ଗୌହାଟୀ: ଆସାମରେ ପଞ୍ଚାୟତ ନିର୍ବାଚନରେ ମୋଟ ୩୪୮ ଆସନରେ ନିର୍ଦ୍ୱନ୍ଦ୍ୱ ରେ ନିଷ୍ପତ୍ତି ହୋଇଛି । ଏଥିରୁ ୩୨୫ ଆସନରେ ବିଜେପି ନେତୃତ୍ୱାଧୀନ ଏନଡିଏ ବିଜୟୀ ହୋଇଛି । ଆସାନ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଶୁକ୍ରବାର ଏହି ଦାବି କରିଛନ୍ତି । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଦୁଇଟି ପର୍ଯ୍ୟାୟରେ ମେ ୨ ଓ ମେ ୭ରେ ହେବ । ନାମଙ୍କନ ପ୍ରତ୍ୟାହାର ଶେଷ ତାରିଖ ଏପ୍ରିଲ୍ ୧୮ ଥିଲା ।
ବିଜେପି ନେତା ଏକ୍ସ ପୋଷ୍ଟରେ ଦାବି କରିଛନ୍ତି ଯେ ଏବେ ସୁଦ୍ଧ ମିଳିଥିବା ରିପୋର୍ଟ ଅନୁସାରେ ଏନଡିଏ ୩୭ ଜିଲ୍ଲା ପରିଷଦ (୩୫ ବିଜେପି ଓ ଦୁଇଟି ଆସାମ ଗଣ ପରିଷଦ) ଓ ୨୮୮ ପଞ୍ଚାୟତ (୨୫୯ ବିଜେପି ଓ ୨୯ ଆସାମ ଗଣ ପରିଷଦ) ନିର୍ବିରୋଧ ବିଜୟୀ ହୋଇଛି ।
ହିମନ୍ତ ବିଶ୍ୱ ଶର୍ମା କହିଛନ୍ତି, 'ଏହା ଆସାମର ରାଜନୈତିକ ଇତିହାସରେ ଏକ ବିଶାଳ ଓ ଅଦ୍ଭୂତପୂର୍ବ ଜନାଦେଶ ଅଟେ । ଏହା ଏନଡିଏ ଓ ଆମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ଆସାମ ଲୋକଙ୍କ ଅସୀମ ବିଶ୍ୱାସ ଓ ପ୍ରେମକୁ ଦର୍ଶାଉଛି ।' ସେ କହିଛନ୍ତି, 'ଆମର ବିଶ୍ୱାସ ଶେଷ ପରିଣାମ ଘୋଷଣା ବେଳକୁ ଏହି ସଂଖ୍ୟାରୁ ଆହୁରି ଅଧିକ ପ୍ରଭାବଶାଳୀ ହେବ ।'
Yesterday marked the last date for withdrawal of nominations for the upcoming Panchayat elections. As per reports received so far, the NDA has already secured 37 Zila Parishad (35 BJP and 2 AGP) and 288 Anchalik Panchayat (259 BJP and 29 AGP) seats unopposed.
— Himanta Biswa Sarma (@himantabiswa) April 18, 2025
This is a massive… pic.twitter.com/5PSFRa9HtG
ରାଜ୍ୟର ପଞ୍ଚାୟତ ନିର୍ବାଚନ ପାଇଁ ଭୋଟ ଗଣତି ମେ ୧୧ରେ ହେବ । ଗ୍ରାମ ପଞ୍ଚାୟତରେ ମୋଟ ୨୧,୯୨୦ ଆସନ, ଜିଲ୍ଲା ପରିଷଦରେ ମୋଟ ୩୯୭ ଆସନ ରହିଛି । ରାଜ୍ୟର ୩୪ ଜିଲ୍ଲାରୁ ୨୭ରେ ପଞ୍ଚାୟତ ନିର୍ବାଚନ ହେବାକୁ ଯାଉଛି, ଅନ୍ୟ ସାତ ସ୍ୱାୟତଃ ପରିଷଦ ଦ୍ୱାରା ଶାସିତ ଅଟେ ।
