ବିନିକା: ବିଧାନସଭା ନିର୍ବାଚନ ପାଇଁ ରାଜ୍ୟର ତିନି ପ୍ରମୁଖ ଦଳଙ୍କ ମଧ୍ୟରେ ପ୍ରାର୍ଥୀ ଘୋଷଣା ଆରମ୍ଭ କରିଦେଇଛନ୍ତି। ଏହାରି ମଧ୍ୟରେ ମଙ୍ଗଳବାର ୧୧୨ଟି ବିଧାନସଭା ଆସନ ପାଇଁ ଭାରତୀୟ ଜନତା ପାର୍ଟି ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି।
ତେବେ ନାଁ ଘୋଷଣା ପରେ ପ୍ରାର୍ଥୀଙ୍କ ମଧ୍ୟରେ ଦେଖିବାକୁ ମିଳିଛି ଖୁସିର ଲହରି। ପ୍ରାର୍ଥୀ ଘୋଷଣା ପରେ ବିନିକାରେ ବିଜେପିର କର୍ମକର୍ତ୍ତାମାନେ ବାଣ ଫୁଟାଇ ମିଠା ବାଣ୍ଟି ଖୁସି ମନାଇ ଥିଲେ।
ଏହି କ୍ରମରେ ବୀରମହାରାଜପୁର ବିଧାନସଭା ଆସନରୁ ଦଳ ପୁଣି ଥରେ ଇଞ୍ଜିନିୟର ରଘୁନାଥ ଜଗଦଲାଙ୍କ ଉପରେ ଆସ୍ଥା ପ୍ରକଟ କରି ଟିକେଟ ଦେଇଛି। ଗତ ୨୦୧୯ ବିଧାନସଭା ନିର୍ବାଚନରେ ପଦ୍ମନାଭ ବେହେରା ୬୫୨୦୨ ଭୋଟ ପାଇ ବିଜୟୀ ହୋଇଥିବା ବେଳେ ରଘୁନାଥ ଜଗଦଲା ୫୨୧୪୫ ଖଣ୍ଡ ଭୋଟ ପାଇ ଦ୍ଵିତୀୟ ସ୍ଥାନରେ ରହିଥିଲେ।
