ଦୁର୍ଘଟଣା ହୋଇଛି ଟିକେ ପାଣି ଦିଅ କହି ଡ୍ରାମା କଲେ, ପରେ ଘରେ ପଶି ଦେଖାଇଲେ ବନ୍ଧୁକ

ତେଲକୋଇ ୦୨/୦୨: ପାଣି ମାଗିବା ବାହାନାରେ ୮ ମୁଖାପିନ୍ଧା ଦୁର୍ବୃତ୍ତଙ୍କ ଡକାୟତି । ବନ୍ଧୁକ ମୁନରେ ବ୍ୟବସାୟୀଙ୍କ ଘରେ ପଶି ବନ୍ଧୁକ ଦେଖାଇ ଲୁଟ୍ । ବାଂଶପାଳ ଶୁଆକାଟି ଫାଣ୍ଡି ବାୟାପଣ୍ଡାଧର ଗାଁରେ ହୋଇଛି ଏହି ସଶସ୍ତ୍ର ଡକାୟତି । ଲୁଟିନେଲେ ୬ ଲକ୍ଷ ୮୦ ହଜାର ଟଙ୍କା ସହ ୧୧ ଲକ୍ଷର ସୁନା ଗହଣା ।

କେନ୍ଦୁଝର ସଦର ଥାନା ବାୟାପଣ୍ଡାଧାରରେ ରବିବାର ବିଳମ୍ବିତ ରାତିରେ ହଠାତ୍ ଆସିଥିଲେ ଆଠ ଜଣ ମୁଖା ପିନ୍ଧା ଡକାୟତ । ବ୍ୟବସାୟୀ ସଂଗ୍ରାମ କେଶରୀ ନାଏକଙ୍କ ଘରକୁ ପଶିଥିଲେ ଫିଲ୍ମ ଷ୍ଟାଇଲରେ । ଦୁର୍ଘଟଣା ହୋଇଛି ବାବୁ ଟିକେ ପାଣି ଦିଅ । ଆଉ ପାଣି ମାଗିବା ବାହାନାରେ ପଶି ବନ୍ଧୁକ ମୁନରେ ଲୁଟି ନେଲେ ନଗଦ ୬ ଲକ୍ଷ ୮୦ ହଜାର ଟଙ୍କା ଓ ୧୧ ଲକ୍ଷ ଟଙ୍କାର ସୁନା ଗହଣା ।

ସଂଗ୍ରାମଙ୍କ କହିବା ଅନୁସାରେ ଡକାୟତ ମାନେ ପ୍ରଥମେ ଜଣେ ବ୍ୟକ୍ତିକୁ ଟେକି ଟେକି ଆଣିଥିଲେ ଘରକୁ । ଦୁର୍ଘଟଣା ହୋଇଛି ଟିକେ ପାଣି ଦିଅ କହି ଡ୍ରାମା କରିଥିଲେ । ଘର ଲୋକେ ପାଣି ଦେବାକୁ କବାଟ ଖୋଲିବା ମାତ୍ର ଆଠ ଜଣ ମୁଖା ପିନ୍ଧା ଡକାୟତ ପଶିଆସିଥିଲେ ଘରକୁ । ତୁରନ୍ତ ଘର ଭିତରେ ପଶି ସମସ୍ତଙ୍କ ମୁଣ୍ଡରେ ବନ୍ଧୁକ ଲଗାଇ ମୋବାଇଲ ସବୁ ଛଡାଇ ନେବା ସହ ସମସ୍ତଙ୍କୁ ଗୋଟେ ଘରେ ପୁରାଇ କାବାଟ ବନ୍ଦ କରି ଦେଇଥିଲେ ।

ଏହା ପରେ ପୁରା ଘରର ଆଲମାରି, ଖଟର ବକ୍ସ ଓ ବ୍ୟାଗ ଆଦି ଖୋଲି ତନ୍ନ ତନ୍ନ କରି ଖୋଜି ସମସ୍ତ ଟଙ୍କା ପଇସା ଓ ସୁନା ଗହଣା ନେଇ ଫେରାର ହୋଇ ଯାଇଥିଲେ । ଡକାୟତଙ୍କ ମଧ୍ୟରୁ ୭ ଜଣ ମୁଖା ପିନ୍ଧିଥିଲେ । ଜଣେ ମୁଖା ପିନ୍ଧି ନ ଥିଲା ଓ ସମସ୍ତଙ୍କ ହାତରେ ବନ୍ଧୁକ ଥିବା ସଂଗ୍ରାମ କହିଛନ୍ତି । ତୁରନ୍ତ ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି ।