UPI ୟୁଜରଙ୍କ ନିମନ୍ତେ ବଡ଼ ଅପଡେଟ୍, ୧ ଫେବୃଆରୀରୁ ବ୍ଲକ୍ ହେବ ଏହି ସବୁ ଟ୍ରାଞ୍ଜାକ୍ସନ, ନିୟମ ବଦଳାଇ ଦେଲେ NPCI

Published By : Prameya-News7 Bureau | January 30, 2025 IST

ନୂଆଦିଲ୍ଲୀ ୩୦।୧: ଯଦି ଆପଣ ୟୁପିଆଇ ପେମେଣ୍ଟ ୟୁଜ କରୁଛନ୍ତି ଏହି ଖବର ଆପଣଙ୍କ ଲାଗି ଜରୁରି। କାରଣ ଫେବୃଆରୀ ୧ ତାରିଖରୁ କୌଣସି ୟୁପିଆଇ ଆପ୍ ଟ୍ରାଞ୍ଜାକ୍ସନ ଆଇଡି ଜେନେରେଟ କରିବା ଲାଗି ସ୍ପେଶାଲ କ୍ୟାରେକ୍ଟର ବ୍ୟବହାର କରିପାରିବେ ନାହିଁ। ଯଦି କେହି ଆପ୍ ଟ୍ରାଞ୍ଜାକ୍ସନ ଆଇଡିରେ ସ୍ପେଶାଲ କ୍ୟାରେକ୍ଟର ୟୁଜ କରନ୍ତି ତେବେ ସେଣ୍ଟ୍ରାଲ ସିଷ୍ଟମ ସହି ପେମେଣ୍ଟକୁ କ୍ୟାନସଲ କରିଦେବ। ନ୍ୟାସନାଲ ପେମେଣ୍ଟ କର୍ପୋରେସନ ଅଫ ଇଣ୍ଡିଆ (ଏନପିସିଆଇ) ଏହି ଗାଇଡଲାଇନ ବିଜନେସ୍ ୟୁଜରଙ୍କ ପାଇଁ ଜାରି କରିଥିଲେ, ହେଲେ ଏହାର ପ୍ରଭାବ ଏବେ ସାଧାରଣ ଗ୍ରାହକଙ୍କ ଉପରେ ମଧ୍ୟ ପଡିବ। 

ୟୁପିଆଇ ଟ୍ରାଞ୍ଜାକ୍ସନ ଆଇଡି ଜେନେରେଟ କରିବା ପାଇଁ ଥିବା ପ୍ରୋସେସକୁ ଏନପିସିଆଇ ଷ୍ଟାଣ୍ଡାର୍ଡ କରିବାକୁ ଚାହୁଁଛନ୍ତି। ଏଥି ପାଇଁ ଏନପିସିଆଇ ସବୁ କମ୍ପାନୀଙ୍କ ଟ୍ରାଞ୍ଜାକ୍ସନ ଆଇଡିରେ କେବଳ ଆଲଫା ନ୍ୟୁମେରିକ କ୍ୟାରେକ୍ଟର ଯୋଡିବାକୁ ଆଦେଶ ଦେଇଛନ୍ତି। ଏହି ଆଦେଶ ଫେବୃଆରୀ ୧ ତାରିଖରୁ ଲାଗୁ ହୋଇଯିବ। ଏହାର ଅର୍ଥ ଯଦି କୌଣସି ଆପ୍ ଏହି ଆଦେଶକୁ ପାଳନ ନ କରେ ତେବେ ୟୁପିଆଇ ମାଧ୍ୟମରେ ପେମେଣ୍ଟ କରିପାରିବେ ନାହିଁ। ଆଦେଶ ପାଳନ କରିବାର ଦାୟିତ୍ୱ ଏପ୍ ଉପରେ ନ୍ୟସ୍ତ କରାଯାଇଛି। 

ପୂର୍ବରୁ ମଧ୍ୟ ଜାରି ହୋଇଥିଲା ଆଦେଶ
ଏନପିସିଆଇ ପୂର୍ବରୁ ମଧ୍ୟ ଏହି ପ୍ରୋସେସକୁ ଷ୍ଟାଣ୍ଡାର୍ଡ କରିବା ପାଇଁ ଆଦେଶ ଜାରି କରିଥିଲେ। ଗତବର୍ଷ ମାର୍ଚ୍ଚମାସରେ ଆସିଥିବା ଆଦେଶରେ ଟ୍ରାଞ୍ଜାକ୍ସନ ଆଇଡିକୁ ୩୫ କ୍ୟାରେକ୍ଟରରେ ସୀମିତ ରଖିବାକୁ କୁହାଯାଇଥିଲା। ଏହା ପୂର୍ବରୁ ଟ୍ରାଞ୍ଜାକ୍ସନ ଆଇଡିରେ ୪ରୁ ଆରମ୍ଭ କରି ୩୫ କ୍ୟାରେକ୍ଟର ପର୍ଯ୍ୟନ୍ତ ରହୁଥିଲା। ଏହାକୁ ନଜରରେ ରଖି ୩୫ କ୍ୟାରେକ୍ଟରର ଆଇଡି ଜେନେରେଟ କରିବାକୁ କୁହାଯାଇଥିଲା। 

ଡିଜିଟାଲ ପେମେଣ୍ଟରେ ୟୁପିଆଇର ଭାଗିଦାରୀ ୮୩%
ଦେଶର ମୋଟ ଡିଜିଟାଲ ପେମେଣ୍ଟରେ ୟୁପିଆଇର ଭାଗିଦାରୀ ୫ ବର୍ଷରେ ଦୁଇଗୁଣା ବଢି ୮୩ ପ୍ରତିଶତ ପର୍ଯ୍ୟନ୍ତ ପହଞ୍ଚି ଯଇଛି। ୨୦୧୯ରେ ମୋଟ ପେମେଣ୍ଟରେ ଏହାର ଭାଗିଦାରୀ ୩୪ପ୍ରତିଶତ ଥିଲା। ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)ଙ୍କ ଏକ ରିପୋର୍ଟରୁ ଏହି ସୂଚନା ମିଳିଛି। ଏହାର ବିପରୀତ ଏନଇଏଫଟି, ଆରଟିଜିଏସ୍, ଆଇଏମପିଏସ୍, କ୍ରେଡିଟ ଓ ଡେବିଟ କାର୍ଡ ମାଧ୍ୟମରେ ହେଉଥିବା ଟ୍ରାଞ୍ଜାକ୍ସନ ହ୍ରାସ ହୋଇ ମୋଟ ଡିଜିଟାଲ ପେମେଣ୍ଟର ୧୭ ପ୍ରତିଶତ ହୋଇଯାଇଛି। ୨୦୧୯ରେ ଏହିସବୁ ମାଧ୍ୟମର ଭାଗିଦାରୀ ୬୬ ପ୍ରତିଶତ ଥିଲା।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.