ଭୁବନେଶ୍ୱର: ହଁ ଆମ ଭିତରେ କିଛି ଅଛି। ଆଜି ଖୋଲା ଖୋଲି ଭାବେ ସାରା ଦୁନିଆକୁ ଜଣେଇ ଦେଇଛନ୍ତି ସୁପରଷ୍ଟାର ଅନୁଭବ ମହାନ୍ତି। । ବାନ୍ଧବୀ ଜାଗ୍ରତି ଶୁକ୍ଳାଙ୍କୁ ହିନ୍ଦୁ ରିତିନୀତରେ ବିବାହ କରିଛନ୍ତି। ଆଉ ଜାଗ୍ରତି ପିନ୍ଧିଛନ୍ତି ଅନୁଭବଙ୍କ ନାଁର ସିନ୍ଦୂର। ଲୋକେ କହୁଥିବା ଗପକୁ ସେ ସତ କରି ଦେଖାଇଛନ୍ତି। ଉଭୟଙ୍କ ବିବାହ ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀର ଏକ ଜଗନ୍ନାଥ ମନ୍ଦିରରେ ହୋଇଥିବା ଜଣା ଯାଇଛି।
ବିବାହ ପୂର୍ବରୁ ଜାଗ୍ରତି ଓ ଅନିୁଭବଙ୍କ ଫଟୋ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହୋଇଥିଲେ। ଫ୍ୟାନ୍ସ ତ କମେଣ୍ଟ ବର୍ଷା କରିଥିଲେ। କିଏ ଶୁଭେଚ୍ଛା ବାର୍ତ୍ତା ଦେଇଥିଲେ ତ ଆଉ କିଏ ପରିହାସ ବି କରିଥିଲେ। କିନ୍ତୁ ବାଦ ବିବାଦ ଭିତରେ ଦୁହିଁଙ୍କ ବିବାହ ମଙ୍ଗଳବାର ପାରମ୍ପରିକ ନୀତିରେ ସଂପନ୍ନ ହୋଇଛି। ଜାଗ୍ରତିଙ୍କ ହାତ ଧରିଛନ୍ତି ଅନୁଭବ। ନିକଟରେ ହଳଦି ମେହେନ୍ଦୀର ଫଟୋ ବି ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହୋଇଥିଲା।
Also read: ତମନ୍ନା ଚାହୁଁଥିଲେ, ବିଜୟ ଚାହୁଁନଥିଲେ, ସାମ୍ନାକୁ ଆସିଲା ବ୍ରେକ୍ଅପ୍ କାରଣ
ଶୁକ୍ରବାର ରାଜ୍ୟ ବାହାରର ଏକ ସ୍ଥାନରେ ଉଭୟଙ୍କ ନିର୍ବନ୍ଧ ସରିଥିବା ବେଳେ ଉଭୟ ପରସ୍ପରକୁ ମୁଦି ପିନ୍ଧାଇଥିଲେ ଅନୁଭବ ଓ ଜାଗ୍ରତି। ଆସନ୍ତା ୧୧ ତାରିଖରେ ଉଭୟଙ୍କ ବିବାହ ହେବ ବୋଲି ଚର୍ଚ୍ଚା ହେଉଥିଲା, ଯାହା ଆଜି ବାସ୍ତବର ରୂପ ନେଇଛି। ଉଭୟ ପରିବାର ଓ କିଛି ଘନିଷ୍ଠ ବନ୍ଧୁଙ୍କ ଗହଣରେ ବିବାହ କରିଛନ୍ତି। ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ସହ ବିବାହ ବିଛେଦ ପରେ ଜାଗ୍ରତିଙ୍କୁ ଦ୍ଵିତୀୟ ବିବାହ କରି ପୂର୍ବତନ ସାଂସଦ।
ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ବିବାହ ବିଚ୍ଛେଦ ପରେ ଅନୁଭବ ଖୁବଶୀଘ୍ର ଜାଗ୍ରତିଙ୍କୁ ବିବାହ କରିବେ ବୋଲି ଚର୍ଚ୍ଚା ହେଉଥିଲା । ଦୀର୍ଘଦିନ ଧରି ଏନେଇ ଆଲୋଚନା ହେଉଥିବା ବେଳେ ମାର୍ଚ୍ଚ ୮ ତାରିଖରେ ନିର୍ବନ୍ଧ ପରେ ଆଜି ଦୁହଁଙ୍କ ବିବାହ ସଂପନ୍ନ ହୋଇଛି । ଏହା ପୂର୍ବରୁ ଉଭୟଙ୍କ ନିର୍ବନ୍ଧର ଫଟୋ ବିଭିନ୍ନ ସିନେମା ହ୍ୱାଟ୍ସ୍ ଆପ୍ ଗ୍ରୁପ୍ ସହ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା ଏବଂ ପ୍ରଶଂସକ ଓ ଶୁଭେଚ୍ଛୁ ଉଭୟଙ୍କୁ ଶୁଭେଚ୍ଛା ଜଣାଇଥିଲେ।
