ଭୁବନେଶ୍ବର ୫।୯: ଜଳକା ନଦୀରେ ବନ୍ୟା ସ୍ଥିତି । ବାଲେଶ୍ୱର ବସ୍ତା ଅଞ୍ଚଳ ପ୍ରଭାବିତ ହେବ ବୋଲି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ କହିଛନ୍ତି । ଜିଲ୍ଲା ପ୍ରଶାସନକୁ ଏନେଇ ସଜାଗ କରାଯାଇଛି । ବୈତରଣୀ ନଦୀର ଜଳସ୍ତର ବିପଦ ସଙ୍କେତ ତଳକୁ ଚାଲି ଆସିଛି । ଗୁରୁବାର ୧୫ ବ୍ଲକ୍‌ରେ ୫୦ ମିମିରୁ ଅଧିକ ବର୍ଷା ହୋଇଛି । ପଦ୍ମପୁରରେ ସର୍ବାଧିକ ୮୮ ମିମି ବର୍ଷା ହୋଇଛି ।

ସେ ଆହୁରି କହିଛନ୍ତି, ମହାନଦୀରେ ଏବେ ବନ୍ୟା ସ୍ଥିତି ନାହିଁ । ମହାନଦୀ ଉପର ମୁଣ୍ଡରେ ୧୯ମିମି ବର୍ଷା ହୋଇଛି । ହୀରାକୁଦରେ ଇନ୍‌ଫ୍ଲୋ ବଢିଛି । ଜଳଭଣ୍ଡାର ୩ ଲକ୍ଷ ୩୬ ହଜାର କ୍ୟୁସେକ୍ ଜଳ ପ୍ରବେଶ କରୁଥିବା ସମାନ ପରିମାଣ ଜଳ ନିଷ୍କାସିତ ହେଉଛି । ଆସନ୍ତା ୭ ତାରିଖରେ ସାଢ଼େ ୪ ଲକ୍ଷରୁ ୫ ଲକ୍ଷ କ୍ୟୁସେକ୍ ଜଳ ପ୍ରବାହିତ ହେବ । ୨୦ଟି ଗେଟ୍ ଦେଇ ଏବେ ଜଳ ନିଷ୍କାସିତ ହେଉଛି । ହୀରାକୁଦରେ ବର୍ତ୍ତମାନ ୬୨୬.୫୮ ଫୁଟ ଜଳସ୍ତର ରହିଛି ।