ତେଲେଙ୍ଗାନାରେ ଥମୁନି ପଶୁ ନରସଂହାର, ବଡ଼ ଗାତ ତଳୁ ମିଳିଲା ୩ ଶହ କୁକୁରଙ୍କ ମୃତଦେହ

ହାଇଦ୍ରାବାଦ ୨୪/୦୧: ତେଲେଙ୍ଗାନାରେ ଥମୁନି ପଶୁ ନରସଂହାର । ଆଉ ୩ ଶହ କୁକୁରଙ୍କୁ ବିଷ ଇଞ୍ଜେକସନ୍ ଦେଇ ହତ୍ୟା ପୁଣି ହତ୍ୟା । ଜଗତିଆଲ ଜିଲ୍ଲାରେ ବଡ଼ ଗାତ ତଳୁ ମିଳିଲା ୩ ଶହ କୁକୁରଙ୍କ ମୃତଦେହ । ଗାଁ ସରପଞ୍ଚଙ୍କ ନିର୍ଦ୍ଦେଶରେ କୁକୁରଙ୍କୁ ମରାଯାଇଥିବା ଅଭିଯୋଗ ।

ନିର୍ବାଚନୀ ପ୍ରତିଶ୍ରୁତି ପୂରଣ ପାଇଁ ସରପଞ୍ଚଙ୍କ ନିର୍ଦ୍ଦେଶରେ କୁକୁର ମରାଯାଇଥିବା ସୂଚନା । ଗାଁକୁ କୁକୁର ମୁକ୍ତ କରିବାକୁ ପଞ୍ଚାୟତ ନିର୍ବାଚନ ବେଳେ ପ୍ରତିଶ୍ରୁତି ଦେଇଥିଲେ । ସରପଞ୍ଚ ଓ ପଞ୍ଚାୟତ ସଚିବଙ୍କ ବିରୋଧରେ ମାମଲା ରୁଜୁ କଲା ପୋଲିସ । ରାଜ୍ୟରେ ମାସକରେ ପ୍ରାୟ ୯ ଶହ କୁକୁରଙ୍କୁ ମରାଯାଇଥିବା ସୂଚନା । ହାଇଦ୍ରାବାଦରୁ ୨୦୦ କିଲୋମିଟର ଦୂର ପେଗାଡାପାଲିରେ ଘଟିଛି ଏହି ଅଘଟଣ । ଯାହା ଗ୍ରାମର ସରପଞ୍ଚଙ୍କ ନିର୍ଦ୍ଦେଶରେ ଘଟିଥିବା ପଶୁ ଅଧିକାର କର୍ମୀମାନେ ଦାବି କରିଛନ୍ତି ।

ଷ୍ଟ୍ରେ ଆନିମଲ୍ ଫାଉଣ୍ଡେସନ୍ ଅଫ୍ ଇଣ୍ଡିଆର ପ୍ରୀତି ମୁଦାଭଥଙ୍କ ଅଭିଯୋଗ ଆଧାରରେ, ପୋଲିସ ଗ୍ରାମର ସରପଞ୍ଚ ଓ ଅନ୍ୟମାନଙ୍କ ବିରୋଧରେ ଅନ୍ୟମାନଙ୍କ ବିରୋଧରେ BNS ର ଧାରା ୩୨୫ ସହିତ ୩(୫) ଏବଂ ପ୍ରାଣୀମାନଙ୍କ ପ୍ରତି ନିଷ୍ଠୁରତା ନିବାରଣ ଆଇନ, ୧୯୬୦(ଏକାଧିକ ବ୍ୟକ୍ତିଙ୍କ ଦ୍ୱାରା ହତ୍ୟା ଏବଂ ବିଷକ୍ରିୟା ସହିତ ଜଡିତ) ର ଧାରା ୧୧(୧)(a) ଅନୁଯାୟୀ ଏକ ଏଫଆଇଆର ରୁଜୁ କରିଛି। ଗତ କିଛି ସପ୍ତାହ ମଧ୍ୟରେ କାମାରେଡ୍ଡି, ହନୁମାକୋଣ୍ଡା ଓ ରଙ୍ଗା ରେଡ୍ଡି ଜିଲ୍ଲାରୁ ବୁଲା ପଶୁମାନଙ୍କ ଗଣହତ୍ୟାର ମାମଲା ରିପୋର୍ଟ ହୋଇଛି। ଅଧିକାଂଶ କ୍ଷେତ୍ରରେ, ନବ ନିର୍ବାଚିତ ସରପଞ୍ଚ ଏବଂ ଅନ୍ୟାନ୍ୟ ପ୍ରତିନିଧିମାନଙ୍କ ବିରୋଧରେ ଏଫଆଇଆର ରୁଜୁ ହୋଇଛି ।