କୁ ଖୋଜିଥିଲେ। ହେଲେ ଆଇଆରଏସ୍‌ ଅଫିସ୍‌ର ଜଣଙ୍କ କହିଥିଲେ ଯେ ମିଲି ଗାଁରୁ ଜରୁରି ଫୋନ୍‌ ଆସିଥିଲା। ତେଣୁ ସେ ହଠାତ ଗାଁକୁ ଯିବାକୁ ବାହାରିବାରୁ ମୁଁ ତାକୁ ବସ୍‌ରେ ବସାଇ ଦେଇଛି । ସେ ଗାଁକୁ ପଳାଇ ଯାଇଛି । ମିଲି ଗାଁକୁ ଯିବା ପରେ ଘଟଣା ସଂପର୍କରେ କାହାକୁ କିଛି କହିପାରିନଥିଲେ ।

ଏ ଖବର ବି ପଢନ୍ତୁ:- ଥମୁନି ହାତୀ-ମଣିଶ ଲଢେଇ, ବିଲକୁ କାମ କରିବାକୁ ଯିବା ବେଳେ ଦଳିଦେଲା ଦନ୍ତା

ତେବେ ଗତ ୧୮ ତାରିଖ ଦିନ ମିଲି ଜାଣିବାକୁ ପାଇଥିଲେ ଯେ ଆଇଆରଏସ୍‌ ଅଫିସ୍‌ର ରଖିଥିବା ତାଙ୍କ ଅଶ୍ଳୀଳ ଫଟୋକୁ ଭାଇରାଲ୍‌ କରିଦେଇଛନ୍ତି । ଘଟଣା ସଂପର୍କରେ ପଚାରିବାକୁ ମିଲି ତାଙ୍କୁ ଯୋଗାଯୋଗ କରିଥିଲେ । ହେଲେ ଆଇଆରଏସ୍‌ ଅଫିସର ଜଣଙ୍କ ତାଙ୍କୁ ପୁଣି ପୁରୀର ଏକ ହୋଟେଲ୍‌କୁ ଡାକିଥିଲେ । ହୋଟେଲ୍‌ ନ ଗଲେ ଘର ଲୋକଙ୍କୁ ଭିଡିଓ ପଠାଇଦେବେ ବୋଲି ଧମକ ଦେଇଥିଲେ। କିଛି ଉପାୟ ନ ପାଇ ମିଲି ସହିଦ୍‌ନଗର ଥାନାରେ ଏତଲା ଦେଇଥିଲେ। ପୁଲିସ୍‌ ମାମଲା ରୁଜୁ କରିବା ସହ ଆଇଆରଏସ୍‌ଙ୍କ ବିରୋଧରେ ୬୪ (୧) ଦଫା ଲଗାଇଛି। ପୋଲିସ୍‌ ପୀଡିତାଙ୍କ ବୟାନ ରେକର୍ଡ କରିବା ସହ ଡାକ୍ତରୀମାଇନା କରିଛି। ଏନେଇ ସହିଦ୍‌ନଗର ଥାନାର ଜଣେ ବରିଷ୍ଠ ଅଧିକାରୀ କହିଛନ୍ତି, ଯୁବତୀଙ୍କ ଅଭିଯୋଗ ପରେ ମାମଲା ରୁଜୁ ହୋଇଛି। ଜଣେ ମହିଳା ଅଧିକାରୀଙ୍କୁ ତଦନ୍ତ ଭାର ଦିଆଯାଇଛି । ଶନିବାର ସହିଦ ନଗର ଥାନା ଅଧିକାରୀ ୨ ଜଣ ମହିଳା ଅଫିସରଙ୍କୁ ନେଇ ଜଗତସିଂହପୁର ଯାଇ ପୁଣି ଥରେ ପୀଡ଼ିତାଙ୍କ ବୟାନ ରେକର୍ଡ କରିଛନ୍ତି।

ଏ ଖବର ବି ପଢନ୍ତୁ:-ମାର୍କେଟରେ ଭୟାବହ ଅଗ୍ନିକାଣ୍ଡ, ଜଳିଗଲା ୫୦ ଦୋକାନ