ମୁମ୍ୱାଇ ୨୧/୦୮: ସରିଛି ଏସିଆ କପ୍ ୨୦୨୫ ଟିମ୍ ଚୟନ । ଏହାରି ଭିତରେ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କୁ ଦେଇଛି ବିଶେଷ ଉପହାର । ଅଗରକରଙ୍କ କାର୍ଯ୍ୟକାଳକୁ ବଢାଇଛି ବିସିସିଆଇ । ଜୁନ୍ ୨୦୨୩ରେ ଭାରତୀୟ ଦଳର ମୁଖ୍ୟ ଚୟନକର୍ତ୍ତା କରାଯାଇଥିଲା। ତାଙ୍କର କାର୍ଯ୍ୟକାଳ ୨ ବର୍ଷ ପାଇଁ ଥିଲା । କିନ୍ତୁ ବର୍ତ୍ତମାନ ଏହାକୁ ଜୁନ୍ ୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି। 

କାରଣ ଅନେକ ବାର ସେ ଦଳ ଚୟନ ମାହନ ଭୁମିକା ଦାୟିତ୍ୱ ତୁଲାଇଛନ୍ତି । ତାଙ୍କ ସିଲେକ୍ସନ ଆଧାରରେ ଭାରତୀୟ ଦଳ ୨୦୨୪ଟି-୨୦ ବିଶ୍ୱକପ୍ ଏବଂ ୨୦୨୫ ଚାମ୍ପିଅନ୍ସ ଟ୍ରଫି ଜିତିଥିଲା। ନିକଟରେ, ଅଜିତ ଅଗରକର ଏସିଆ କପ୍ ୨୦୨୫ ଚୟନ କରିଛନ୍ତି। ଗୋଟିଏ ପଟେ ଅଜିତ ଅଗରକରଙ୍କୁ BCCI ଠାରୁ ଏହି ଉପହାର ମିଳିଛି । ଅନ୍ୟପଟେ ଜଣେ ଅଭିଜ୍ଞ ଖେଳାଳିଙ୍କୁ ତାଙ୍କ ପଦରୁ ହଟାଇ ଦିଆଯାଇପାରିବ।

ବିସିସିଆଇ ନେଇଛି ବଡ଼ ନିଷ୍ପତ୍ତି:

ଇଣ୍ଡିଆନ ଏକ୍ସପ୍ରେସ ରିପୋର୍ଟ ଅନୁସାରେ, ଇଣ୍ଡିଆନ ପ୍ରିମିୟର ଲିଗ୍ ୨୦୨୫ ପୂର୍ବରୁ ଅଗରକରଙ୍କ ଚୁକ୍ତିନାମା ବୃଦ୍ଧି କରାଯାଇଥିଲା। ବିସିସିଆଇର ଜଣେ ଅଧିକାରୀ ଇଣ୍ଡିଆନ ଏକ୍ସପ୍ରେସକୁ କହିଛନ୍ତି, "ତାଙ୍କ କାର୍ଯ୍ୟକାଳ ମଧ୍ୟରେ, ଭାରତୀୟ ଦଳ ଅନେକ ଟାଇଟଲ ଜିତିଛି । ଟେଷ୍ଟ ଏବଂ ଟି-୨୦ ଅନ୍ତର୍ଜାତୀୟ ଦଳରେ ମଧ୍ୟ ପରିବର୍ତ୍ତନ ଦେଖିଥିଲା । ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ଜୁନ୍ ୨୦୨୬ ପର୍ଯ୍ୟନ୍ତ ତାଙ୍କ ଚୁକ୍ତିନାମାକୁ ବୃଦ୍ଧି କରିଥିଲା । ସେ କିଛି ମାସ ପୂର୍ବରୁ ଏହି ପ୍ରସ୍ତାବକୁ ଗ୍ରହଣ କରିଥିଲେ।

ଟିମ୍ ଇଣ୍ଡିଆର ବର୍ତ୍ତମାନର ଚୟନ କମିଟିରେ ଅଗରକର, ଏସ୍.ଏସ୍. ଦାସ, ସୁବ୍ରୋତୋ ବାନାର୍ଜୀ, ଅଜୟ ରାତ୍ରା ଏବଂ ଏସ୍. ଶରଥ ଅଛନ୍ତି। ରିପୋର୍ଟରେ ଦାବି କରାଯାଉଛି ଯେ ସେପ୍ଟେମ୍ବରରେ ଅନୁଷ୍ଠିତ ହେବାକୁ ଥିବା ବାର୍ଷିକ ସାଧାରଣ ବୈଠକ ପରେ ଚୟନ କମିଟିରେ କିଛି ପରିବର୍ତ୍ତନ ହେବ । ସେପ୍ଟେମ୍ବର ୨୦୨୧ରେ, ଶରଥ ଜୁନିଅର ଚୟନ କମିଟିର ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ । ଜାନୁଆରୀ ୨୦୨୩ରେ ତାଙ୍କୁ ବରିଷ୍ଠ ଚୟନ କମିଟିକୁ ପଦୋନ୍ନତି ଦିଆଯାଇଥିଲା । ତଥାପି, ସେ ଏବେ ଚାରି ବର୍ଷ ପୂରଣ କରିବେ। ରିପୋର୍ଟ ଅନୁଯାୟୀ, ବୋର୍ଡ ତାଙ୍କ ସ୍ଥାନରେ ଏକ ନୂତନ ମୁହଁ ନେଇପାରେ।

ସମ୍ପ୍ରତି ଏସିଆ କପ୍ ୨୦୨୫ ପାଇଁ ଭାରତୀୟ ଦଳ ଘୋଷଣା କରାଯାଇଛି। ଏହି ଦଳରେ କିଛି ଶ୍ରେଷ୍ଠ ଖେଳାଳିଙ୍କୁ ସାମିଲ କରାଯାଇଛି। ଦଳର ଅଧିନାୟକ ସୂର୍ଯ୍ୟକୁମାର ଯାଦବ ହେବେ। ଏହି ଟୁର୍ଣ୍ଣାମେଣ୍ଟ ୯ ସେପ୍ଟେମ୍ବରରୁ ଆରମ୍ଭ ହେଉଛି । ଏହାର ଶେଷ ମ୍ୟାଚ୍ ୨୮ ସେପ୍ଟେମ୍ବରରେ ଖେଳାଯିବ। ଏହି ଟୁର୍ଣ୍ଣାମେଣ୍ଟରେ ଅନେକ ପ୍ରଶଂସକ ଭାରତୀୟ ଦଳଠାରୁ ଉଚ୍ଚ ଆଶା ରଖିଛନ୍ତି।