ନୂଆଦିଲ୍ଲୀ: ଆଉ ଥରେ ଖଣ୍ଡ ଖଣ୍ଡ ହେବ ପାକିସ୍ତାନ। ପୁଣି ଦୁଇ ଖଣ୍ଡ ହୋଇଯିବ। ୧୯୭୧ ପରେ ବିଭାଜିତ ହେବ ଇସ୍ଲାମିକ ରାଷ୍ଟ୍ର। ସେବେ ବାଂଲାଦେଶ ଏବେ ବଲୁଚିସ୍ତାନ। ଭାରତ ସହ ଲଢ଼େଇ କରିବାକୁ ଯାଇ ପାକିସ୍ତାନ ନିଜ ଘରେ ବିଦ୍ରୋହରେ ହୋଇଛି ଦୁଇ ଭାଗ। ଆତଙ୍କବାଦକୁ ନେଇ ପାକିସ୍ତାନ ଭାରତ ଯୁଦ୍ଧ ମଉକାରେ ବଲୋଚ ସେନା ବିଦ୍ରୋହ କରି ଅଲଗା ରାଷ୍ଟ୍ର ମାନ୍ୟତା ଦାବି କରିଛି। ଜାତିସଂଘରେ ରାଷ୍ଟ୍ରୀୟ ମାନ୍ୟତା ଦାବି କରି ବଲୋଚ ସେନା ବା ବଲୋଚ ବିଦ୍ରୋହୀ ଖୁବ୍ଶୀଘ୍ର ବୈଠକ ଲାଗି ଦାବି କରିଛନ୍ତି।
ଶୁକ୍ରବାର ପାକିସ୍ତାନରେ ଏପରି ଅଭାବନୀୟ ସ୍ଥିତି ସୃଷ୍ଟି ହୋଇଛି। ଭାରତ ଉପରେ ଆକ୍ରମଣ କରି ପାକିସ୍ତାନ ନିଜ ଜାଲରେ ଛନ୍ଦି ହୋଇଯାଇଛି। ଭାରତର ପ୍ରତି ଆକ୍ରମଣରେ ରାଜଧାନୀ ଇସ୍ଲାମାବାଦ ସହ ବ୍ୟବସାୟିକ ରାଜଧନୀ କରାଚୀ, ଲାହୋର, ରାୱାଲପିଣ୍ଡି ଭଳି ୧୨ ପାକିସ୍ତାନୀ ସହର ଅସ୍ତବ୍ୟସ୍ତ। ଭୟରେ ପାକିସ୍ତାନର ପ୍ରଧାନମନ୍ତ୍ରୀ ଏବଂ ସେନା ମୁଖ୍ୟ ବଙ୍କରରେ ଆଶ୍ରୟ ନେଇଥିବା ଖବର ଆସିଥିବା ବେଳେ ଏପଟେ ଗୃହ ଯୁଦ୍ଧକୁ ତୀବ୍ର। ବଲୋଚ ଆର୍ମୀ କ୍ୱେଟ୍ଟା ଦଖଲ କରି ନେଇଥିବା ଖବର ଆସୁଛି।
କ୍ୱେଟ୍ଟା ସମେତ ଅନେକ ପ୍ରମୁଖ ଅଞ୍ଚଳରୁ ପାକିସ୍ତାନ ପତାକା ହଟାଇ ଦେଇଛି ବଲୋଚ ଆର୍ମି। ଏହା ସହ ତୈଳ କ୍ଷେତ୍ର ଉପରେ ଆକ୍ରମଣ କରିଛି, ଏବଂ ଗ୍ୟାସ ପାଇପଲାଇନ ବିଚ୍ଛିନ୍ନ କରିଥିବା ଖବର ଆସୁଛି। ଇସ୍ଲାମାବାଦର ଭାରତ ବିରୋଧୀ ଲଢେଇର ଫାଇଦା ନେଇ ବଲୋଚ ଆର୍ମୀ ସ୍ୱତନ୍ତ୍ର ଦେଶ ମାନ୍ୟତା ଦାବି କରିଛି। ପାକିସ୍ତାନରେ ସେମାନଙ୍କ ଲକ୍ଷ୍ୟର ତିନି ତୃତୀୟାଂସ ସ୍ଥାନ ନିୟନ୍ତ୍ରଣକୁ ନେଇଥିବା ଦାବି କରିଛି ବୋଲଚିସ୍ତାନ ଆର୍ମୀ। ସେପଟେ ପାକିସ୍ତାନ ସେନା ବଲୋଚ ଆର୍ମୀର ମୁକାବିଲା କରିବାରେ ବିଫଳ ହୋଇଥିବା ସୂଚନା ମିଳିଛି। ଏହି ସ୍ଥିତିରେ ପୁଣିଥରେ ପାକିସ୍ତାନ ଦୁଇଖଣ୍ଡ ହୋଇଯିବାର ଆଶଙ୍କା ବଢ଼ିଛି।
ଦେଶ ସ୍ୱାଧୀନତା ବେଳେ ୧୯୪୭ରେ ଭାରତ ଠାରୁ ଅଲଗା ହୋଇଯାଇଥିଲା ପାକିସ୍ତାନ। ଭାରତ ଉପମହାଦେଶରେ ପୂର୍ବ ପାକିସ୍ତାନ ଏବଂ ପଶ୍ଚିମ ପାକିସ୍ତାନ ଦୁଇ ଭାଗର ବିଭକ୍ତ ଥିଲା। କିନ୍ତୁ ୧୯୭୧ରେ ଆସିଲା ଟର୍ଣ୍ଣିଂ ପଏଣ୍ଟ। ପୂର୍ବ ପାକିସ୍ତାନରେ ତୀବ୍ରା ହେଲା ପଶ୍ଚିମ ପାକିସ୍ତାନ ବିରୋଧୀ ମନୋଭାବ ଏବଂ ବିଦ୍ରୋହ। ଲାଗିଲା ଲଢ଼େଇ, ହସ୍ତକ୍ଷେପ କରିଥିଲା ଭାରତ। ଶେଷରେ ୧୯୭୧ ଯୁଦ୍ଧରେ ପୂର୍ବ ପାକିସ୍ତାନ ହେଲା ସ୍ୱତନ୍ତ୍ର ଦେଶ। ନାଁ ହେଲା ବାଂଲାଦେଶ। ଫଳରେ ଜିନାଙ୍କ ପାକିସ୍ତାନ ଦୁଇ ଭାଗ ହୋଇଯାଇଥିଲା।
ଏବେ ୨୦୨୫ରେ ପାଖାପାଖି ୫୪ ବର୍ଷ ପରେ ପାକିସ୍ତାନ ପୁଣିଥରେ ବିଭାଜନ ଦ୍ୱାରଦେଶରେ। ସମାନ ସ୍ଥିତି ଭାରତ ସହ ଯୁଦ୍ଧ ଆଉ ଏହା ପାକିସ୍ତାନ ବିଭାଜନକୁ ଅଧିକ ଖୋରାକ ଦେଉଛି। ଯଦି ବଲୋଚ ଆର୍ମୀଙ୍କ ଦାବିକୁ ଜାତିସଂଘ କିମ୍ବା ବିଶ୍ୱର କିଛି ଶକ୍ତିଶାଳୀ ରାଷ୍ଟ୍ର ସମର୍ଥନ କରନ୍ତି ତେବେ ପାକିସ୍ତାନ ବିଭାଜିତ ହେବା ନିଶ୍ଚିତ।
