ନୂଆଦିଲ୍ଲୀ ୩୦।୦୫: ଅନେକ ରହସ୍ୟରେ ଭରା ଦୁନିଆ । ଏଥିରେ ଅନେକ ଭିନ୍ନ ଭିନ୍ନ ରହସ୍ୟ ଦେଖିବାକୁ ମିଳିଥାଏ । ଏପରି ଏକ କୁଅ ରହିଛି ଯାହାର ଜଳ କେବେବି ଶୁଖେନି । ଏହି କୂଅରୁ ପାଣି ନେଇ ରାଜା-ମହାରାଜା ନିଜର ଶୋଷ ମେଣ୍ଟାଉଥିଲେ । କୂଅଟି କର୍ଣ୍ଣାଟକର ବିଦରରେ ରହିଛି ।
ଏହି କୂଅ ପାଣି କେବେ ବି ଶୁଖେନି । କୂଅଗୁଡିକ ବିଡର ଦୁର୍ଗ ନିକଟରେ ହିଁ ରହିଛି । ଦାବି କରାଯାଏ କି ବିଡର ଦୁର୍ଗ ୧୫ଶହ ଶତାବ୍ଦୀରେ ନିର୍ମିତ ହୋଇଥିଲା । ଏହି କୂଅଟିକୁ ରାଜା-ମହାରାଜା ଏବଂ ସୈନିକଙ୍କୁ ପାନୀୟ ଜଳ ଯୋଗାଇବା ପାଇଁ ନିର୍ମିତ ହୋଇଥିଲା । ତେବେ ଯେତେ ମରୁଡ଼ି ହେଉନା କାହିଁକି, ଏହି କୂଅର ଜଳ କେବେବି ଶୁଖେନି ।
ଏହି ସ୍ଥାନରେ ପାଞ୍ଚଟି କୂଅ ଅଛି । ଯାହା ସବୁବେଳେ ପାଣିରେ ଭରି ହୋଇ ରହିଥାଏ । ଏଠାରେ ଥିବା ଲୋକମାନେ ପାଞ୍ଚଟି କୂଅ ମଧ୍ୟରୁ କେବଳ ଦୁଇଟି ବ୍ୟବହାର କରୁଛନ୍ତି । ଅବଶିଷ୍ଟ ତିନୋଟି ବ୍ୟବହାର କରିବାର କୌଣସି ଆବଶ୍ୟକତା ପଡୁନାହିଁ । କୂଅରୁ ଆସୁଥିବା ଜଳରେ ଲୋକମାନେ ଏବଂ କୃଷକମାନେ ବହୁ ବର୍ଷ ଧରି ସବୁଜ ପନିପରିବା ଚାଷ କରି ବିକ୍ରି କରୁଛନ୍ତି ।
ଏଠାରେ ଚାଷ ହେଉଥିବା ପୋଦିନା ଏବଂ ପାଳଙ୍ଗର ଡିମାଣ୍ଡ ସାରା ରାଜ୍ୟରେ ରହିଥାଏ । ଏହି ସବୁଜ ପରିବାକୁ ବିକ୍ରି କରି ଲୋକମାନେ ଭଲ ପରିମାଣର ରୋଜଗାର କରୁଛନ୍ତି । ଗାଁର ଲୋକମାନେ ପ୍ରାୟ ଦଶ ବର୍ଷ ଧରି ଏଠାରେ ଚାଷ କରି ରୋଜଗାର କରୁଛନ୍ତି ।
