ହେ ଦେବ ଦେବ ଶୁଣ ମୋ ଗୁହାରୀ, ଶାସ୍ୱତ ପ୍ରେମର ସ୍ୱୀକୃତି ପାଇଁ ଦଣ୍ଡ ମାରି ମାରି ଗଲେ ମନ୍ଦିର

ମୁନିଗୁଡ଼ା ୧୬/୦୨: କୁହାଯାଏ ଜାଗର କଲେ ମିଳେ ଭଲ ନାଗର । ଝିଅମାନ ଯଦି ପୂଜା ଉପସନା କରନ୍ତି ଏହି ଦିନ ତେବେ ଶିବଙ୍କ ଭଳ ଜୀବନା ସାଥୀ ଟିଏ ମିଳେ । ଏସବୁ ଆମ ମନର ବିଶ୍ୱାସ । କେଉଁ ଆବାହମାନ କାଳରୁ ବଜାୟ ରହିଛି ଏହି ଅତୁଟ ବିଶ୍ୱାସ । ତେବେ ଆହୁରି ଗୋଟିଏ କଥା ସ୍ପଷ୍ଟ ଯେ ଦେବଦେବଙ୍କୁ ନିଷ୍ଠାର ସହ ପୂଜିଲେ ମନ ଲାଗି ବର ପ୍ରାପ୍ତି ହୁଏ ।

ସେ ପୁଅ ହେୁ ବା ଝିଅ । ଥରେ ଯଦି ଆଶିଷ କୃପା ମିଳିଗଲା ଆଉ କାହାକୁ ଡର । ଖାସ୍ କରି ଅନେକ ପ୍ରେମିକ ପ୍ରେମିକା ବି ନିଜର ପ୍ରେମ ସାର୍ଥକ କରିବାକୁ ମହାଦେବଙ୍କ ଶରଣ ପଶନ୍ତି । ସେଥିପାଇଁ ତ ବର୍ଷକୁ ଥରେ ଜାଗର ଭଳି ବ୍ରତ ଉପବାସ କରିଥାନ୍ତି ସଭିଏଁ ।

ଏମିତି ଜଣେ ପ୍ରେମିକ ପ୍ରବର ଲୋକନାଥ ଡ଼ଙ୍ଗରି । ନା ତାଙ୍କର ଲୋକନାଥ । ମନର ଇଚ୍ଛା ପୂରଣ ଲାଗି ସେ ଡାକିଛନ୍ତି ଲୋକନାଥଙ୍କୁ ବା ରାୟଗଡା ଜିଲ୍ଲା ମୁନିଗୁଡା ବ୍ଲକ ଅମ୍ବାଦଳା କପିଳେଶ୍ୱର ମହାରାଜଙ୍କୁ । ନିଜର ସଚ୍ଚୋଟ ପ୍ରେମ ପାଇଁ ତ୍ରିଲୋକନାଥଙ୍କ ଶରଣରେ ପଶିଛନ୍ତି ଇଚ୍ଛାପୁର ପଂଚାୟତ ଡାଙ୍ଗବାଡ଼ି ଗ୍ରାମର ଗୁରୁଦାସ ଡ଼ଙ୍ଗରିଙ୍କ ପୁଅ ।

ଲୋକନାଥ ନିଜ ପ୍ରେମକୁ ପାଇବା ପାଇଁ ନିଜ ଗାଁ ଡାଙ୍ଗବାଡ଼ି ଠାରୁ ଅମ୍ଳଭଟା ଶିବ ମନ୍ଦିରକୁ ପ୍ରାୟ ୪ କିଲୋମିଟର ଧାରଣାରେ ପଡିପଡି ଆସିଛନ୍ତି । ମନ୍ଦିରରେ ପହଞ୍ଚିବା ପରେ ଶିବଙ୍କୁ ଦର୍ଶନ କରିବା ସହ ଭଗବାନଙ୍କ ନିକଟରେ ମାନସିକ ରଖିଛନ୍ତି । ତେବେ ପୁଅର ଏହି ନିଷ୍ଠା ସମର୍ପଣ ଭାବ ଦେଖି ବାପା-ମାଆ ବି ଆଗେଇ ଆସିଛନ୍ତି ସହଯୋଗ କରିବାକୁ ।

ଶାଶ୍ଵତ ପ୍ରେମକୁ ସାର୍ଥକ କରିବା ପାଇଁ ମନ୍ଦିର ରାସ୍ତାରେ ପୁଅକୁ ସୁରକ୍ଷା ଦେବାକୁ ବସ୍ତ୍ର ପକାଇ ଧାରଣା ପଡିଯିବାରେ ସାହାଯ୍ୟ କରି ସମାଜ ପାଇଁ ଏକ ଉଦାହରଣ ସାଜିଛନ୍ତି ପିତାମାତା । କହିବାକୁ ଗଲେ ଲୋକନାଥ ଉଚ୍ଚ ଶିକ୍ଷିତ, ଚେନାଇର ଏକ କମ୍ପାନୀରେ ଅପରେଟର ଭାବେ କାର୍ଯ୍ୟ କରନ୍ତି । ହେଲେ ପ୍ରେମ ପାଇଁ ସେ ଏବେ ବାବା ଭୋଲେଙ୍କୁ ନ୍ୟାୟ ଭିକ୍ଷା କରିଛନ୍ତି । ତାଙ୍କର ପ୍ରକୃତ ଇଚ୍ଛାଟି କଣ ସେ ପରିପ୍ରକାଶ କରିନାହାଁନ୍ତି କିନ୍ତୁ ଏତିକି କହିଛନ୍ତି ସେ ପ୍ରେମ ପାଇଁ ଏସବୁ ପରୀକ୍ଷା । 

also read..

ନୀରବ ହୃଦୟର ସ୍ପନ୍ଦନ, ଅଢେଇ ଅକ୍ଷର ପ୍ରେମ: ବିଶ୍ୱାସ ଓ ଭରସାର ଅତୁଟ ବନ୍ଧନ