ଦିୱାଲୀରେ ସିନେମାଘରକୁ ଆସିବ ‘ସିଂଘମ୍‌ ଏଗେନ୍‌’, ଅଜୟଙ୍କ ସହ ଧମାଲ କରିବେ ଅନେକ ଷ୍ଟାରକାଷ୍ଟ

Published By : Prameya-News7 Bureau | June 15, 2024 IST

ନୂଆଦିଲ୍ଲୀ ୧୫/୦୬: ଦିୱାଲୀରେ ସିନେମାଘରକୁ ଆସିବ ସିଂଘମ୍‌  ଫ୍ରାଞ୍ଚାଇଜିର ୩ୟ ଫିଲ୍ମ ‘ସିଂଘମ୍‌ ଏଗେନ୍‌’ ।  ଫିଲ୍ମ ନିର୍ମାତା ରୋହିତ ଶେଟ୍ଟୀ ଏହା ଘୋଷଣା  କରିଛନ୍ତି । ଏହି ଦିନ ଫିଲ୍ମ ‘ଭୁଲ୍‌ ଭୁଲୈୟା’ ମଧ୍ୟ  ରିଲିଜ୍‌ ହେବ । ତେଣୁ ଉଭୟଙ୍କ ମଧ୍ୟରେ କଡ଼ା  ଟକ୍କର ଦେଖିବାକୁ ମିଳିବ । 

‘ସିଂଘମ୍‌ ଏଗେନ୍‌’ରେ  ରୋହିତ ଶେଟ୍ଟୀଙ୍କ କପ୍‌ ୟୁନିଭର୍ସର ୩ ହିରୋ  ଅକ୍ଷୟ କୁମାର, ଅଜୟ ଦେବଗନ ଓ ରଣବୀର  ସିଂହ ଏକାଠି ନଜର ଆସିବେ । ଏଥିରେ କରୀନା  କପୁର ଓ ଦୀପିକା ପାଦୁକୋନ ମଧ୍ୟ ନଜର  ଆସିବେ । ଭିଲେନ ଭୂମିକାରେ ନଜର ଆସିବେ  ଅର୍ଜୁନ କପୁର । 

ଫିଲ୍ମର ନିର୍ଦ୍ଦେଶକ ରୋହିତ ଶେଟ୍ଟୀ ସୋସିଆଲ ମିଡିଆରେ ଏକ ପୋଷ୍ଟ୍‌ ଶେୟାର କରି  ଫିଲ୍ମ ରିଲିଜ୍‌ ବିଷୟରେ ସୂଚନା ଦେଇଛନ୍ତି । ପୋଷ୍ଟ୍‌ ସହିତ ସେ ଲେଖିଛନ୍ତି ‘ସିଂହ ଆତଙ୍କ ଖେଳାଏ, ଆହତ  ସିଂହ ଧ୍ୱଂସ କରେ । ଏଇ ଦିୱାଲୀରେ ପୁଣି ଥରେ ସିନେମାଘରେ ଭେଟ ।’ ଫିଲ୍ମର ଅଳ୍ପ କିଛି ଅଂଶର ସୁଟିଂ  ବାକି ଅଛି । ଏହା ପୂର୍ବରୁ ଫିଲ୍ମର ରିଲିଜ୍‌ ତାରିଖ ଥିଲା ଅଗଷ୍ଟ ୧୫ । ‘ପୁଷ୍ପା-୨’ ଅଗଷ୍ଟ ୧୫ରେ ମୁକ୍ତିଲାଭ  କରୁଥିବାରୁ ନିର୍ମାତା ‘ସିଂଘମ୍‌ ଏଗେନ୍‌’ର ରିଲିଜ୍‌ ତାରିଖ ଘୁଞ୍ଚାଇଛନ୍ତି ବୋଲି ଚର୍ଚ୍ଚା ହେଉଛି । 

ଅନ୍ୟପକ୍ଷେ,  ‘ଭୁଲ୍‌ ଭୁଲୈୟା-୩’ରେ କାର୍ତ୍ତିକ ଆର‌୍ୟନ ଓ ତୃପ୍ତି ଡିମରୀ ମୁଖ୍ୟ ଭୂମିକାରେ ଅଛନ୍ତି । ମଞ୍ଜୁଲିକା ଚରିତ୍ରରେ ନଜର ଆସିବେ ବିଦ୍ୟା ବାଲନ । ଏହି ଫ୍ରାଞ୍ଚାଇଜିର ଦୁଇଟିଯାକ ଫିଲ୍ମ ହିଟ୍‌ ହୋଇଛି । ୩ୟ ସଂସ୍କରଣକୁ  ନେଇ ନିର୍ମାତା ଖୁବ୍‌ ଆଶାବାଦୀ ଅଛନ୍ତି । ଦର୍ଶକ ମଧ୍ୟ ଏହାକୁ ନେଇ ଉତ୍ସାହିତ ଅଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.