ଡିଜେ ଗାଡ଼ି ଉପରେ ଲାଗିଲା ଅଙ୍କୁଶ : ନିୟମ ଖିଲାପ କଲେ ଜରିମାନା ସହ ରଦ୍ଦ ହେବ ପଞ୍ଜିକରଣ ଓ ଫିଟନେସ୍

କଟକ ୧୭।୯: ପୂଜା ପୂର୍ବରୁ ଡିଜେ ଗାଡ଼ି ଉପରେ ଲାଗିଲା ଅଙ୍କୁଶ । ସର୍କୁଲାର ଜାରି କଲା ରାଜ୍ୟ ପରିବହନ ବିଭାଗ । ଗାଡ଼ି ରେଜିଷ୍ଟ୍ରେସନ ସମୟର ଦେଖାଯିବ ଗାଡ଼ିର ଦୈର୍ଘ୍ୟ, ପ୍ରସ୍ତ, ଉଚ୍ଚତା । କୌଣସି ଗାଡ଼ିକୁ ମୋଡିଫାଏ କରିପାରିବେନି ଡିଜେ ମାଲିକ । ମୋଡିଫାଏ ହୋଇଥିବା ସମସ୍ତ ଡିଜେ ଗାଡ଼ିର ପଞ୍ଜିକରଣ ସସ୍‌ପେଣ୍ଡ କରାଯିବା ସହ ଫିଟନେସ୍‌କୁ ରଦ୍ଦ କରାଯିବ । ମୋଟର ଯାନ ଆଇନ ଅନୁସାରେ ଫାଇନ୍ କରାଯିବ । ରାଜ୍ୟ ସଡକ ପରିବହନ କମିଶନରଙ୍କ ପକ୍ଷରୁ ପୋଲିସ ବିଭାଗ ଓ ସମସ୍ତ ଜିଲ୍ଲାର ପରିବହନ ଅଧିକାରୀଙ୍କୁ ଚିଠି କରାଯାଇଛି ।

ଅନୁମୋଦିତ ବହୁବର୍ଣ୍ଣ LED, ଲେଜର ଲାଇଟ୍, ନିଅନ ଓ ଓଜେ ଆଲୋକ ବ୍ୟବହାର ଉପରେ ବି କଟକଣା ଲଗାଯାଇଛି । ଓଜେ ସିଷ୍ଟମ ଉପରେ ମଧ୍ୟ ସମ୍ପୂର୍ଣ୍ଣ ବାରଣ ରହିଛି ।