ଆଲିଆ-ଦୀପିକା-ଐଶ୍ୱର୍ଯ୍ୟା ନୁହଁନ୍ତି..; ବଲିଉଡ୍‌ର ଏହି ଅଭିନେତ୍ରୀ ହେଉଛନ୍ତି ସବୁଠୁ ଧନୀ

ମୁମ୍ଵାଇ ୧୫।୦୨: ବଲିଉଡ୍‌ରେ ଶ୍ରେଷ୍ଠ ଅଭିନେତ୍ରୀଙ୍କ ଲିଷ୍ଟରେ ଆଲିଆ ଭଟ୍ଟ, ଦୀପିକା ପାଦୁକୋନ ଏବଂ ଐଶ୍ୱର୍ଯ୍ୟା ରାୟଙ୍କ ନାଁ ଟପ୍‌ରେ ରହିଛି। ଏହି ଅଭିନେତ୍ରୀମାନେ ସେମାନଙ୍କ ଚମତ୍କାର ଅଭିନୟ ପାଇଁ ଲୋକଙ୍କ ହୃଦୟରେ ରାଜ କରନ୍ତି। ହେଲେ ଏହି ସୁନ୍ଦରୀମାନେ ଏପର୍ଯ୍ୟନ୍ତ ନିଜ କ୍ୟାରିଅରରେ ଅନେକ ବ୍ଲକବଷ୍ଟର ଫିଲ୍ମରେ କାମ କରିଛନ୍ତି, କିନ୍ତୁ ସେମାନେ ବଲିଉଡର ସବୁଠାରୁ ଧନୀ ଅଭିନେତ୍ରୀ ନୁହଁନ୍ତି। ଯଦି ଏମାନେ ନୁହଁନ୍ତି ତେବେ କିଏ ବଲିଉଡ୍‌ର ସବୁଠୁ ଧନୀ ଅଭିନେତ୍ରୀ। ଆସନ୍ତୁ ଜାଣିବା ସେ ବିଷୟରେ…

ଐଶ୍ୱର୍ଯ୍ୟା ରାୟଙ୍କ : ଐଶ୍ୱର୍ଯ୍ୟା ରାୟ ୧୯୭୩ ମସିହାରେ ମିସ୍ ୱାର୍ଲ୍ଡ ଟାଇଟଲ୍ ଜିତିବା ପରେ ତାଙ୍କର ଅଭିନୟ କ୍ୟାରିଅର୍ ଆରମ୍ଭ କରିଥିଲେ। ଦୁଇ ଦଶନ୍ଧିରୁ ଅଧିକ ସମୟ ଧରି ଚାଲିଥିବା ତାଙ୍କ କ୍ୟାରିଅର୍ ମଧ୍ୟରେ, ସେ ଅନେକ ସୁପରହିଟ୍ ଫିଲ୍ମରେ ଅଭିନୟ କରିଛନ୍ତି। ଐଶ୍ୱର୍ଯ୍ୟା ତାଙ୍କ ଚଳଚ୍ଚିତ୍ର ମାଧ୍ୟମରେ କେବଳ ନାମ ଏବଂ ଖ୍ୟାତି ଅର୍ଜନ କରିନାହାଁନ୍ତି, ବରଂ ଅନେକ ସମ୍ପତ୍ତି ମଧ୍ୟ ଅର୍ଜନ କରିଛନ୍ତି। ଟାଇମ୍ସ ଅଫ୍ ଇଣ୍ଡିଆ ଅନୁଯାୟୀ, ଐଶ୍ୱର୍ଯ୍ୟା ରାୟଙ୍କ ମୋଟ ସମ୍ପତ୍ତି ୯୦୦ କୋଟି କୋଟି ବୋଲି ଆକଳନ କରାଯାଇଛି।

ଦୀପିକା ପାଦୁକୋନ: ଦୀପିକା ପାଦୁକୋନ ୨୦୦୭ ମସିହାରେ ଶାହରୁଖ ଖାନଙ୍କ ଫିଲ୍ମ ଓମ୍ ଶାନ୍ତି ଓମ୍ ସହିତ ବଲିଉଡରେ ଡେବ୍ୟୁ କରିଥିଲେ। ଏହାପରେ ସେ ଆଉ ପଛକୁ ଚାହିଁନଥିଲେ। ବର୍ଷ ବର୍ଷ ଧରି ଇଣ୍ଡଷ୍ଟ୍ରିରେ କାମ କରୁଥିବା ଦୀପିକା ତାଙ୍କ କଠିନ ପରିଶ୍ରମ ମାଧ୍ୟମରେ କୋଟି କୋଟି ଟଙ୍କାର ଏକ ସାମ୍ରାଜ୍ୟ ଗଢ଼ି ତୋଳିଛନ୍ତି। ଟାଇମ୍ସ ଅଫ୍ ଇଣ୍ଡିଆ ଅନୁଯାୟୀ, ଦୀପିକାଙ୍କ ସମ୍ପତ୍ତି ୫୦୦ କୋଟି।

ଆଲିଆ ଭଟ୍ଟ : ଆଲିଆ ଭଟ୍ଟ "ଷ୍ଟୁଡେଣ୍ଟ ଅଫ୍ ଦି ଇୟର" ସହିତ ତାଙ୍କର କ୍ୟାରିଅର୍ ଆରମ୍ଭ କରିଥିଲେ, ଏହି ଫିଲ୍ମ ତାଙ୍କୁ ରାତାରାତି ଷ୍ଟାର କରିଥିଲା। ଏହା ପରେ, ଅଭିନେତ୍ରୀ "ହାଇୱେ", "ଉଡତା ପଞ୍ଜାବ", "ଡିୟର ଜିନ୍ଦେଗୀ" ଏବଂ "ଗଙ୍ଗୁବାଇ କାଠିଆଡି" ଭଳି ବ୍ଲକବଷ୍ଟରରେ ଅଭିନୟ କରିଥିଲେ।ତାଙ୍କର ଚମତ୍କାର ଅଭିନୟ ଯୋଗୁଁ ସେ ବଲିଉଡର ଶ୍ରେଷ୍ଠ ଦରମା ପାଉଥିବା ଅଭିନେତ୍ରୀମାନଙ୍କ ମଧ୍ୟରୁ ଜଣେ ହୋଇଗଲେ। ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ, ଆଲିଆଙ୍କ ସମ୍ପତ୍ତି ୫୧୭ କୋଟି ଟଙ୍କା।

ତେବେ ବଲିଉଡ୍ର ସବୁଠୁ ଧନୀ ଅଭିନେତ୍ରୀ ହେଉଛନ୍ତି ଜୁହି ଚାୱଲା। ୯୦ ଦଶକର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜଣେ ଜୁହି ଚାୱଲା ଅନେକ ଦିନ ଧରି ବଡ଼ ପରଦାରୁ ଦୂରରେ ଅଛନ୍ତି। ଫିଲ୍ମ ବ୍ୟତୀତ, ଜୁହି ବ୍ୟବସାୟ, ରିଅଲ୍ ଇଷ୍ଟେଟ୍ ଏବଂ ନିବେଶ ଆଧାରରେ କୋଟି କୋଟି ଟଙ୍କାର ଏକ ସାମ୍ରାଜ୍ୟ ଗଢ଼ିଛନ୍ତି।

ଟାଇମ୍ସ ଅଫ୍ ଇଣ୍ଡିଆ ଅନୁଯାୟୀ, ଜୁହିଙ୍କ ସମ୍ପତ୍ତି ୭,୭୯୦ କୋଟି ଟଙ୍କା ବୋଲି ଆକଳନ କରାଯାଇଛି। ହୁରୁନ୍ ଇଣ୍ଡିଆ ଧନୀ ତାଲିକା ୨୦୨୫ ଅନୁଯାୟୀ, ଅଭିନେତ୍ରୀ ଏବଂ ତାଙ୍କ ପରିବାରର ସମ୍ପତ୍ତି ଗତ ବର୍ଷ ୬୯% ବୃଦ୍ଧି ପାଇଛି, ଯାହା ତାଙ୍କୁ ବଲିଉଡର ସବୁଠାରୁ ଧନୀ ଅଭିନେତ୍ରୀ କରିଛି। ଜୁହି ଚାୱଲା 'କୋଲକାତା ନାଇଟ୍ ରାଇଡର୍ସ'ରେ ତାଙ୍କର ଅଂଶଧନ ଯୋଗୁଁ ବହୁତ ରୋଜଗାର କରନ୍ତି।ସେ ତାଙ୍କ ସ୍ୱାମୀ ଜୟ ମେହେଟାଙ୍କ ବ୍ୟବସାୟରୁ ଜଣେ ରିଅଲ୍ ଇଷ୍ଟେଟ୍ ନିବେଶକ ଭାବରେ ମଧ୍ୟ ଯଥେଷ୍ଟ ଆୟ କରନ୍ତି। ଜୁହି ରେଡ୍ ଚିଲିଜ୍ ଏଣ୍ଟରଟେନମେଣ୍ଟର ସହ-ମାଲିକ ମଧ୍ୟ। କେବଳ ଏତିକି ନୁହେଁ, ଜୁହି ଚାୱଲାଙ୍କର ମୁମ୍ବାଇରେ ଦୁଇଟି ରେଷ୍ଟୁରାଣ୍ଟ ମଧ୍ୟ ଅଛି ଯେଉଁଠାରୁ ସେ ପ୍ରଚୁର ଟଙ୍କା ରୋଜଗାର କରନ୍ତି।

ଅଧିକ ପଢନ୍ତୁ-କେତେ ଧନୀ ଇଶାନ କିଷନଙ୍କ ଗର୍ଲଫ୍ରେଣ୍ଡ ? ଜାଣନ୍ତୁ ଅଦିତିଙ୍କ ନେଟ୍‌ୱର୍ଥ...