ପାକିସ୍ତାନ ବୟକଟ ବିବାଦ ଭିତରେ ନୂଆ ମୋଡ଼, ବ୍ୟାକ୍‌ଫୁଟ୍‌କୁ ଆସିଲେ ନକଭି

ନୂଆଦିଲ୍ଲୀ ୦୭/୦୨: ଟି-୨୦ ବିଶ୍ୱକପ୍ରେ ପାକିସ୍ତାନ ର ଡ୍ରାମା ଥମିବାର ନା ନେଉନି । ଏବେ ପିସିବି ପୁଣିଥରେ ନିଜ ସରକାରଙ୍କ ପରାମର୍ଶ ନେବ । ମାନେ କହିବାକୁ ଗଲେ ସେ ନିଜେ ପକାଇଥିବା ଛେପକୁ ଢୋକିବ ବୋଲି ଚର୍ଚ୍ଚା ହେଉଛି । ଯାହା ଜଣାପଡିଛି ଏହି ପରାମର୍ଶ ବୈଠକ ୧୫ ଫେବୃୟାରୀର ହେବ । ଯେଉଁଥିରେ ଭାରତ-ପାକିସ୍ତାନ ମ୍ୟାଚ୍ ବୟକଟକୁ ନେଇ ଆଲୋଚନା ହେବ ।

କହିବାକୁ ଗଲେ ପାକିସ୍ତାନ ସରକାର ପିସିବିକୁ ଟି-୨୦ ବିଶ୍ୱ କପ୍ ଖେଳିବାକୁ ଅନୁମତି ଦେଇଛି । କିନ୍ତୁ ଭାରତ ବିପକ୍ଷରେ ଖେଳିବାକୁ ମନା କରିଦେଇଛି । ଏହା ସେହି ମ୍ୟାଚ୍ ଯାହା ଆଇସିସି ଏବଂ ପିସିବି ବ୍ରଡକାଷ୍ଟର୍ସ ପାଇଁ ସବୁଠୁ ଅଧିକ ରୋଜଗାର କରୁଥିବା ମ୍ୟାଚ୍ ଭାବେ ବିବେଚନା କରାଯାଏ ।

ଶ୍ରୀଲଙ୍କା କ୍ରିକେଟର ବଡ଼ ଚିନ୍ତା:

ଭାରତ-ପାକିସ୍ତାନ ମ୍ୟାଚ୍ ନ ହେବାର କାରଣ ଶ୍ରୀଲଙ୍କା କ୍ରିକେଟକୁ ବଡ଼ କ୍ଷତି ହେବା ଯଥେଷ୍ଟ ସମ୍ଭାବନା । ଏହାକୁ ଦୃଷ୍ଟିରେ ରଖି ଶ୍ରୀଲଙ୍କା କ୍ରିକେଟ ବୋର୍ଡ଼ ପିସିବିକୁ ଗୋଟେ ଇ-ମେଲ୍ ପଠାଇଛି । ଯେଉଁଥିଲେ କୁହାଯାଇଛି, ଯଦି ୧୫ ଫେବୃୟାରୀରେ ଏହି ମୁକାବିଲା ନହୁଏ ତେବେ ଭାରି କ୍ଷତି ସହିବ ଶ୍ରୀଲଙ୍କା ।

୧-ଟିକେଟ ବିକ୍ରିରେ ବହୁତ କ୍ଷତି

୨-ହସ୍ପିଟାଲିଟି ଏବଂ ସ୍ପନସରସିପ୍ ମିଳୁଥିବା ରୋଜଗାର ବି କମିବ

୩-ଶ୍ରୀଲଙ୍କାରେ ଟୁର୍ଣ୍ଣାମେଣ୍ଟର ଛବିକୁ ବି ବହୁତ ଖରାପ୍ ପ୍ରଭାବ ପଡିବ

କେମିତି ଅଛି ଶ୍ରଲଙ୍କା-ପାକିସ୍ତାନ ସଂପର୍କ:

​​​​​​​ପାକିସ୍ତାନ ନିଜ ସମସ୍ତ ମ୍ୟାଚ୍ କଲମ୍ୱୋ ଏବଂ ପ୍ଲେକେଲେରେ ଖେଳାଯିବ । ଶନିବାର ପ୍ରଥମ ମୁକାବିଲା ନେଦରଲାଣ୍ଡ୍ସ ବିପକ୍ଷରେ ଖେଳାଯିବ । ଏହି ସଂପୂର୍ଣ୍ଣ ମାମଲା ଉପରେ ନଜର ରଖିଥିବା ସୂତ୍ରରୁ ଜଣାପଡିଛି ପାକିସ୍ତାନ ଏବଂ ଶ୍ରୀଲଙ୍କା ମଧ୍ୟରେ ସରକାର ଓ କ୍ରିକେଟ ଦୁଇଟି ସ୍ତର ସର୍ବଦା ଭଲ ରହିଛି । ଏହାରି ଭିତରେ ଶ୍ରୀଲଙ୍କା କ୍ରିକେଟର ମେଲ୍କୁ ନଜର ଅନ୍ଦାଜ୍ କରିହେବନି । ସୂତ୍ରରୁ ଜଣାପଡିଛି ମୋହସିନ ନକଭି ଶମ୍ମି ସିଲଭାକୁ ଭରସା ଦେଇଛନ୍ତି ସେ ଏହି ପାକିସ୍ତାନ ସରକାରଙ୍କ ସାମ୍ନାରେ ନିଜର ପକ୍ଷ ରଖିବେ । ସେ ସଫା ସଫା ମିଡିଆରେ ଚାଲୁଥିବା ଖବରକୁ ପ୍ରତ୍ୟାଖାନ କରିଛନ୍ତି ।

also read..

ଅଣ୍ଡର ୧୯ ବିଶ୍ୱକପ ବିଜେତା ଟିମ୍ ଉପରେ ଟଙ୍କା ବର୍ଷା, ଏତିକି କୋଟି ଟଙ୍କା ପୁରସ୍କାର ଘୋଷଣା କଲା ବିସିସିଆଇ