ଦିଲ୍ଲୀ ଦଙ୍ଗା ମାମଲା : ଉମର ଖାଲିଦକୁ ମିଳିଲାନି ଜାମିନ, ରହିବେ ଜେଲରେ

ନୂଆଦିଲ୍ଲୀ, ୦୫/୦୧ : ୨୦୨୦ରେ ହୋଇଥିବା ଦିଲ୍ଲୀ ଦଙ୍ଗା ମାମଲାରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ଘଟଣାରେ ଅଭିଯୁକ୍ତ ତଥା ଛାତ୍ର ନେତା ଉମର ଖାଲିଦଙ୍କ ଜାମିନ ଆବେଦନ ଖାରଜ ହୋଇଛି । ସେ ଏବେ ଜେଲରେ ରହିବେ । ତେବେ ଅନ୍ୟ ୫ ଅଭିଯୁକ୍ତଙ୍କୁ ଜାମିନ ମିଳିଛି ।

ମାମଲାକୁ ଶୁଣାଣି କରୁଥିଲେ ଜଷ୍ଟିସ ଅରବିନ୍ଦ କୁମାର ଏବଂ ଜଷ୍ଟିସ ଏନବି ଅଞ୍ଜାରିଆ । ଉଭୟ ବିଚାରପତିଙ୍କୁ ନେଇ ଏକ ଖଣ୍ଡପୀଠ ଗଠିତ ହୋଇଥିଲା । ଖଣ୍ଡପୀଠ କହିଛନ୍ତି ଯେ, ଉମର ଖାଲିଦଙ୍କୁ ବେଲ୍ ମିଳିବ ନାହିଁ । ଏହାସହ ଅନ୍ୟତମ ଅଭିଯୁକ୍ତ ଶରଜୀଲ ଇମାମ୍ ମଧ୍ୟ ଜେଲରେ ରହିବେ । ତେବେ ଅନ୍ୟ ୫ ଜଣଙ୍କୁ ଜାମିନ ପ୍ରଦାନ କରିଛନ୍ତି କୋର୍ଟ ।