ବାଲେନ ଶାହ ହେବେ ନେପାଳର ପ୍ରଧାନମନ୍ତ୍ରୀ ! ବଡ଼ ବିଜୟ ଆଡ଼କୁ ଅଗ୍ରସର RSP

Published By: Prameya-News Bureau - Prameya-News Bureau | March 07, 2026 08:21 AM

NEWS7

କାଠମାଣ୍ଡୁ ୦୭/୦୩: ନେପାଳରେ ଜେନ-ଜି ସରକାର । ଜେନି-ଜି ବିଦ୍ରୋହ ପରେ ଦେଶରେ ପ୍ରଥମ ଥର ପାଇଁ ମାର୍ଚ୍ଚ ୫ରେ ହୋଇଥିବା ସଂସଦୀୟ ନିର୍ବାଚନର ଭୋଟ ଗଣତି ଜାରି ରହିଛି । ତେବେ ରେପରରୁ ରାଜନେତା ପାଲଟିଥିବା ବାଲେନ ଶାହାଙ୍କ ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି ପ୍ରଚଣ୍ଡ ବହୁମତ ସହ ସରକାର ଗଢିବାକୁ ଯାଉଛି । ଜେନଜିଙ୍କ ହିରୋ ବାଲେନ ଶାହା ନେପାଲର ପରବର୍ତ୍ତ ପ୍ରଧାନମନ୍ତ୍ରୀ ହେବା ଏକ ପ୍ରକାର ନିଶ୍ଚିତ । ଭୋଟ ଗଣତି ସରିବା ପରେ କେବଳ ଔପଚାରିକ ଘୋଷଣାକୁ ଅପେକ୍ଷା କରାଯାଉଥିବା କୁହାଯାଉଛି। ନେପାଲ କଂଗ୍ରେସ, ନେପାଲ କମ୍ୟୁନିଷ୍ଟ ପାର୍ଟିକୁ ବହୁ ପଛରେ ପକାଇଛି ବାଲେନ ଶାହଙ୍କ ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି ।

ତେବେ ଏହି ବିଜୟ ସହ କେପି ଶର୍ମା ଓଲିଙ୍କ ନେତୃତ୍ୱାଧୀନ ସରକାରକୁ କ୍ଷମତାଚ୍ୟୁତ କରିବ ଏହା ନିସନ୍ଦେହ ।ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ, RSP ୧୮ଟି ଆସନ ଜିତିଛି । ୯୯ଟି ଆସନରେ ଆଗୁଆ ଅଛି। ଚାରି ଥର ପ୍ରଧାନମନ୍ତ୍ରୀ ଓ ସିପିଏନ-ୟୁଏମଏଲ ସଭାପତି କେପି ଶର୍ମା ଓଲିଙ୍କ ବିରୁଦ୍ଧରେ ତାଙ୍କର ଗଡ଼ ଝାପା-୫ ନିର୍ବାଚନମଣ୍ଡଳୀରେ ବାଲେନ୍ ଶାହ ୧୫,୦୦୦ରୁ ଅଧିକ ଭୋଟ ପାଇଛନ୍ତି। ଓଲି ଏପର୍ଯ୍ୟନ୍ତ କେବଳ ୩,୩୦୦୦ ଭୋଟ ପାଇଛନ୍ତି। ନେପାଳର ୨୭୫ ସଦସ୍ୟ ବିଶିଷ୍ଟ ପ୍ରତିନିଧି ସଭା ମଧ୍ୟରୁ, ୧୬୫ଟି FPTP ସିଷ୍ଟମ ବ୍ୟବହାର କରି ନିର୍ବାଚିତ ହୋଇଥାନ୍ତି ।

"ବାଲେନ୍" ନାମରେ ଜଣାଶୁଣା ୩୫ ବର୍ଷୀୟ ଇଞ୍ଜିନିୟର ନେପାଳର ପରବର୍ତ୍ତୀ ପ୍ରଧାନମନ୍ତ୍ରୀ ହେବେ ବୋଲି ଆଶା କରାଯାଉଛି । ଗତ ୧୮ ବର୍ଷ ମଧ୍ୟରେ ନେପାଳ ୧୪ଟି ସରକାର ଦେଖିଛି। ଭାରତ ନିର୍ବାଚନ ଉପରେ କଡ଼ା ନଜର ରଖିଛି । ଉଭୟ ପକ୍ଷ ମଧ୍ୟରେ ବିକାଶମୂଳକ ସହଭାଗୀତାକୁ ଆଗକୁ ବଢ଼ାଇବା ପାଇଁ ରାଜନୈତିକ ଭାବରେ ଅସ୍ଥିର ହିମାଳୟ ଦେଶରେ ଏକ ସ୍ଥିର ସରକାର ଆଶା କରୁଛି।

ଭାରତ ନେପାଳର ନୂତନ ସରକାରଙ୍କ ସହିତ କାମ କରିବାକୁ ଅପେକ୍ଷାତେବେ ଏହି ଅବସରରେ ପ୍ରତିକ୍ରିୟା ରଖିଛନ୍ତି ଭାରତ ସରକାର । ଭାରତ କହିଛି "ଆମେ ନେପାଳର ନୂତନ ସରକାରଙ୍କ ସହିତ କାମ କରିବାକୁ ଅପେକ୍ଷା କରିଛୁ । ଯାହା ଦ୍ୱାରା ଆମର ଦୁଇ ଦେଶ ଓ ଲୋକଙ୍କ ମଧ୍ୟରେ ପାରସ୍ପରିକ ଲାଭ ପାଇଁ ଦୃଢ଼ ବହୁମୁଖୀ ସମ୍ପର୍କକୁ ଆହୁରି ଆଗକୁ ବଢ଼ାଯାଇପାରିବ ।

ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଗୁରୁବାର ଦିଲ୍ଲୀରେ କହିଛନ୍ତି । ସେ ଆହୁରି କହିଛନ୍ତି ଯେ ଭାରତ ନିରନ୍ତର ନେପାଳରେ ଶାନ୍ତି, ପ୍ରଗତି ଏବଂ ସ୍ଥିରତାକୁ ସମର୍ଥନ କରିଆସିଛି । ଏହାର ପ୍ରତିବଦ୍ଧତା ପାଳନ କରି, ନେପାଳ ସରକାରଙ୍କ ଅନୁରୋଧ ଅନୁଯାୟୀ ଏହି ନିର୍ବାଚନ ପାଇଁ ଲଜିଷ୍ଟିକ୍ ଯୋଗାଣ ଯୋଗାଇଛି।

ନେପାଳୀ କଂଗ୍ରେସ ଦୁଇଟି ଆସନ ଜିତିଛି ଏବଂ ଅନ୍ୟ ୧୩ଟିରେ ଆଗୁଆ ଅଛି । ଯେତେବେଳେ CPN-UML ୧୦ଟି ଆସନରେ ଆଗୁଆ ଅଛି। ନେପାଳୀ କମ୍ୟୁନିଷ୍ଟ ପାର୍ଟି ଗୋଟିଏ ଆସନ ଜିତିଛି ଏବଂ ଛଅଟିରେ ଆଗୁଆ ଅଛି। ଲେବର କଲ୍ଚର ପାର୍ଟି ମଧ୍ୟ ଛଅଟି ଆସନରେ ଆଗୁଆ ଅଛି। ୨୭୫ ଜଣ ସଂସଦ ସଦସ୍ୟଙ୍କୁ ଚୟନ କରିବା ପାଇଁ ଏହି ସାଧାରଣ ନିର୍ବାଚନରେ ୧୮.୯ନିୟୁତରୁ ଅଧିକ ନେପାଳୀ ନାଗରିକ ସେମାନଙ୍କର ମତଦାନ ଦେବାକୁ ଯୋଗ୍ୟ ଥିଲେ।

୧୬୫ ସଦସ୍ୟଙ୍କ ପାଇଁ ପ୍ରତ୍ୟକ୍ଷ ଭୋଟିଂ ଓ ୧୧୦ ସଦସ୍ୟଙ୍କ ପାଇଁ ଆନୁପାତିକ ଭୋଟିଂ ମାଧ୍ୟମରେ ନିର୍ବାଚନ ଅନୁଷ୍ଠିତ ହେବ।ନେପାଳରେ ହିଂସାତ୍ମକ ପ୍ରତିବାଦଅନ୍ତରୀଣ ସରକାରର ନେତୃତ୍ୱ ନେବା ପାଇଁ ବାଲେନ ଥିଲେ ପ୍ରଥମ ପସନ୍ଦ । ଗତ ବର୍ଷ ସେପ୍ଟେମ୍ବରରେ ଦୁର୍ନୀତି ଓ ସୋସିଆଲ ମିଡିଆ ପ୍ରତିବନ୍ଧକ ବିରୋଧରେ ଦେଶବ୍ୟାପୀ ଦୁଇ ଦିନିଆ ହିଂସାତ୍ମକ ପ୍ରତିବାଦ ପରେ ଜେନେରେସନ ଜେଡ (ଜେନ ଜେଡ) ଯୁବ ଦଳ ଓଲିଙ୍କ ନେତୃତ୍ୱାଧୀନ ମେଣ୍ଟ ସରକାରଙ୍କୁ କ୍ଷମତାରୁ ବହିଷ୍କାର କରିବା ପରେ ଏହି ପରିସ୍ଥିତି ସୃଷ୍ଟି ହୋଇଥିଲା।

ତଥାପି, ବାଲେନ ସେତେବେଳେ ମଧ୍ୟବର୍ତ୍ତୀକାଳୀନ ସରକାରର ନେତୃତ୍ୱ ନେବାକୁ ମନା କରି ଦେଇଥିଲେ । କହିଥିଲେ ଯେ ସେ ସଂସଦୀୟ ନିର୍ବାଚନରେ ଲଢ଼ିବାକୁ ଓ ପୂର୍ଣ୍ଣ କାର୍ଯ୍ୟକାଳ ପାଇଁ ସରକାରର ନେତୃତ୍ୱ ନେବାକୁ ପସନ୍ଦ କରିବେ। ଜାନୁଆରୀ ୨୦୨୨ରେ, ସେ ରବି ଲାମିଛାନେଙ୍କ ନେତୃତ୍ୱାଧୀନ ଆରଏସପିରେ ଯୋଗ ଦେଇଥିଲେ । ଶୀଘ୍ର ତାଙ୍କୁ ଦଳର ପ୍ରଧାନମନ୍ତ୍ରୀ ପ୍ରାର୍ଥୀ ଘୋଷଣା କରାଯାଇଥିଲା। ପ୍ରଚାର ସମୟରେ ତାଙ୍କୁ ବ୍ୟାପକ ସମର୍ଥନ ମିଳିଥିଲା।