ଭଦ୍ରକ: ଟ୍ରେନରେ ୪ଟି ଲଗେଜ ବ୍ୟାଗରେ ଚାଲାଣ ହେଉଥିଲା ଗଞ୍ଜେଇ ।   ନୀଳାଚଳ ଏକ୍ସପ୍ରେସରୁ ଜବତ କଲା ଜିଆରପି । ଭଦ୍ରକ ଜିଆରପି ପୋଲିସକୁ ମିଳିଛି ବଡ଼  ସଫଳତା । ତିନି ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ କରିବା ସହିତ ଜଣେ ମହିଳାଙ୍କୁ ଅଟକ ରଖି ପଚରାଉଚରା କରୁଛି ଭଦ୍ରକ ଜିଆରପି ପୋଲିସ ।

ସୂଚନା ଅନୁଯାୟୀ ପୁରୀରୁ ନୂଆଦିଲ୍ଲୀ ଯାଉଥିବା ଟ୍ରେନ ନମ୍ୱର ୧୨୮୧୫ ଆନନ୍ଦ ବିହାର ( ନୀଳାଚଳ ଏକ୍ସପ୍ରେସ ) ଟ୍ରେନରେ ଭୁବନେଶ୍ୱର ରେଳଷ୍ଟେସନରୁ ଜଣେ ମହିଳା ଟ୍ରେନରେ ଚଢ଼ିଥିଲେ । ମହିଳାଙ୍କ ନିକଟରେ ଥିବା ୪ ଟି ବଡ଼ ଲଗେଜ୍ ବେଗ୍ ଦେଖି ସନ୍ଦେହ କରିଥିଲା ରେଳବାଇ ଜିଆରପି ପୋଲିସ ର ସ୍ପେଶାଲ୍ ସ୍କ୍ୱାର୍ଡ । ମହିଳାଙ୍କ ପିଛା କରିବା ସହିତ ଭଦ୍ରକ ଜିଆରପିକୁ ଖବର ଦେଇଥିଲେ । 

Also read: ସ୍ଵାସ୍ଥ୍ୟ କ୍ଷେତ୍ରରେ ଆସନ୍ତାକାଲିଠୁ ନୂଆ ଅଧ୍ୟାୟ, ଉପକୃତ ହେବେ ସାଢ଼େ ୩ କୋଟିରୁ ଅଧିକ ଓଡ଼ିଆ

ନୀଳାଚଳ ଟ୍ରେନ୍ ଭଦ୍ରକ ଷ୍ଟେସନରେ ପହଞ୍ଚିଲା ବେଳେ ଭଦ୍ରକ ଜିଆରପି ଥାନାଧିକାରୀ ସଦଳବଳେ ମାଡିବସି ଥିଲେ ମହିଳାଙ୍କୁ । ମହିଳାଙ୍କ ନିକଟରୁ ୪ ଟି ବ୍ୟାଗରେ ୪୦ କିଲୋରୁ ଉର୍ଦ୍ଧ୍ବ ଓଜନର ଗଞ୍ଜେଇ ଜବତ କରିବା ସହିତ ମହାଳାଙ୍କୁ ଗିରଫ କରିଛି ଭଦ୍ରକ ରେଳବାଇ ଜିଆରପି ପୋଲିସ । ମହିଳାଙ୍କୁ ପଚରାଉଚରା ପରେ ୩୦/୨୦୨୫ ଆଧାରରେ ଏକ ମାମଲା ରୁଜୁ କରିବା ସହ କୋର୍ଟ ଚାଲାଣ ହୋଇଥିବା ନେଇ  ଜିଆରପି ଥାନାଧିକାରୀ ପପୁ କୁମାର ନାୟକ ସୂଚନା ଦେଇଛନ୍ତି ।   

ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୩ ଲକ୍ଷରୁ ଉର୍ଦ୍ଧ୍ବ ହେବ ବୋଲି ଜଣାପଡ଼ିଛି । ମହିଳା ଜଣଙ୍କ ଗଞ୍ଜେଇ ନେଇ ଭୁବନେଶ୍ବରରୁ ସାସାରାମ ଷ୍ଟେସନକୁ ଯାଉଥିଲେ । ମହିଳାଙ୍କ ଘର ଉତ୍ତର ପ୍ରଦେଶ ହାତରସ ଜିଲ୍ଲା ସଦାବାଗ ଚୈରା ଅଞ୍ଚଳ ସ୍ବର୍ଗତ କାଳିଚରଣଙ୍କ   ସ୍ତ୍ରୀ ରେଖା ଦେବୀ ବୋଲି ଜଣାପଡ଼ିଛି ।