ନୂଆଦିଲ୍ଲୀ ୦୨।୦୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଶନିବାର କରିଛନ୍ତି ଏକ ବଡ ଘୋଷଣା । ସୋମାଲିଆରେ ଆମେରିକୀୟ ସେନା ISIS ଠିକଣା ଉପରେ ଆକାଶମାର୍ଗରୁ କରିଛନ୍ତି ଟାର୍ଗେଟ । ଏଥିରେ ଅନେକ ଆତଙ୍କବାଦୀ ନିହତ ହୋଇଛନ୍ତି ଏବଂ ତାଙ୍କ ସହିତ ନିହତଙ୍କ ମଧ୍ୟରେ ଜଣେ ବରିଷ୍ଠ ISIS ଯୋଜନାକାରୀଙ୍କର ହୋଇଛି ମୃତ୍ୟୁ ।
ଟ୍ରମ୍ପ ସୋଶିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରି କହିଛନ୍ତି, ଆଜି ସକାଳେ ମୁଁ ISISର ସିନିୟର୍ ଆକ୍ରମଣକାରୀ ଏବଂ ସେମାନଙ୍କ ଦ୍ବାରା ନିଯୁକ୍ତି ଦିଆଯାଇଥିବା ଆତଙ୍କବାଦୀଙ୍କ ଉପରେ ଏକ ସଠିକ ସାମରିକ ଏୟାର ଷ୍ଟ୍ରାଇକ୍ର ଆଦେଶ ଦେଇଥିଲି । ଏହି ଆତଙ୍କବାଦୀ ଗୁମ୍ଫାରେ ଲୁଚି ରହିଥିଲେ, କିନ୍ତୁ ଆମେ ସେମାନଙ୍କୁ ସଠିକ୍ ଭାବରେ ଆକ୍ରମଣ କରିଥିଲୁ । ଟ୍ରମ୍ପ କହିଥିଲେ ଯେ ଏମାନେ ଆମେରିକା ଏବଂ ଆମର ସହଯୋଗୀମାନଙ୍କ ପାଇଁ ବିପଦ ।
ଆମେରିକା ରାଷ୍ଟ୍ରପତି କହିଛନ୍ତି କି ଆମ ସେନା ISIS ଆକ୍ରମଣ ଯୋଜନା କରୁଥିବା ଆତଙ୍କୀଙ୍କୁ ଅନେକ ବର୍ଷରୁ ଟାର୍ଗେଟ୍ କରୁଥିଲେ । କିନ୍ତୁ ବାଇଡେନ୍ ଏବଂ ତାଙ୍କ ସାଥି ଏହି କାମ କରିବାକୁ ଶୀଘ୍ର ଆକ୍ସନ୍ ନେଉନଥିଲେ । କିନ୍ତୁ ମୁଁ ଏହାକୁ କରି ଦେଖାଇଛି । ISIS ଏବଂ ଆମେରିକୀୟଙ୍କ ଉପରେ ଆକ୍ରମଣ କରୁଥିବା ଅନ୍ୟ ସମସ୍ତଙ୍କ ପାଇଁ ଏହି ସନ୍ଦେଶ ଯେ ଆମେ ତୁମକୁ ଖୋଜିବୁ ଏବଂ ମାରିଦେବୁ । ପଦକୁ ଫେରିବା ପରେ ଆମେରିକା ସେନା ଦ୍ବାରା କରଯାଇଥିବା ଏହା ପ୍ରଥମ ସୈନ୍ୟ ଆଟାକ୍ ରହିଥିଲା ।
ବାସ୍ତବରେ ଆଫ୍ରିକୀୟ ଦେଶରେ ଅନେକ ଆକ୍ରମଣ ପାଇଁ ISIS-ସୋମାଲିଆ ଦାୟୀ ରହିଛି । ଅନ୍ତରାଷ୍ଟ୍ରୀୟ ଗୋଷ୍ଠୀ ଅନୁଯାୟୀ ସୋମାଲିଆରେ ISIS ଆତଙ୍କବାଦୀଙ୍କ ସଂଖ୍ୟା ଶହ ଶହ ହେବ ବୋଲି ଆକଳନ କରାଯାଇଛି । ଯେଉଁମାନେ ମୁଖ୍ୟତଃ ପୁଂଟଲ୍ୟାଣ୍ଡର ବାରି ଅଞ୍ଚଳର କାଲ ମିସ୍କଟ ପର୍ବତମାଳାରେ ରହିଛନ୍ତି।