ନୂଆଦିଲ୍ଲୀ – ୨୫ କିଲୋଗ୍ରାମର ଏକ ପଥର ଖଣ୍ଡର ଦାମ୍ ୨୦ରୁ ୪୦ ଲକ୍ଷ ଡଲାର ଅର୍ଥାତ୍ ୧୭ରୁ ୩୪ କୋଟି ଟଙ୍କା ମଧ୍ୟରେ ଆକଳନ କରାଯାଉଛି। ବାସ୍ତବିକ ଏହି ପଥର ଏତେ ଖାସ୍ କାହିଁକି ? ଉଲ୍ଲେଖନୀୟ ଯେ, ଏହି ଦାମୀ ପଥର ପୃଥିବୀର ନୁହେଁ ବରଂ ମଙ୍ଗଳ ଗ୍ରହରୁ କୋଟି କୋଟି ଦୂର ଅତିକ୍ରମ କରି ଆସିଛି। ସୂଚନା ଆଧାରରେ , ନ୍ୟୁୟର୍କରେ ନିଲାମୀ ପାଇଁ ରଖାଯାଇ ଥିବା ଏହି ପଥର ମଙ୍ଗଳ ଗ୍ରହର ଏବେସୁଦ୍ଧା ମିଳିଥିବା ସବୁଠୁ ବଡ଼ ଖଣ୍ଡ।
ନିଲାମୀ ସଂସ୍ଥା ସୋଥବୀ ବୁଧବାର ପ୍ରାକୃତିକ ଇତିହାସ ଥିମ୍ ଆଧାରିତ ନିଲାମୀର ଏକ ଭାଗ ଭାବେ ଏନଡବ୍ଲୁଏ ୧୬୭୮୮ ନାମର ଏକ ପଥର ବିକ୍ରି ପାଇଁ ରଖିବ। ଏହାସହ ଏକ ସେରାଟୋସାରସ୍ ଡାଇନୋସରର କଙ୍କାଳ ମଧ୍ୟ ନିଲାମୀ ପାଇଁ ରଖାଯିବ , ଯାହା ଛଅ ଫୁଟରୁ ଅଧିକ ଉଚ୍ଚ ଓ ପାଖାପାଖି ୧୧ ଫୁଟ ଲମ୍ୱ।
ନିଲାମୀ ସଂସ୍ଥା ଅନୁସାରେ , ଏହା ମନେକରାଯାଏ ଯେ, ଏହି ଉଲକାପିଣ୍ଡ ଏକ ବିଶାଳ ଗ୍ରହାଣୁ ଦ୍ୱାରା ଧକ୍କା ହୋଇଥିଲା ଓ ମଙ୍ଗଳ ପୃଷ୍ଠରୁ ୧୪ କୋଟି ମାଇଲ ଦୂରତା ଯାତ୍ରା କରି ପୃଥିବାରେ ଖସି ସାହାରା ମରୁଭୂମିରେ ପଡ଼ିଥିଲା।
‘ସୋଥବୀ'ର କହିବାନୁସାରେ ମଙ୍ଗଳ ଗ୍ରହର ଏହି ପଥର ଖଣ୍ଡ ନଭେମ୍ୱର ୨୦୨୩ ରେ ନାଇଜରରେ ମିଳିଥିଲା। ନିଲାମୀ ଘର ଅନୁସାରେ , ଲାଲ୍ , ମାଟିଆ ଓ ଧୂସର ରଙ୍ଗର ଏହି ଖଣ୍ଡଟି ପୃର୍ବରୁ ପୃଥିବୀରେ ମିଳିଥିବା ମଙ୍ଗଳ ଗ୍ରହର ସବୁଠୁ ବଡ଼ ଖଣ୍ଡ ଅପରେକ୍ଷା ପ୍ରାୟ ୭୦ ପ୍ରତିଶତ ବଡ଼ ଓ ଏହା ବର୍ତ୍ତମାନ ଗ୍ରହରେ ଥିବା ସମସ୍ତ ମଙ୍ଗଳ ଗ୍ରହର ସାମଗ୍ରୀର ପ୍ରାୟ ସାତ ପ୍ରତିଶତ।
ନିଲାମୀ ସଂସ୍ଥାର କହିବାନୁସାରେ , ଏହି କଙ୍କାଳ ପ୍ରାୟ ୧୫ କୋଟି ବର୍ଷ ପୂର୍ବେ, ଜୁରାସିକ୍ ସମୟର ଉତ୍ତରାର୍ଦ୍ଧର ମନେ କରାଯାଏ , ତଥା ଏହାର ନିଲାମୀର ଆନୁମାନିକ ମୂଲ୍ୟ ୪୦ବର୍ଷରୁ ୬ ଲକ୍ଷ ଡଲାର। ବୁଧବାରର ନିଲାମୀ ସୋଥବୀର ଗୀକ୍ ସପ୍ତାହ ୨୦୨୫ର ଏକ ଅଂଶ ଏବଂ ଏଥିରେ ଅନ୍ୟାନ୍ୟ ଉଲକାପିଣ୍ଡ , ଜୀବାଶ୍ମ ଓ ମଣି-ଗୁଣବତ୍ତା ଖଣିଜ ପଦାର୍ଥ ସମେତ ୧୧୨ଟି ଜିନିଷ ରହିଛି।
