ସଚିନ ତେନ୍ଦୁଲକରଙ୍କ ସହ ପ୍ରେମ ସମ୍ପର୍କରେ ଥିଲେ ଶିଳ୍ପା ! ଅନେକ ବର୍ଷ ପରେ କଲେ ଖୁଲାସା

ଅଭିନେତ୍ରୀ ଏବଂ କ୍ରିକେଟରମାନେ ପ୍ରାୟତଃ ସେମାନଙ୍କ ସମ୍ପର୍କକୁ ନେଇ ଚର୍ଚ୍ଚାରେ ରହିଥାନ୍ତି। କିଛି କ୍ରିକେଟର ବଲିଉଡ ଅଭିନେତ୍ରୀମାନଙ୍କୁ ବିବାହ କରିଛନ୍ତି, ଆଉ କେତେକଙ୍କ ପ୍ରେମ କାହାଣୀ ଅଧୁରା ରହିଯାଇଛି । କିନ୍ତୁ ଆପଣ କ’ଣ ଜାଣନ୍ତି କି ସଚିନ ତେନ୍ଦୁଲକର ଏବଂ ୯୦ ଦଶକର ଲୋକପ୍ରିୟ ଅଭିନେତ୍ରୀ ଶିଳ୍ପା ଶିରୋଦକରଙ୍କ ସହିତ ମଧ୍ୟ ଯୋଡା ହୋଇଥିଲା? ଏବେ, ଏକ ସାକ୍ଷାତକାର ସମୟରେ ଶିଳ୍ପା ଏ ବିଷୟରେ ଖୋଲାଖୋଲି ଭାବରେ ସମ୍ପୂର୍ଣ୍ଣ ସତ କଥା ପ୍ରକାଶ କରିଥିଲେ।

ଶିଳ୍ପା ଶିରୋଡକର କହିଛନ୍ତି, "ମୁଁ ପ୍ରଥମେ ସଚିନଙ୍କୁ ଟିଭି ଶୋ' 'ହମ୍' କରୁଥିବା ସମୟରେ ଭେଟିଥିଲି।କାରଣ ମୋର କଜିନ୍ ଭାଇ ସଚିନ ରହୁଥିବା ସ୍ଥାନରେ ରହୁଥିଲେ। ସଚିନ ଏବଂ ମୋ କଜିନ୍ ଭାଇ ବାନ୍ଦ୍ରାରେ ଏକାଠି କ୍ରିକେଟ୍ ଖେଳୁଥିଲେ। ସେହି ସମୟରେ ମୁଁ ସଚିନଙ୍କୁ ଭେଟିଥିଲି, ଏବଂ ସଚିନ ସେହି ସମୟରେ ଅଞ୍ଜଳିଙ୍କୁ ଡେଟ୍ କରୁଥିଲେ। ଯାହା କାହାକୁ ଜଣା ନଥିଲା। ଯେତେବେଳେ ଜଣେ ଅଭିନେତ୍ରୀ ସଚିନ ତେନ୍ଦୁଲକରଙ୍କ ପରି ଜଣେ ପ୍ରସିଦ୍ଧ କ୍ରିକେଟରଙ୍କୁ ଭେଟନ୍ତି। ତା ପରେ ଲୋକମାନେ ଏହାକୁ କାହାଣୀ ତିଆରି ବନାନ୍ତି । କିଛି ନ ଜାଣି ବହୁତ କିଛି କହିଦିଅନ୍ତି । ଯାହା ସତ ନୁହଁ । ମୁଁ ଆପଣଙ୍କୁ କହି ଦେଉଛି, ମୁଁ ତାଙ୍କୁ କେବଳ ଥରେ ଭେଟିଥିଲି।

ଏକ ପୁରୁଣା ସାକ୍ଷାତକାରରେ, କ୍ରିକେଟର ସଚିନ ତେନ୍ଦୁଲକର ଶିଳ୍ପାଙ୍କ ସହ ତାଙ୍କ ସମ୍ପର୍କର ଗୁଜବ ବିଷୟରେ ମଧ୍ୟ କହିଥିଲେ। ଏହି କଳ୍ପନାଜଳ୍ପନା ଆରମ୍ଭ ହୋଇଥିଲା କାରଣ ଉଭୟ ମହାରାଷ୍ଟ୍ରୀୟ। ଯେତେବେଳେ ସଚିନଙ୍କୁ ପଚରାଗଲା ଯେ ସେ ନିଜ ବିଷୟରେ ଶୁଣିଥିବା ସବୁଠାରୁ ମୂର୍ଖତାପୂର୍ଣ୍ଣ କଥା କ’ଣ, ସେ ଉତ୍ତର ଦେଇଥିଲେ, "ଶିଳ୍ପା ଏବଂ ମୋର ପ୍ରେମ ସମ୍ପର୍କ ଥିଲା। ସତ କଥା ହେଉଛି, ଆମେ ପରସ୍ପରକୁ ଜାଣି ନାହୁଁ।" ସଚିନ ତେନ୍ଦୁଲକର ୨୪ ମଇ ୧୯୯୫ ରେ ଅଞ୍ଜଳି ତେନ୍ଦୁଲକରଙ୍କୁ ବିବାହ କରିଥିଲେ। ବିବାହ ପୂର୍ବରୁ ସେମାନେ ବହୁତ ଦିନ ଧରି ଡେଟ୍ କରିଥିଲେ। ସଚିନ ଏବଂ ଅଞ୍ଜଳିଙ୍କ ଦୁଇଟି ସନ୍ତାନ, ସାରା ଏବଂ ଅର୍ଜୁନ। ଶିଳ୍ପା ୨୦୦୦ ମସିହାରେ ୟୁକେର ବ୍ୟାଙ୍କର ଅପରେଶ ରଞ୍ଜିତଙ୍କୁ ବିବାହ କରିଥିଲେ। ସେମାନଙ୍କ ବିବାହ ପରେ, ସେ ବିଦେଶରେ ରହିବା ଆରମ୍ଭ କରିଥିଲେ।