News7 Logo

କାରରେ ଯାଉଥିଲେ ସମାଜବାଦୀ ପାର୍ଟିର ନେତା, ହଠାତ ଖସିପଡିଲା ୧୦୦୦ କେଜିର ହୋର୍ଡିଂ, ତା'ପରେ....

Published By: Prameya-News Bureau - Prameya-News Bureau | February 16, 2026 10:33 AM
NEWS7
a-young-woman-came-to-odisha-for-justice-a-married-man-had-a-14-year-relationship-with-a-promise-of-marriage

ଲକ୍ଷ୍ନୌ, ୧୬/୦୨ : ଭୟଙ୍କର ଦୁର୍ଘଟଣା । ଥରାଇଦେଲା ଛାତି । ଜୀବନ ହାରିଲେ ସମାଜବାଦୀ ପାର୍ଟିର ନେତା । ଉତ୍ତର ପ୍ରଦେଶର ପ୍ରତାପଗଡରେ ହୋଇଥିବା ଏକ ମର୍ମନ୍ତୁଦ ସଡକ ଦୁର୍ଘଟଣାରେ ସମାଜବାଦୀ ପାର୍ଟିର ଜଣେ ବରିଷ୍ଠ ନେତା ପ୍ରାଣ ହରାଇଛନ୍ତି ।

ରିପୋର୍ଟ ଅନୁସାରେ, ସମାଜବାଦୀ ପାର୍ଟିର ନେତା ଲାଲ ବାହାଦୁର ଯାଦବ ନିଜ କାରରେ ଏକ ଦଳୀୟ କାର୍ଯ୍ୟକ୍ରମରେ ଯୋଗଦାନ ପାଇଁ ଯାଉଥିଲେ । କିନ୍ତୁ ରାସ୍ତାରେ ଏକ ପେଟ୍ରୋଲ ପମ୍ପ୍ ର ହୋର୍ଡିଂ ତାଙ୍କ କାର୍ ଉପରେ ପଡିଯାଇଥିଲା । ଫଳରେ ତାଙ୍କର ମୃତ୍ୟୁ ହୋଇଯାଇଛି । ତେବେ ଲାଲ ବାହାଦୁରଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

କୁହାଯାଉଛି ଯେ, ରବିବାର ଦ୍ୱିପହରରେ ସେ ନିକ କାରରେ ଘରୁ ବାହାରିଥିଲେ । ପ୍ରତମେ ସେ ବଜାର ଯାଇଥିଲେ । ତାପରେ ଏକ ଦଳୀୟ କାର୍ଯ୍ୟକ୍ରମରେ ସାମିଲ ହେବାକୁ ସେ ବାହାରିଥିଲେ । କିନ୍ତୁ ବିଧିର ବିଧାନ ଅଲଗା ଥିଲା । ରାସ୍ତାରେ ତାଙ୍କ କାର୍ ଉପରେ ଏକ ବିରାଟ ହୋର୍ଡିଂ ପଡି ଯାଇଥିଲା । ଯାହାର ଓଜନ ହଜାର କେଜି ପାଖାପାଖି ହେବ । ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ହିଁ ଜୀବନ ଚାଲିଯାଇଥିଲା । ତେବେ ଏସମସ୍ତ ଘଟଣା ସିସିଟିଭିରେ କଏଦ ହୋଇଛି । ପୋଲିସ ଏବଂ ପ୍ରଶାସନ ଘଟଣାର ତଦନ୍ତ ଆରମ୍ଭ କରିଛି ।

ଏହି ଖବରଟି ପଢନ୍ତୁ...  '୬ ମାସ ହେଲା ଭଲ ଖେଳୁଥିଲୁ, କିନ୍ତୁ ଭାରତ ବିପକ୍ଷରେ କିଛି କାମ ଦେଲାନି' : ହାରିଲା ପରେ ମୁହଁ ଶୁଖାଇ କହିଲେ ସଲମାନ୍

ଲାଲ ବାହାଦୁରଙ୍କ ଘର ହେଉଛି ବାବୁଗଞ୍ଜର କସବାରେ । ସେ ୨୦୨୨ରେ ନଗର ନିଗମ ନିର୍ବାଚନ ଲଢିଥିଲେ । ଆହୁରି ମଧ୍ୟ ପୂର୍ତ୍ତ ବିଭାଗରେ ଠିକାଦାର ଭାବେ ଅନେକ ପ୍ରକଳ୍ପ କାମ କରିଛନ୍ତି । ତାଙ୍କର ଏକ ମଦ ଦୋକାନ ବି ରହିଛି । ଦୁର୍ଘଟଣା ସମୟରେ ସେ ନିଜେ କାର୍ ଚଳାଉଥିବା ପୋଲିସ କହିଛି ।