ଧରାପଡ଼ିଲା ଲେଡି ସାଇକୋ କିଲର୍, ସୁନ୍ଦରୀ ଝିଅଙ୍କୁ ଖୋଜି କରୁଥିଲା ହତ୍ୟା

ବିବାହ ଉତ୍ସବ ଚାଲିଥାଏ। ସମସ୍ତେ ମନଖୁସିରେ ଥାଆନ୍ତି, ଉତ୍ସବ ମାହୋଲ ଫିକା ପଡ଼ିଗଲା। ବରଯାତ୍ରୀ ଶୋଭାଯାତ୍ରା ହଠାତ କୁଆଡେ ଗାଏବ ହୋଇଗଲା ୬ ବର୍ଷର ଝିଅ। ଦେଖିଲାବେଳକୁ ଝିଅର ହତ୍ୟା ହୋଇଛି। ହରିୟାଣାର ପାନିପତର ଏକ ଗାଁରୁ ଏଭଳି ଦୁଃଖଦ ଖବର ସାମ୍ନାକୁ ଆସିଛି। ହତ୍ୟାକାରୀ ହିଁ ମୃତ ଝିଅର ଖୁଡୀ ପୁନମ। ଅଧିକ ସୁନ୍ଦର ଦେଖାଯାଉଥିଲା ଝିଆରୀ, ତେଣୁ ସହିପାରିଲାନି ଖୁଡୀ। ଇର୍ଷାରେ ଜର୍ଜରିତ ହୋଇ ୬ ବର୍ଷର ଝିଅକୁ ମାରିଦେଲା।

ହରିୟାଣା ପୋଲିସ କହିବାନୁସାରେ ଖୁଡୀ ଚାହୁଁ ନଥିଲେ ଯେ ତାଙ୍କଠାରୁ କେହି ଅଧିକ ସୁନ୍ଦର ଦେଖାଯାଉ। ଯେତେବେଳେ ସାରା ପରିବାର ସୋନିପତରେ ଏକ ବିବାହ କାର୍ଯ୍ୟକ୍ରମରେ ଏକାଠି ହୋଇଥିଲେ, ସେତେବେଳେ ଈର୍ଷାରେ ପୁନମ ତାଙ୍କ ୬ ବର୍ଷର ଝିଆରୀଙ୍କୁ ପାଣି ଭର୍ତ୍ତି ଡ୍ରମରେ ବୁଡ଼ାଇ ଦେଇଥିଲେ। ପୋଲିସ ଅନୁସାରେ, ପୁନମ ପୂର୍ବରୁ ୨୦୨୩ରେ ତାଙ୍କ ପୁଅ ସମେତ ତିନି ଜଣ ପିଲାଙ୍କୁ ହତ୍ୟା କରିଥିଲେ। ସେ ତାଙ୍କ ଭାଣିଜୀଙ୍କ ପରି ତାଙ୍କୁ ମଧ୍ୟ ବୁଡ଼ାଇ ହତ୍ୟା କରିଥିଲେ।

ପୋଲିସର ସୂଚନା ଅନୁଯାୟୀ, ୬ ବର୍ଷୀୟ ବିଧି ସୋନିପତରେ ରହୁଥିଲା ଏବଂ ତାଙ୍କ ପରିବାର ସହିତ ପାନିପତର ଇସରାନା ଅଞ୍ଚଳର ନୌଲଥା ଗାଁକୁ ଜଣେ ସମ୍ପର୍କୀୟଙ୍କ ବିବାହରେ ଯୋଗ ଦେବାକୁ ଆସିଥିଲା। ତାଙ୍କ ସହିତ ତାଙ୍କ ଜେଜେବାପା ପାଲ ସିଂହ, ଜେଜେମା ଓମବତୀ, ବାପା ସନ୍ଦୀପ, ମାଆ ଏବଂ ୧୦ ମାସର ଭାଇ ମଧ୍ୟ ଥିଲେ। ଘଟଣାଟି ବିବାହ ଶୋଭାଯାତ୍ରା ସମୟରେ ଘଟିଛି।