ଭୁବନେଶ୍ବର: ଭିଜିଲାନ୍ସ ଜାଲରେ ଚିତ୍ରକୋଣ୍ଡା ବ୍ଲକର ଆସିଷ୍ଟାଣ୍ଟ ଏକ୍ସିକ୍ୟୁଟିଭ ଇଞ୍ଜିନିୟର ପବିତ୍ର ମୋହନ ପାଣିଗ୍ରାହୀ। କାରରେ ଟଙ୍କା ନେଇ ଯାଉଥିବାବେଳେ ଧରିଲା ଭିଜିଲାନ୍ସ। ତାଙ୍କର ପ୍ରାୟ ୫.୭ ଲକ୍ଷ ଟଙ୍କା ଜବତ ହୋଇଛି।
ତେବେ ଜବତ ଟଙ୍କାର ବାବଦରେ ଭିଜିଲାନ୍ସ ଟିମକୁ ସନ୍ତୋଷ ଜନକ ଉତ୍ତର ଦେଇପାରିନାହାଁନ୍ତି ପବିତ୍ର। ସୂଚନା ଅନୁଯାୟୀ, ଚିତ୍ରକୋଣ୍ଡା ସରକାରୀ ବାସଭବନରୁ ସେ ଏହି ଟଙ୍କା ନେଇ ନିଜ ଓ୍ବାଗନର କାରରେ ଭୁବନେଶ୍ୱର ଆସୁଥିଲେ। ଆଉ ଏହି ସମୟରେ ଗୋବିନ୍ଦା ପାଲୀ ଛକ ନିକଟରେ ତାଙ୍କୁ ଧରିଥିଲା ପୋଲିସ।
ତେବେ ଏହାପରେ ଭିଜିଲାନ୍ସ ଭୁବନେଶ୍ବର ଘର ସମେତ ଦୁଇଟି ଠିକଣାରେ ରେଡ କରୁଛି। ଏପର୍ଯ୍ୟନ୍ତ ଚନ୍ଦ୍ରଶେଖରପୁର ସ୍ଥିତ ନନ୍ଦାଦେବୀ ଆପର୍ଟମେଣ୍ଟରୁ ପ୍ରାୟ ୧୦ ଲକ୍ଷ ଟଙ୍କା ମିଳିଲାଣି। ଏବେବି ରେଡ୍ ଚାଲିଛି।
