ଭଦ୍ରକ: ୫୦ ଫୁଟ ପାଣି ଟାଙ୍କି ଉପରକୁ ଉଠିଗଲା ଷଣ୍ଢ। ଉଦ୍ଧାର କରିବା ପାଇଁ ପ୍ରଶାସନ ହେଲା ନାକେଦମ। ଭଦ୍ରକ ଜିଲ୍ଲା ତିହିଡି ବ୍ଲକ ସୟା ପଞ୍ଚାୟତ ଅଧିନ ତଳବନ୍ଧ ଗାଁରେ ଏମିତି ଘଟଣା ଦେଖିବା ପାଇଁ ମିଳିଛି । ଆଜି ଦିନ ସମୟରେ ପାଣି ଟାଙ୍କିର ପାହାଚ ଦେଇ ଷଣ୍ଢଟି ଉପରକୁ ଉଠି ଯାଇଥିଲା। ଯାହାକୁ ଦେଖି ଗ୍ରାମବାସୀ ମାନେ ପ୍ରଶାସନକୁ ଖବର ଦେଇଥିଲେ ।
ପାଣି ଟାଙ୍କି ଉପରକୁ ଚଢ଼ିଥିବା ଷଣ୍ଢକୁ ଉଦ୍ଧାର ପାଇଁ ପ୍ରକ୍ରିୟା ଆରମ୍ଭ ହୋଇଥିଲା । ଘଟଣାସ୍ଥଳରେ ଅଗ୍ନିଶମ ବିଭାଗ, ତିହିଡି ପ୍ରାଣୀ ସମ୍ପଦ ଅଧିକାରୀ ଉପସ୍ଥିତ ରହିଥିଲେ । ସୂର୍ଯ୍ୟାସ୍ତ ପରେ ଷଣ୍ଢକୁ ଦଉଡ଼ିରେ ବାନ୍ଧି ଉପରୁ ତଳକୁ ଆଣିବା ପରେ ପଶୁ ଚିକିତ୍ସକ ଚିକିତ୍ସା କରିଛନ୍ତି। ଏହି ଘଟଣା ସ୍ଥାନୀୟ ଅଞ୍ଚଳରେ ହାସ୍ୟରୋଳର ଖୋରାକ ଯୋଗାଇଛି।
Also read: ଜାରି ରହିଛି ଲଘୁଚାପ ପ୍ରଭାବ, ଆସୁଛି ଆଉ ଏକ ଘୂର୍ଣ୍ଣିବଳୟ : ସେପ୍ଟେମ୍ବର ପହିଲାରୁ ପୁଣି ଭିଜିବ ଓଡ଼ିଶା