ଭୁବନେଶ୍ବର ୧୨।୪: କଂଗ୍ରେସ ଛାଡି ବିଜେଡିରେ ମିଶିଲେ କୁଚିଣ୍ଡା ପୂର୍ବତନ କଂଗ୍ରେସ ବିଧାୟକ ରାଜେନ୍ଦ୍ର କୁମାର ଛତ୍ରୀ । ବିଜେଡି କାର୍ଯ୍ୟାଳୟରେ ପ୍ରିୟବ୍ରତ ମାଝୀଙ୍କ ଉପସ୍ଥିତିରେ କୁଚିଣ୍ଡାର କର୍ମକର୍ତ୍ତା ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ କାର୍ଯ୍ୟର ଅନୁପ୍ରାଣିତ ହୋଇ ବହୁ ଲୋକେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ ଅବିନାଶ ମହାପାତ୍ର, ଅକ୍ଷୟ ସାହୁ, ଉଦୟ ପ୍ରତାପ ସିଂ, ଧିରେନ୍ ନାୟକ, ସ୍ବରାଜ କୁମାର ପଟେଲ ଆଦି ବିଜେଡିରେ ମିଶିଛନ୍ତି । 

ସେହିଭଳି ବିଜେଡିରେ ସାମିଲ ହେଲେ ଜଟଣୀ ନିର୍ବାଚନ ମଣ୍ଡଳୀର ବିଜେପି ଓ କଂଗ୍ରେସର ଶତାଧିକ କର୍ମକର୍ତ୍ତା । କଂଗ୍ରେସ ନେତା ପ୍ରମୋଦ ହରିଚନ୍ଦନଙ୍କ ନେତୃତ୍ୱରେ ଶତାଧିକ କର୍ମୀ ବିଜେଡିରେ ବିଧିବଦ୍ଧ ଭାବରେ ସାମିଲ ହୋଇଛନ୍ତି । ଏହାସହ କଂଗ୍ରେସର 3 ଜଣ କାଉଁସିଲର ମଧ୍ୟ ବିଜେଡିରେ ମିଶିଛନ୍ତି । ଏ ମିଶ୍ରଣ ଫଳରେ ବିଜେଡି ଜଟଣୀ ନିର୍ବାଚନ ମଣ୍ଡଳୀରେ ଅଧିକ ଶକ୍ତିଶାଳୀ ହେବ ବୋଲି କହିଛନ୍ତି ସାଂସଦ ମାନସ ମଙ୍ଗରାଜ । ଏହି ମିଶ୍ରଣ ପର୍ବରେ ଜିଲ୍ଲା ସଭାପତି ବିଭୁତି ବଳବନ୍ତ ରାୟ ଓ ସାଂସଦ ପ୍ରାର୍ଥୀ ମନ୍ମଥ ରାଉତରାୟ ଉପସ୍ଥିତ ଥିଲେ ।

You Can Read:

ଆଖଣ୍ଡଳମଣୀ ସେବାୟତଙ୍କୁ ଆକ୍ରମଣ ଘଟଣା : ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହେଲା ବିଜେଡି