ଅକ୍ଟୋବରରେ କମିଛି ଆମିଷ ଓ ନିରାମିଷ ଥାଳିର ଦାମ: ଚିକେନ, ଆଳୁ ଓ ପିଆଜ ଦର ହ୍ରାସର ପ୍ରଭାବ

ନୂଆଦିଲ୍ଲୀ: ଭାରତରେ ଘରୋଇ ନିରାମିଷ ଥାଳିର ମୂଲ୍ୟ ବାର୍ଷିକ ହାରରେ ଧରି ୧୭% ହ୍ରାସ ପାଇ ୨୭.୮ ଟଙ୍କା ହୋଇଛି। ଗତବର୍ଷ ଅକ୍ଟୋବରରେ ନିରାମିଷ ଥାଳିର ଦାମ ୩୩.୩ ଟଙ୍କା ଥିଲା।  କ୍ୟାପିଟାଲ ମାର୍କେଟ୍ କମ୍ପାନୀ କ୍ରିସିଲ୍ ଏହାର ମାସିକ ଫୁଡ୍ ପ୍ଲେଟ୍ ମୂଲ୍ୟର ମାସିକ ସୂଚକାଂକରେ ଏହି ସୂଚନା ଦେଇଛି। କ୍ରିସିଲ୍ ଏହାର ରାଇସ, ରୋଟି ରେଟ୍ (RRR) ରିପୋର୍ଟରେ ରିପୋର୍ଟ କହିଛି ଯେ ସେପ୍ଟେମ୍ବର ତୁଳନାରେ ଅକ୍ଟୋବରରେ ନିରାମିଷ ଥାଳିର ମୂଲ୍ୟ ୩% ହ୍ରାସ ପାଇଛି। ସେପ୍ଟେମ୍ବରରେ, ନିରାମିଷ ଥାଳିର ମୂଲ୍ୟ ₹୫୬ ଟଙ୍କା ଥିଲା।

ସେହିପରି ବାର୍ଷିକ ହାରରେ ଦେଖିଲେ ୨୦୨୪ ଅକ୍ଟୋବର ତୁଳନାରେ ୨୦୨୫ ଅକ୍ଟୋବରରେ ଘରୋଇ ଆମିଷ ଥାଳିର ଦାମରେ ୧୨ ପ୍ରତିଶତ ହ୍ରାସ ହୋଇ ୫୪.୪ ଟଙ୍କା ହୋଇଛି। ଗତବର୍ଷ ଏହା ୬୧.୬ ପ୍ରତିଶତ ଥିଲା।  

କ୍ରିସିଲ୍ ରିପୋର୍ଟ ଅନୁଯାୟୀ, ଆଳୁ, ପିଆଜ, ଟମାଟୋ ଏବଂ ଡାଲିର ମୂଲ୍ୟ ହ୍ରାସ ପାଇବା ଯୋଗୁ ନିରାମିଷ ଥାଳିର ମୂଲ୍ୟ ହ୍ରାସ ପାଇଛି। ଟମାଟୋର ମୂଲ୍ୟ ୪୦%, ପିଆଜ ୫୧% ଏବଂ ଆଳୁର ମୂଲ୍ୟ ୩୧% ହ୍ରାସ ପାଇଛି। ଡାଲିର ମୂଲ୍ୟ ମଧ୍ୟ ୧୭% କମିଛି।

ଯାହା ଫଳରେ ଉଭୟ ଆମିଷ ଓ ନିରାମିଷ ଥାଳିର ମୂଲ୍ୟ ହ୍ରାସ କରିବାରେ ସହାୟ ହୋଇଛି। ନିରାମିଷ ଥାଳିର ମୂଲ୍ୟରେ ଆଳୁ ଏବଂ ଟମାଟୋର ୨୪% ଭାଗ ରହିଥାଏ।

ସେହିପରି ଆମିଷ କଥା ଯଦି ଦେଖିବା, ଚିକେନ ଦର ବାର୍ଷିକ ଆଧାରରେ ୬% କମିବା ଦ୍ୱାରା ଆମିଷ ଥାଳିର ଦାମ କମୁଛି। ନିରାମିଷ ଥାଳିରେ ଖର୍ଚ୍ଚରେ ଚିକେନ ଭାଗ କେବଳ ୫୦% ରହିଥାଏ। ତେଣୁ ଚିକେନ ଦର କାମିଲେ ଥାଳି ଦାମ କରିବା ସ୍ୱାଭାଭିକ। ତେବେ ବଡ଼ କଥା ହେଲା ବାର୍ଷିକ ଆଧାରରେ, ଭେଜିଟେବଲ ଅଏଲର ମୂଲ୍ୟ ୧୧% ଏବଂ ଏଲପିଜି ସିଲିଣ୍ଡରର ମୂଲ୍ୟ ୬% ବୃଦ୍ଧି ପାଇଛି। ନଚେତ୍ ଉଭୟ ପ୍ଲେଟ୍ ଆହୁରି ଶସ୍ତା ହୋଇପାରିଥାନ୍ତା।

ସୂଚନା ଥାଉକି ଘରେ ତିଆରି ହେଉଥିବା ଖାଦ୍ୟର ଖର୍ଚ୍ଚକୁ ଆଧାର କରି ଉଭୟ ଥାଳିର ଦର ନିର୍ଣ୍ଣୟ କରାଯାଇଛି। ଏହା ବଜାରରେ ମିଳୁଥିବା ରିଟେଲ୍ ତଥ୍ୟ ନୁହେ। କାରଣ ବଜାରର ମୂଲ୍ୟ ଏହାଠାରୁ ଅଧିକ ରହିଛି।