ନୂଆଦିଲ୍ଲୀ ୦୯।୦୪: ରାସ୍ତାରେ ଲାଗିଛି ଏକ ବିଶାଳକାୟ ବାଦାମ ଷ୍ଟାଚ୍ୟୁ। ଦେଖିଲେ କେହି ବି ହୋଇଯିବେ ଆଶ୍ଚର୍ଯ୍ୟ । ସମସ୍ତଙ୍କ ମନରେ ପ୍ରଶ୍ନ ରାସ୍ତାରେ ବାଦାମ ଷ୍ଟାଚ୍ୟୁ ଲାଗିବାର କାରଣ କ’ଣ ? ବାସ୍ତବରେ ଏହା ହେଉଛି ନୌକରୀ ଡଟ୍ କମ୍ର ଅଭିନବ ପ୍ରୟାସ । ଆର୍ଥିକ ବର୍ଷର ଶେଷରେ ଚାକିରୀଆ ବ୍ୟକ୍ତି ଅପେକ୍ଷା କରିଥିବା ଦରମା ବୃଦ୍ଧି କିମ୍ବା ପଦୋନ୍ନତିକୁ ଏହା ଦର୍ଶାଇଛି ।
ଭାରତର ନୌକରୀ ଡଟ୍କମ୍ ନିଜର ନୂଆ ଅଭିଯାନ ଆରମ୍ଭ କରିଛି । କମ୍ପାନୀ ଗୁରୁଗ୍ରାମର ସାଇବରହବରେ ଏକ ବିଶାଳ ବାଦାମ ଷ୍ଟାଚ୍ୟୁ କରିଛି । ଆଉ ଏହା ପାଖରେ ଏକ ବୋର୍ଡ ଲଗାଇଛି । ଯେଉଁଥିରେ ଲେଖାଯାଇଛି, 'ତୁମକୁ ଦିଆଯାଇଥିବା "ବଡ଼" ଦରମା ବୃଦ୍ଧି ସ୍ମୃତିରେ'। ଏହି ବିଶାଳକାୟ ବାଦାମ ଷ୍ଟାଚ୍ୟୁକୁ ଦେଖିଥିଲେ ଲିଙ୍କଡିନ୍ ୟୁଜର୍ସ ଚୟନ ଗର୍ଗ । ସେ ଏହି ବିଶାଳ ବାଦାମର ଏକ ଫଟୋ ସେୟାର କରିଛନ୍ତି । ଆଉ ଲେଖିଛନ୍ତି କି ‘ଶନିବାର ମୁଁ ସାଇବରହବ ଦେଇ ଯାଉଥିଲି । ଏହି ସମୟରେ ମୋ ନଜର ଏକ ବଡ ବାଦାମ ଷ୍ଟାଚ୍ୟୁ ଉପରେ ପଡିଥିଲା । ବାଦାମ ଷ୍ଟାଚ୍ୟୁଟିର ଲମ୍ବ ୧୦ ଫୁଟ’ ।
ସେ ଆହୁରି ମଧ୍ୟ କହିଛନ୍ତି କି, "ଏହା କୌଣସି ଏପ୍ରିଲ ଫୁଲ୍ ପ୍ରାଙ୍କ୍ ନଥିଲା; ଏହା Naukri.com ଦ୍ୱାରା ଏକ ଅତ୍ୟନ୍ତ ସୁନ୍ଦର ଅଭିଯାନ ଥିଲା। ଆମେ ସମସ୍ତେ ଏହି ପରିସ୍ଥିତି ଦେଇ ଗତି କରିଛୁ । ଦରମା ବୃଦ୍ଧି ଆଶା ନେଇ ନିରନ୍ତର ଇମେଲଗୁଡ଼ିକୁ ରିଫ୍ରେଶ୍ କରୁଛୁ । ଆଉ ହଠାତ୍ ଆମକୁ ବାଦାମ ମିଳିଥାଏ । ଏହି ଅଭିଯାନକୁ ଏତେ ଭଲ ଭାବରେ ଚଳାଇବା ପାଇଁ ଟିମ୍କୁ ଅଭିନନ୍ଦନ।
ତାଙ୍କର ପୋଷ୍ଟ ଦୃଷ୍ଟି ଆକର୍ଷଣ କରିଥିଲା । ବ୍ୟବହାରକାରୀମାନେ ଏହାକୁ ପ୍ରାସଙ୍ଗିକ ପାଇଲେ । ଅନେକ ପ୍ରାର୍ଥୀ ଏବେ ବି ସେମାନଙ୍କର ମେଲବକ୍ସକୁ ରିଫ୍ରେଶ କରୁଛନ୍ତି । HR ଟିମ୍ର ମେସେଜ୍କୁ ଅପେକ୍ଷା କରୁଛନ୍ତି । ଏହା ଆନନ୍ଦର କିମ୍ବା ଚିନ୍ତାର ଋତୁ; ମୁଁ ଆଶା କରୁଛି ସମସ୍ତେ ଏଥିରୁ ବାହାରିବେ ।
