ଅଲ-ଫଲାହ ୟୁନିଭର୍ସିଟିର ଗୁମର ଫିଟୁଛି, ଆତଙ୍କୀ ଲିଙ୍କ୍‌ରେ ବିଦା ହୋଇଥିଲେ ଜଣେ ପ୍ରଫେସର

ନୂଆଦିଲ୍ଲୀ ୧୩/୧୧: ଦିଲ୍ଲୀ ବିସ୍ପୋରଣ ସହ ଜଡ଼ିତ ପରିଦାବାଦର ଅଲ-ଫଲାହ ୟୁନିଭର୍ସିଟିର ଗୁମର ପିଟିବାରେ ଲାଗିଛି । ଏହା ଯେ ଆତଙ୍କବାଦୀଙ୍କ କାରଖାନା ଥିଲା, ତାହା ଧୀରେ ଧୀରେ ସ୍ପଷ୍ଟ ହେଉଛି । ଲାଲକିଲ୍ଲା ନିକଟରେ ହୋଇଥିବା ବିସ୍ଫୋରଣ ମାମଲାରେ ବିଶ୍ବବିଦ୍ୟାଳୟର ୩ ଜଣ ଗିରଫ କରାଗଲାଣି। ଆଉ ଏବେ ଜଣେ ଆତଙ୍କୀଙ୍କ ସହ ପ୍ରଫେସରଙ୍କ ସମର୍କ ପଦାକୁ ଆସିଛି ।

ଆତଙ୍କୀଙ୍କ ସହ ସମ୍ପର୍କକୁ ନେଇ ୨୦୧୩ରେ ଜମ୍ମୁ-କାଶ୍ମୀର ପ୍ରଶାସନ ଦ୍ବାରା ଏହି ପ୍ରଫେସରଙ୍କୁ ବହିଷ୍କାର କରାଯାଇଥିଲା । ଏବେ ଆଉ ଜଣେ ପ୍ରଫେସର ସହ ଆତଙ୍କୀଙ୍କ ସମ୍ପର୍କ ପଦାକୁ ଆସିଛି । ଆତଙ୍କବାଦୀଙ୍କ ସହ ସମ୍ପର୍କକୁ ନେଇ ୨୦୧୩ରେ ଜମ୍ମୁ-କାଶ୍ମୀର ପ୍ରଶାସନ ଦ୍ୱାରା ଏହି ପ୍ରଫେସରକୁ ବହିଷ୍କାର କରାଯାଇଥିଲା । ତା’ର ନାମ ଡା. ନିସାର-ଉଲ୍ ହସନ । ସେତେବେଳେ ସେ ଶ୍ରୀନଗରସ୍ଥିତ ଶ୍ରୀ ମହାରାଜା ହରି ସିଂହ (ଏସ୍ଏମ୍ଏଚ୍ଏସ୍)ରେ ଜଣେ ସହକାରୀ ପ୍ରଫେସର ଭାବେ କାର୍ଯ୍ୟରତ ଥିଲା ।

ଏହି ସମୟରେ ବି ସେ ବିଭିନ୍ନ ଦେଶବିରୋଧୀ କାର୍ଯ୍ୟକଳାପରେ ଲିପ୍ତ ରହିଥିଲା । ଦିଲ୍ଲୀ ବିସ୍ଫୋରଣ ଘଟଣା ପରେ ପ୍ରଫେସର ନିସାର ଫେରାର ହୋଇଯାଇଛି । ତାକୁ ଗିରଫ ପାଇଁ ହରିୟାଣା ପୁଲିସ ବିଭିନ୍ନ ସ୍ଥାନରେ ଚଢ଼ଉ କରୁଛି । ସେ କେଉଁଠାରେ ଆତ୍ମଗୋପନ କରିଛି, ତାହା ଜାଣିବା ଲାଗି ପୋଲିସ ଅଲ-ଫଲାହ ୟୁନିଭର୍ସି ନିଭିନ୍ନ କର୍ମଚାରୀଙ୍କୁ ପଚରାଉଚରା କରୁଛି।