ନୂଆଦିଲ୍ଲୀ ୨୫/୦୪: ପାକିସ୍ତାନ-ଭାରତ ଯୁଦ୍ଧ ଆଶଙ୍କା ଭିତରେ କଠୋର ହୋଇଛନ୍ତି ଭାରତ ସରକାର । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଏକ ବଡ଼ ପଦକ୍ଷେପ ନେଇଛନ୍ତି । ପ୍ରତି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି ଗୃହମନ୍ତ୍ରୀ । ଏହି କ୍ରମରେ ମୁଖ୍ୟମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି କି, ନିଜ ନିଜ ରାଜ୍ୟରେ ରହୁଥିବା ପାକିସ୍ତାନୀମାନଙ୍କ ଭିସା ରଦ୍ଦ କରି ସେମାନଙ୍କୁ ତୁରନ୍ତ ରାଜ୍ୟରୁ ବାହାର କରିବାକୁ ନିର୍ଦ୍ଦେଶ ଦେଇଛନ୍ତି । ସବୁଠାରୁ ବଡ଼ କଥା ହେଉଛି ଗୃହମନ୍ତ୍ରୀ କହିଛନ୍ତି, ପାକିସ୍ତାନ ନାଗରିକ ଯେକୌଣସି ପ୍ରକାର ଭିସା ନେଇ ଭାରତ ଆସିଥିଲେ ବି ତୁରନ୍ତ ଭିସା ରଦ୍ଦ କରି ସେମାନଙ୍କୁ ଭାରତର ବିଦା କରାଯିବ । 

also read...

ପହଲଗାମ୍ ହମ୍‌ଲା ପରେ ଆକ୍ସନରେ ଭାରତ ସରକାର, ଉତ୍ତରପ୍ରଦେଶରୁ ପାକିସ୍ତାନ ଯିବେ ୧୮ଶହ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବୁଧବାର ଅନୁଷ୍ଠିତ ହୋଇଥିଲା ସୁରକ୍ଷା କ୍ୟାବିନେଟ କମିଟି ବୈଠକ । ବୈଠକରେ ପାକିସ୍ତାନକୁ ଉଚିତ୍ ଜବାବ୍ ଦେବାକୁ ନିଷ୍ପତ୍ତି ହୋଇଥିଲା । ଭାରତ ଓ ପାକିସ୍ତାନ ମଧ୍ୟରେ ୧୯୬୦ ମସିହାରୁ ସିନ୍ଧୁ ଜଳ ଚୁକ୍ତି ବଳବତ୍ତର ଅଛି । ସିନ୍ଧୁ ନଦୀକୁ ପାକିସ୍ତାନର ଜୀବନରେଖା ବୋଲି ବିବେଚନା କରାଯାଏ । ୨୧ କୋଟିରୁ ଅଧିକ ଜନସଂଖ୍ୟା ସେମାନଙ୍କର ଜଳ ଆବଶ୍ୟକତା ପୂରଣ କରିବା ପାଇଁ ସିନ୍ଧୁ ଏବଂ ଏହାର ଚାରୋଟି ଶାଖା ନଦୀ ଉପରେ ନିର୍ଭର କରନ୍ତି । 

ଏହା ବ୍ୟତୀତ ଅଟାରୀ ସୀମାକୁ ବନ୍ଦ କରିବା ପାଇଁ ମଧ୍ୟ ନିଷ୍ପତ୍ତି ନିଆଯାଇଛି । ଭାରତ ଆସିଥିବା ପାକିସ୍ତାନୀ ନାଗରିକମାନଙ୍କୁ ଏହି ରାସ୍ତା ଦେଇ ଫେରିବା ପାଇଁ ମେ ୧ ପର୍ଯ୍ୟନ୍ତ ସମୟ ଦିଆଯାଇଛି। ଭାରତରେ ଥିବା ପାକିସ୍ତାନୀ ହାଇକମିଶନରେ ନିଯୁକ୍ତ ପାକିସ୍ତାନୀ ପ୍ରତିରକ୍ଷା ପରାମର୍ଶଦାତାମାନଙ୍କୁ ଦେଶ ଛାଡିବା ପାଇଁ ଗୋଟିଏ ସପ୍ତାହ ସମୟ ଦିଆଯାଇଥିଲା। ଏହା ସହିତ, ଉଭୟ ହାଇକମିଶନରେ ନିଯୁକ୍ତ କର୍ମଚାରୀଙ୍କ ସଂଖ୍ୟା ୫୦ ରୁ ୩୦ କୁ ହ୍ରାସ କରାଯାଇଛି ।