ନୂଆଦିଲ୍ଲୀ: ଜାମ୍ମୁ କାଶ୍ମୀରର କିସ୍ତୱାଡାରେ ଆତଙ୍କୀଙ୍କୁ ନିପାତ କରିବା ପରେ ସେନା ଜାମ୍ମୁର ଅଖନୁର ସେକ୍ଟରରେ ଅନୁପ୍ରବେଶକୁ ଉଦ୍ୟମକୁ ପଣ୍ଡ କରିଛନ୍ତି । ତେବେ ଏଲଓସିରେ ଆତଙ୍କବାଦୀଙ୍କ ସହ ସଂଘର୍ଷରେ ସେନାର ଜଣେ ଜେସିଓ ସହିଦ ହୋଇଛନ୍ତି । ସେନାର ସାହସୀ ଯବାନ ଆତଙ୍କୀଙ୍କୁ ଏଲଓସି ପାର୍ କରିବାରୁ ଦେଲେ ନାହିଁ ।
ସେନାର ସୂଚନା ଅନୁସାରେ ଶୁକ୍ରବାର ରାତିରେ କେରି ଭଟ୍ଟଲ ଅଞ୍ଚଳର ଫରୱାର୍ଡ ପୋଷ୍ଟରେ ଆତଙ୍କବାଦୀଙ୍କ ଏକ ଗୋଷ୍ଠୀକୁ ସେନାର ଯବାନ ଦେଇଥିଲେ । ଏହାପରେ ଉଭୟ ପଟୁ ଗୁଳି ମାଡ଼ ହୋଇଥିଲା, ଯାହା ଅନେକ ସମୟ ଧରି ଜାରି ରହିଥିଲା । ଗୁଳି ବିନିୟମ ବେଳେ ଜଣେ ଜେସିଓ ଆହତ ହୋଇଥିଲେ ଏବଂ ପରେ ସେ ବୀରଗତି ପ୍ରାପ୍ତ କରିଛନ୍ତି ।
White Knight Corps of the Indian Army tweets, "General Officer Commanding (GOC) White Knight Corps and all ranks salute the supreme sacrifice of Braveheart Sub Kuldeep Chand of 9 PUNJAB. He laid down his life while gallantly leading a Counter-Infiltration operation along the Line… pic.twitter.com/hyMSCvShhE
— ANI (@ANI) April 12, 2025
ସୂଚନା ଅନୁସାରେ ୯ ପଞ୍ଜାବର ଜେସିଓ (ସୁବେଦାର) କୁଲଦୀପ ଚନ୍ଦ ଏପ୍ରିଲ ୧୧ ରାତିରେ କେରି-ବଟ୍ଟଲ କ୍ଷେତ୍ରରେ ଏଲଓସିରେ ଅନୁପ୍ରବେଶ ବିରୋଧୀ ଅଭିଯାନର ନେତୃତ୍ୱ ନେଉଥିଲେ । ଏହି ସମୟରେ ହୋଇଥିବା ସଂଘର୍ଷରେ ସେ ଆହତ ହୋଇଥିଲେ । ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ତୁରନ୍ତ ଭର୍ତ୍ତି କରାଯାଇଥିଲା । ଏବେ ସେ ବୀରଗତି ପ୍ରପ୍ତା କରିଛନ୍ତି । ସେପଟେ ପୂରା ଅଞ୍ଚଳରେ ଘେରାବନ୍ଦୀ କରି ଅତିରିକ୍ତ ଫୋର୍ସ ମୁତୟନ କରାଯାଇଥିବା ସେନାର ଅଧିକାରୀ ସୂଚନା ଦେଇଛନ୍ତି । ଏବେ ବି ସଂପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ ଜାରି ଥିବା ଜଣାପଡ଼ିଛି । ଏହି କ୍ଷେତ୍ରରେ ଫେବ୍ରୁଆରୀ ୧୧ରେ ଆତଙ୍କବାଦୀ ଦ୍ୱାରା କରାଯାଇଥିବା ବିସ୍ଫୋରଣରେ ଜଣ କ୍ୟାପ୍ଟେନ ଓ ଦୁଇ ସୈନ୍ୟ ସହିଦ ହୋଇଥିଲେ ।
