ନୂଆଦିଲ୍ଲୀ: ପାକିସ୍ତାନ ସେନା ଯବାନ ଭାରତରେ ଅଟକ। ରାଜସ୍ଥାନର ଭାରତ-ପାକିସ୍ତାନ ସୀମାରେ ସୀମା ସୁରକ୍ଷା ବଳ (BSF) ପକ୍ଷରୁ ଜଣେ ପାକିସ୍ତାନ ରେଞ୍ଜରଙ୍କୁ ଅଟକ ରଖାଯାଇଥିବା ସୂଚନା ମିଳିଛି। ଏହି ଯାବନ ଜଣଙ୍କ ହେଉଛନ୍ତି ପାକିସ୍ତାନ ଅର୍ଦ୍ଧସାମରିକ ବାହିନୀର ଜଣେ ସଦସ୍ୟ। ବିଶେଷ ସୂତ୍ରରୁ ଖବର ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି। ପାକିସ୍ତାନୀ ରେଞ୍ଜରଙ୍କୁ ବିଏସଏଫର ରାଜସ୍ଥାନ ଫ୍ରଣ୍ଟିୟର୍ କଷ୍ଟଡିକୁ ନେଇଛି ବୋଲି ଅଧିକାରୀମାନେ ସୂଚନା ଦେଇଛନ୍ତି। ତେବେ ଅଟକ ରଖାଯାଇଥିବା ପାକିସ୍ତାନ ରେଞ୍ଜରଙ୍କ ପରିଚୟ କିମ୍ବା ତାଙ୍କୁ କିଭଳି ଗିରଫ କରାଗଲା ସେ ନେଇ କୌଣସି ସୂଚନା ଦିଆଯାଇ ନାହିଁ।
ଏହା ପୂର୍ବରୁ ପାକିସ୍ତାନୀ ରେଞ୍ଜର୍ସମାନେ ଜଣେ ଭାରତୀୟ ଯବାନଙ୍କୁ ମଧ୍ୟ ଅଟକ ରଖିଥିଲେ। ଭାରତୀୟ ଯବାନ ଜଣଙ୍କ ଭୁଲବଶତଃ ସୀମା ପାର କରିବାରୁ ତାଙ୍କୁ ସେମାନେ ଅଟକ ରଖିଥିଲେ। ଭାରତୀୟ ଯବାନଙ୍କୁ ଅଟକ ରଖିବାର ପ୍ରାୟ ଦୁଇ ସପ୍ତାହ ପରେ ଏହି ଘଟଣା ସାମ୍ନାକୁ ଆସିଛି।
ପଢନ୍ତୁ- ମହଙ୍ଗା ପଡ଼ିଲା ପାକିସ୍ତାନୀ ମହିଳାଙ୍କୁ ବିବାହ, ତଥ୍ୟ ଲୁଚାଇବା ଅଭିଯୋଗରେ ଚାକିରିରୁ ବିଦା ହେଲେ ସିଆର୍ପିଏଫ୍ ଯବାନ
ପହଲଗାମ ଆକ୍ରମଣର ଗୋଟିଏ ଦିନ ପରେ, ଏପ୍ରିଲ ୨୩ ତାରିଖରେ, ପୁର୍ଣ୍ଣମ କୁମାର ଶ ନାମକ ଜଣେ ବିଏସଏଫ ଯବାନଙ୍କୁ ପାକିସ୍ତାନୀ ସେନା ପଞ୍ଜାବର ଅନ୍ତର୍ଜାତୀୟ ସୀମାରେଖାରେ ଅଟକ ରଖିଥିଲେ। ଭାରତ ପକ୍ଷରୁ କଡ଼ା ପ୍ରତିବାଦ ସତ୍ତ୍ୱେ, ସେମାନେ ତାଙ୍କୁ ଛାଡ଼ିବାକୁ କରିବାକୁ ମନା କରିଦେଇଛନ୍ତି।
ଜମ୍ମୁ ଏବଂ କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ପହଲଗାମରେ ଆକ୍ରମଣ କରିଥିବା ଆତଙ୍କବାଦୀମାନେ ଧର୍ମ ପଚାରି ହିନ୍ଦୁମାନଙ୍କୁ ବାଛି ବାଛି ହତ୍ୟା କରିଥିଲେ। ଏଥିରେ ୨୬ ଜଣଙ୍କର ମୃତ୍ୟୁ ହୋଇଥିଲା, ଯେଉଁଥିରେ ସର୍ବାଧିକ ପର୍ଯ୍ୟଟକ ଥିଲେ।
ପଢନ୍ତୁ- ପାକିସ୍ତାନ ମନ୍ତ୍ରୀଙ୍କୁ ଶାହନୱାଜଙ୍କ ବ୍ୟାଙ୍ଗ ବାଣ: କହିଲେ, ଭୟରେ ବାଉଳି ହେଉଛି ପାକ୍
ଏହାପରେ ଭାରତ ପାକିସ୍ତାନ ବିରୋଧରେ ବାଣିଜ୍ୟ, ଜଳ, କୂଟନୈତିକ ଏବଂ ନାଗରିକ ଷ୍ଟ୍ରାଇକ୍ କରିଛି। ପାକିସ୍ତାନ ମଧ୍ୟ ଭାରତକୁ ବିରୋଧରେ ସମାନ କାର୍ଯ୍ୟାନୁଷ୍ଟାନ ନେଇଛି। ଦୁଇ ଦେଶ ଅପରର ନାଗରିକଙ୍କୁ ନିଜ ଦେଶରୁ ତଡ଼ିବା ଠାରୁ ଆରମ୍ଭ କରି ସମସ୍ତ ବାଣିଜ୍ୟ, ଯାତାୟତ, କୂଟନୈତିକ ସମ୍ପର୍କ ଆଦି ଛିନ୍ନ କରିଛନ୍ତି।
