ନୂଆଦିଲ୍ଲୀ: ଭାରତର ବିଦେଶୀ ମୁଦ୍ରା ଭଣ୍ଡାର ଲଗାତାର ତିନି ସପ୍ତାହର ହ୍ରାସ ପରେ ପୁଣି ବୃଦ୍ଧି ଦେଖିଛି । ଆରବିଆଇର ଡାଟା ଅନୁସାରେ ମେ ୩ରେ ଶେଷ ହୋଇଥିବା ସପ୍ତାହରେ ଭାରତର ଫରେକ୍ସ ରିଜର୍ଭ ୩.୬୬୮ ବିଲିୟନ ଡଲାର ବଢି ୬୪୧.୫୯ ବିଲିୟନ ଡଲାର ହୋଇଛି ।
ଏହା ପୂର୍ବରୁ ଏପ୍ରିଲ୍ ୨୬ରେ ଶେଷ ହୋଇଥିବା ସପ୍ତାହରେ ଏହା ଲଗାତାର ତୃତୀୟ ସପ୍ତାହରେ ୨.୪୧୨ ବିଲିୟନ ଡଲାର କମି ୬୩୭.୯୨୨ ବିଲିୟନ ଡଲାର ହୋଇଥିଲା । ଗତ ତିନି ମାସରେ ଦେଶର ଫରେକ୍ସ ରିଜର୍ଭ ପ୍ରାୟ ୧୦.୬ ବିଲିୟନ ଡଲାର କମ ହୋଇଥିଲା ।
ଆରବିଆଇ ଦ୍ୱାରା ଶୁକ୍ରବାର ଜାରି ଡାଟା ଅନୁସାରେ ମେ ୩ରେ ଶେଷ ହୋଇଥିବା ସପ୍ତାହରେ ବିଦେଶୀ ମୁଦ୍ରା ଭଣ୍ଡାରର ଏକ ପ୍ରମୁଖ ଅଂଶ ବିଦେଶୀ ମୁଦ୍ରା ସମ୍ପତ୍ତି ୪.୪୫୯ ବିଲିୟନ ଡଲାର ବଢି ୫୬୪.୧୬୧ ବିଲିୟନ ଡଲାର ହୋଇଛି । ଉଲ୍ଲେଖଯୋଗ୍ୟ ଯେ ଏଫସିଏରେ ବିଦେଶୀ ମୁଦ୍ରା ଭଣ୍ଡାରରେ ଥିବା ୟୁରୋ, ପାଉଣ୍ଡ ଏବଂ ୟେନ ପରି ଅଣ ଆମେରିକୀୟ ମୁଦ୍ରାର ବଢିବା କମିବା ସାମିଲ ଥାଏ ।
ଆରବିଆଇ କହିଛି ଯେ ଗତ ସପ୍ତାହରେ ସୁନା ଭଣ୍ଡାର ୬.୫୩ ବିଲିୟନ ଡଲାର କମି ୫୪.୮୮ ବିଲିୟନ ଡଲାର ହୋଇଛି । ସେହିପରି ବିଶେଷ ଆହରଣ ଅଧିକାର (ଏସଡିଆର) ୨୦ ଲକ୍ଷ ଡଲାର ବଢି ୧୮.୦୧ ଡଲାର ହୋଇଛି । ଏହି ଅବଧିରେ ଆଇଏମଏଫରେ ଭାରତର ରିଜର୍ଭରେ ୧୪ କୋଟି ଡଲାର କମି ୪.୪୯୯୯ ବିଲିୟନ ଡଲାର ହୋଇଛି ।
