ନିଜ ସରକାରଙ୍କୁ ଘେରିଲେ ପାକିସ୍ତାନ ସାଂସଦ: ତୁମେ ଆଫଗାନିସ୍ତାନ ଉପରେ ଆଟାକ କରି ଠିକ୍ କହୁଛ, ଭାରତ ବି...

ନୂଆଦିଲ୍ଲୀ: ନିଜ ଦେଶର ନିଜେ ସମାଲୋଚନା ହେଉଛନ୍ତି ପାକିସ୍ତାନ ସରକାର। ଆତଙ୍କବାଦୀଙ୍କୁ ଟାର୍ଗେଟ୍ କରିବା ନେଇ ଶେହେବାଜ ସରିଫ ସରକାରଙ୍କୁ ସମାଲୋଚନା କରିଛନ୍ତି ପାକିସ୍ତାନର ଜାମିଅତ ଉଲେମା-ଏ-ଇସଲାମ-ଏଫ୍ (JUI-F) ମୁଖ୍ୟ ମୌଲାନା ଫଜଲୁର ରେହମାନ। ତୁମେ ଆତଙ୍କବାଦୀ ନାଁରେ ଆଫଗାନିସ୍ତାନ ଉପରେ ଆକ୍ରମଣ କରିବ, ଆଉ ଭାରତ ସେହି କାମ କଲେ ତାକୁ ବିରୋଧ କେମିତି କରୁଛ ବୋଲି ରେହମାନ କହିଛନ୍ତି। ରେହମାନ ପାକିସ୍ତାନର ଜଣେ ସାଂସଦ। ସେ ଏଭଳି କହିଥିବା ଏକ୍ସରେ ଏକ ଭିଡିଓ ଭାଇରାଲ ହେଉଛି।

ଭିଡିଓରେ, ରେହମାନ ଅପରେସନ ସିନ୍ଦୂରକୁ ଇଙ୍ଗିତ କରି କହିଛନ୍ତି ଯେ ପାକିସ୍ତାନ ନିଜ ମାଟିରେ ଆତଙ୍କବାଦୀ ମୁଖ୍ୟାଳୟ ବିରୁଦ୍ଧରେ ଭାରତର ସାମରିକ ଆକ୍ରମଣକୁ ବିରୋଧ କରିବା ସହିତ ଆଫଗାନିସ୍ତାନ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନକୁ ଯଥାର୍ଥ କହିପାରିବ ନାହିଁ।

ରେହମାନ କହିଛନ୍ତି “ ଯଦି ଆପଣ କହୁଛନ୍ତି, ତେବେ ମୁଁ ପଚାରୁଛି ଯେ ଆମେ ଆଫଗାନିସ୍ତାନରେ ଆମ ଶତ୍ରୁକୁ ଆକ୍ରମଣ କରି, ଏହାକୁ ଉଚିତ ବୋଲି କହୁଛୁ। ତେବେ ଭାରତ ବି କହୁଛି ଯେ ସେ ବାହାୱଲପୁର, ମୁରିଦକେ ଏବଂ କାଶ୍ମୀର (ପହଲଗାମ)ରେ ଆକ୍ରମଣ ପାଇଁ ଦାୟୀ ଗୋଷ୍ଠୀଗୁଡ଼ିକର ମୁଖ୍ୟାଳୟରେ ଏହାର ଶତ୍ରୁମାନଙ୍କ ଉପରେ ଆକ୍ରମଣ କରିଛି। ତେବେ ଏଥିରେ ଆପଣ ବିରୋଧ କେମିତି କରୁଛନ୍ତି? ତୁମେ ଆଫଗାନିସ୍ତାନ ବିରୁଦ୍ଧରେ ସମାନ ଅଭିଯୋଗ ଉଠାଉଛ। ତେଣୁ ଉଭୟ ସ୍ଥିତିକୁ କିପରି ଯଥାର୍ଥ କରିବ?”

ନିକଟରେ ପାକିସ୍ତାନ ତେହରିକ-ଏ-ତାଲିବାନ (ପାକିସ୍ତାନ) ଦ୍ୱାରା ବଢ଼ୁଥିବା ଆତଙ୍କବାଦୀ ଆକ୍ରମଣ ଯୋଗୁ ଆଫଗାନିସ୍ତାନ ଉପରେ ଆକ୍ରମଣକୁ ଇସଲାମାବାଦ ଯଥାର୍ଥ ବୋଲି ଦର୍ଶାଇଥିଲା। ଯାହାକୁ ଟାର୍ଗେଟ୍ କରି ରେହେମାନ ଏପରି କହିଛନ୍ତି।